A Nimariu 34:7 - A Nitana Vure

⁷ A ngaru hateka e huriki ri ala ravulu rangale (1,000), i manga a ngava a ta muholi vona pali. A puga vuroki a naro hale ne huriki ri longotaro a nitagu, ri putu puru a vinara, ri rata a naro hale. Pali e huriki ri rata a naro hale, ri tahoka a ngava, ga vakamadihi ria turana e huriki a hamone ria, re huriki e tubune ria, e tamarane ria.”

A Nimariu 34:7 Iomraidhean Croise

A Vuhuna 19:16

Na tahuna e Lot i loho paepae, a bakovi nga ru nugu a limana, a limane girihina, a limane tuna ngatavine ala rua, ru turari tala ria na tanga dagi, a vuhuna e BAKOVI DAGI i dodo ria.

A Nimariu 23:21

Mu longototoa, mu ramaia a ngavana, a vuhuna iau a made turana. A agelo nau i uka ma ge puga a naro hale ne huriki ri longotaro a ngavana.

A Nimariu 23:7

Naha ni rata a ngava taminga ni kau virihia na ngava hale a bakovi i malamala, ma ni gi rabalaki tavula. Ra bakovi i kau virihi tavula a viri na ngava, a uka ma ga pugea a naro hale vona.

A Nimariu 33:19

E BAKOVI DAGI i koli, i ta maea, “Iau ga vakasiria vomu a naro kamumu nau, ga vakalongoa vomu a ragu e BAKOVI DAGI. O longo kamumu! Na tahuna a ngaru ni rata kamumu a viri, bara rata kamumua. Na tahuna a ngaru ni dodo a viri, bara dodoa.

A Nimariu 34:9

Lakea e Moses i takia, “Bakovi Dagi, ioe bara o ngaru muholi iau, a ngaru ioe go vano turane mia. I muholi ngi, re huriki nga ri longotaro hateka a ngava, a ngaru go puga vuroki a naro hale ne ria, o bole mia, ge mia e huriki a viri vomu.”

Mateo 12:31

A taki mua, a Vure bara i puga vuroki a naro hale na viri i rata virihia e turana, a naro hale na viri i ta hale na Vure. Pali a viri i ta hale na Hanu Kiripiripi, a Vure i uka ma ge puga a naro hale vona.

Mateo 6:12

O puga vuroki a naro hale ne mia, i manga a hini mi puga a naro hale ne huriki ri rata hale mia.

Lukas 7:42

Rua varago ru uka a moni ru gu koli, lakea i taki rua nahea ru gu koli. E rei ne rua ge ngaru hatekea a matakari na tava?”

Lukas 7:48

Muri e Isu i takia a ngatavine i ta maea, “Iau a puga vuroki a naro hale vomu.”

Apostolo 13:38

“Mua o huriki a turagu, a ngaru mu gu lohoka vona, miri vakalongo mua vona a Vure bara i puga vuroki a naro hale ne mua na tahuna mu luhoi torea e Isu.

Apostolo 5:31

A Vure i bibi rikea a rana e Isu, i vakamadea na limana kanena, ge muga ne hita, ge korimule hita, ge rata e huriki a Israel ri gi pulo a vilone ria, ge puga a naro hale ne ria.

Epesus 1:7

Si rihi e Kristo, i kona hita na darana. Ngane a Vure i puga vuroki a naro hale ne hita. Na naro iea a Vure i vakasiri ne hita, na harikia vona, ia a mari ni rata kamumu hateka hita.

Epesus 4:32

Mu valemu kamumu, mu vadodo, mu valongo kaburungi a naro hale, i manga kunana a Vure i puga vuroki a naro hale ne mua na leho e Kristo i ratea.

Vinara 32:35

I davea a parava bara i ratapile ria. Bara i koli a maka naro hale ne ria i vakamadihi ria. I uka ma ge tabaka bara ri boru puru ri vurua.”

Vinara 7:10

Pali bara i koli i ratapile e huriki i uka ma ri ngarua.

Vinara 7:9

Mu luhoi kamumua a maki iea. E BAKOVI DAGI a Vure ne hita, ia kunana a Vure muholi. I muri mai a nitana vakaroro, bara i ramai a nita muholi vona. A ngava dagi na ningaru na Vure i rata virihi e huriki ri ala rangale (1,000) ri ngarua ri ramai a vinara vona.

Hibru 12:29

a vuhuna a Vure ne hita i manga a kanono i gutu i vuro lobo liu a maka maki.

Iosua 24:19

E Iosua i ratea ne ria a nita iea, “Pali iau a luhoi mua, i uka ma mu kara ni ramaia e BAKOVI DAGI. Re BAKOVI DAGI a narona i kamumu i malamala, i marikoi ne mua mu gu kavurike a vure ranga, bara mu rata mavonga i uka ma ge puga vuroki a nitagege, a naro hale ne mua.

1 Ioanes 1:9

Pali na tahuna si taki tala na Vure a naro hale ne hita, a Vure bara i ramai a ngava muholi i taki pali, bara i ramai a naro kiripiripi vona, i puga vuroki a naro hale ne hita, i vahilolo hita, si malamala na matana.

Kapiloho 20:15

E rei a viri, a rana i uka ma i tabuli na buk na nimahuri, ni voro puru ria na darilomu na kanono.

Kapiloho 21:8

Pali e huriki ri mangenge, e huriki i uka ma ri luhoi tora, e huriki ri katoki na matagu, e huriki ri rabalaki a viri, e huriki ri mole, e huriki ri rata a muto, a malulu, e huriki ri vasileki na nitamina vure, e huriki ri tatami, a murine ria a darilomu i nono na viku a kanono. Ia ni gale a ruana matenga.”