A Nimariu 38:24 - A Nitana Vure

²⁴ A maka gol i habi e huriki ne vona ni hae a mailo vona, ni gi palupu a nimavane ria i 998 kilo.

A Nimariu 38:24 Iomraidhean Croise

A Nimariu 25:2

“O taki e huriki a Israel ri gi bole a maka nihabi ri gi habi nau. A maki ri ngaru ni habi na hatene ria o bole.

A Nimariu 29:24

Muri o habi a bret a balena sipsip ne Aron, turane huriki e tuna. Ri gi bole a nihabi nga ri gi tabari iau vona, ge a nihabi na nitabari.

A Nimariu 30:24

O bole ranga havu ni rata na kulina kai a kasia, a nimavana a kilo ge polotara. O bole a namona oliv a lita ge taku; o guru dili na maki nga.

A Nimariu 35:22

Ri bole valai a maki legelege, a pato, a bio, a bagetua ranga ni rata na gol, ge a nihabi nitabari ne BAKOVI DAGI.

E Levi 27:25

A mapana maki nga ni gi pasi ramai a moni na mailo ne BAKOVI DAGI.

E Levi 27:3

Ge pasia a mapana bakovi o ngatavine vona ge maea: a bakovi i tahoka a pida i ravulu rua, i harena na pida i ravulu polotara (60), ni gi kona na moni silva i 50, i ramai a nimavana moni na mailo ne BAKOVI DAGI.

E Levi 5:15

“Na tahuna a bakovi tara i longokaburungi ni habi a maki ni taba ne BAKOVI DAGI, i manga a hini i taki ge habi, i rata a naro hale. Ra bakovi iea ge bole vilia a sipsip a toga, ge habia ne BAKOVI DAGI ge vakaloboa a naro hale vona. A prister ge takia vona a mapana sipsip ge konea vona ge ramaia a mapana maki ni kona na mailo na Vure. Muri a bakovi iea ge bole vilia na prister tara sipsip a toga, a mapana ge maea.

Ni Gi 18:16

E huriki a Israel ri gi kona mule e huriki e tune ria ri tahoka a keva i taku na silva sekel i lima, i ramai a nimavana sekel na kape na tahuna iea.

Ni Gi 3:47

O bole a silva moni ge lima takutaku na bakovi ne ria, ne vona ni kona mule ria. A nimavana silva i ramai a nimavana maki na tahuna iea.