A Nimariu 34:9 - A Nitana Vure

⁹ Lakea e Moses i takia, “Bakovi Dagi, ioe bara o ngaru muholi iau, a ngaru ioe go vano turane mia. I muholi ngi, re huriki nga ri longotaro hateka a ngava, a ngaru go puga vuroki a naro hale ne ria, o bole mia, ge mia e huriki a viri vomu.”

A Nimariu 34:9 Iomraidhean Croise

A Nimariu 19:5

Mua bara mu longo mai iau, mu ramaia a ngava dagi nau, bara vulaki mua ge mua a tara nau. A maki lobo, e huriki lobo na malala, ria ranga ne nau.

A Nimariu 32:9

Lakea e BAKOVI DAGI i takia e Moses, “Iau a lohoka vona e huriki nga, ri tagege hateka.

A Nimariu 33:12

E Moses i takia e BAKOVI DAGI, “Muga o taki iau ga matakari e huriki ri gi lakea na malala ne ria. Pali i uka ma o taki iau vona e rei a bakovi ge turagu ge tuhori iau. Muga o ta maea, ‘A lohoka kamumu vomu, a ngaru ioe.’

A Nimariu 34:7

A ngaru hateka e huriki ri ala ravulu rangale (1,000), i manga a ngava a ta muholi vona pali. A puga vuroki a naro hale ne huriki ri longotaro a nitagu, ri putu puru a vinara, ri rata a naro hale. Pali e huriki ri rata a naro hale, ri tahoka a ngava, ga vakamadihi ria turana e huriki a hamone ria, re huriki e tubune ria, e tamarane ria.”

Ni Gi 14:19

BAKOVI DAGI, ioe o ngaru mia lobo i uka ma o mapulo kilala. I mavonga a nana ioe go puga vuroki a naro hale ne huriki nga, i manga a hini o rata na tahuna ri pe e Egipto i valai i harena mona, o rata vakaroro i valai i harena mona.”

Vinara 32:9

Pali i vulakia a kabu ne Iakop ge matakaria.

Vinara 4:20

Pali mua, e BAKOVI DAGI i bole tala mua o Egipto i taparaki valai mua koea, i manga kunana a hini i bole tala mua na kanono i kara hateka. I bole valai mua koea ge rata mua ge mua e huriki a tara vona, i manga mua mona.

Vinara 9:18

“Muri a hamule sike tabu ne BAKOVI DAGI a mahita ngalabarara puru na malala na haro, na rodo, i harena na parava i ravulu va. I uka ma a kani, i uka ma a ninu. A rata mavonga, a vuhuna mu rata a naro hale ne BAKOVI DAGI, mu ratea i madihi a hatena.

Vinara 9:26

Lakea a vasileki maea, ‘O Bakovi Dagi, ioe a Vure, naha ni ratapile huriki a bakovi a ngatavine vomu. Ioe kunana o bole tala ria o Egipto na nitora dagi vomu, o taparaki valai ria koea.

Vinara 9:29

O BAKOVI DAGI, re huriki nga, o vulaki ria ge ria a tara vomu. Na nitora dagi vomu, o bole tala ria o Egipto, o taparaki valai ria koea.”