A Nimariu 34:6 - A Nitana Vure

⁶ I polo na ngalane Moses, i vakalongo maea, “Iau e BAKOVI DAGI, iau e BAKOVI DAGI. Iau a Vure na nidodo na ni rata kamumu e huriki. Iau i uka ma a tahate malaviriri e huriki. A ngaru hateka e huriki a bakovi a ngatavine, a ramai lobo a ngava nau.

A Nimariu 34:6 Iomraidhean Croise

A Vuhuna 24:27

i ta maea, “Iau a kavurike e BAKOVI DAGI, a Vure na matakari nau e Abraham, i uka ma i vakatoku a naro kamumu vona, a niluhoi kamumu na matakari nau. Pali iau, a nilaho nau iea, e BAKOVI DAGI i vakasiri iau vona a tabeke na kabu na matakari nau.”

A Nimariu 20:5

Naha ni turume ni kavurike ria, a vuhuna iau e BAKOVI DAGI, iau a Vure ne mua, i uka ma ga matataroa tara vure ge kuloi iau. E huriki ri marikoi iau, bara ratapile e huriki a hamone ria ge harena ne tubune ria o ne tamarane ria.

A Nimariu 22:27

a vuhuna a bakovi iea i tahoka kunana a varakia i taku ge kavitagua vona na rodo. Bara o vakatokua, ge kavitagua na a ra? Na tahuna i tangi valai nau bara tuhoria, a longo maia a nitangi vona, a vuhuna iau a dodo e huriki lobo.

A Nimariu 33:19

E BAKOVI DAGI i koli, i ta maea, “Iau ga vakasiria vomu a naro kamumu nau, ga vakalongoa vomu a ragu e BAKOVI DAGI. O longo kamumu! Na tahuna a ngaru ni rata kamumu a viri, bara rata kamumua. Na tahuna a ngaru ni dodo a viri, bara dodoa.

Iona 4:2

I vasileki ne BAKOVI DAGI, i ta maea, O BAKOVI DAGI, o longo iau. I uka ma a pea ma a robo nau, a lohoka vona pali i uka ma go ratapilea e Ninive. I mavonga, a toni ni ha lakea o Tarsis. A lohoka vomu, ioe a Vure na nidodo, na ningaru. O maradoi na nitahate, o ngaru hateka vakaroro e huriki. Ioe a Vure o kara ni pulo a niluhoi vomu na niratapile e huriki.

Ni Gi 12:8

I mavonga, a ta turana i manga a bakovi i ta turana e turana. A ta kavakava vona, i uka ma ta vakakika. Ia tara i matai iau. Pali i navai i uka ma muru mangenge ni harogi e Moses, a vora nau?”

Ioanes 1:17

A Vure i habi polo ne Moses a vinara, i habi ne hita. Pali a naro kamumu, a nita muholi, a Vure i habi polo ne Isu Kristo, i habi ne hita.

A Raukea e Paulus i Here Lakea ne Huriki a Rom 2:4

Naha ni luhoi i kamumu go tabana ni rata a naro hale, a vuhuna a Vure a mari ni rata kamumu hateka e huriki, a mari ni hatenono hateka. Naha ni luhoi mavonga. A Vure i rata kamumu ioe, a vuhuna i ngaru go pulo a vilomu.

Vinara 32:3

Ngane ga vakalongo a rane BAKOVI DAGI, mu kavurikea a rana a Vure ne hita.

Vinara 4:31

Ia a Vure na nidodo. I uka ma ge pe mua, o ge rata hale mua, o ge longokaburungia a nita na ngava dagi i ratea ne huriki a gare ne mua hosi.

Vinara 5:10

Pali e huriki a bakovi a ngatavine ri ngaru hateka iau, ri ramai a vinara nau, bara ngaru hateka e huriki a hamone ria, ri ala rangale (1,000) ri gi bele muri ma.

Iakop 5:11

Si lohoka vona, e huriki ri hatenono bara ri vivi. Mu longoa pali a nuverei ne Iob, i hatenono na tahuna i bole a maregoa dagi. Muri e Bakovi Dagi i korimulea. Muholi hateka, e Bakovi Dagi a Mari ni dodo, a Mari ni rata kamumu hateka hita.