A Nimariu 34:11 - A Nitana Vure

¹¹ Mu ramai a vinara nau a taki ioe vona mu gu ramai. Iau ga muga ga lili tala e huriki a Amor, a Kenan, a Hiti, a Peres, a Hivi, a Iebus na malala ne ria.

A Nimariu 34:11 Iomraidhean Croise

A Nimariu 23:28

Ga rudu muga a maka vuvu ri gi tura e huriki a Hivi, a Kenan, a Hiti, ri gi lili tala ria.

A Nimariu 3:17

A luhoi muga pali ta ga bole tala ria na tanga na nimadihi o Egipto. Muri ga bole sike ria na robo ne huriki a Kenan, a Hiti, a Amor, a Peres, a Hivi, a Iebus. Ra malala iea i kamumu, i vona a maki ni kani.

A Nimariu 3:8

Ngane a puru valai ga korimule ria na limane huriki a Egipto, ga taparaki ria vona a malala kamumu i vona a maki ni kani. Ra malala iea, ngane e huriki a Kenan, a Hiti, a Amor, a Peres, a Hivi, a Iebus ri made vona.

A Nimariu 33:2

Ga rudua a agelo nau, ge muga mua, ge vakasiri a dala ne mua. Iau bara lili tala e huriki a Kenan, a Amor, a Hiti, a Peres, a Hivi, a Iebus ra ri made vona a malala iea.

A Nimariu 8:27

Mi gi laho na parava ge tolu na tabeke i ngeki, mi gi habi a nihabi ne BAKOVI DAGI a Vure ne mia, i manga a hini i taki mia vona.”

Ioanes 14:21

E rei a viri i longo mai a nitagu, i ramai, ia a viri i ngaru iau. A viri i ngaru iau, e Tata tara i ngarua, iau tara a ngarua, bara vakasiri iau vona.”

Vinara 12:28

Mu ramai kamumu a maka vinara a taki mua vona pali, lakea a maka maki bara i bele kamumu ne mua, ne tune mua na tahuna mu rata a naro kamumu na matane BAKOVI DAGI, a Vure ne mua.

Vinara 12:32

“Mu rata lobo a maka maki, ge manga a hini a taki mua vona. Naha ni hudo tala a vinara, naha ni lohopile na vinara.”

Vinara 28:1

E Moses i ta tabu i ta maea, “Na tahuna mu ramai a nitane BAKOVI DAGI a Vure ne mua, mu ramai kamumu a maka vinara vona a habi ne mua ngane, bara i vakadagi a rane mua, mu rangi a kabu lobo na malala.

Vinara 33:27

A Vure i made vakaroro, i nugutata hita vakaroro na limana i uka ma i pe hita. Na tahuna mu vano mu bolea a malala ne mua, bara i lili tala e huriki a pile ne mua, i taki mua bara mu rabalaki lobo ria.

Vinara 4:40

Mu ramai lobo a maka vinara vona i habi ne mua ngane. Mua, turane huriki a hamone mua, bara mu made kamumu. Bara mu made tabaka vona a malala e BAKOVI DAGI a Vure ne hita, i habia ne mua.”

Vinara 5:32

Lakea e Moses i vara e huriki a Israel i ta maea, “Mu matadoko, mu ramai lobo a maka vinara ne BAKOVI DAGI a Vure ne hita i habi ne mua. Naha ni longotaroa tara vinara. Naha ni makope lakea na maurine mua o na kanene mua.

Vinara 6:25

Hita bara si ramai kamumu a maka vinara lobo, e BAKOVI DAGI a Vure ne hita bara i vivi, bara i gale hita, ge hita a bakovi a ngatavine malamala.’”

Vinara 6:3

Mua o huriki a Israel mu longo kamumu a vinara nga, mu ramai. Muri a maki lobo mu rata, bara ri bele kamumu kunana, mu bele kupo, mu made vona a malala i vona a maki ni kani. E BAKOVI DAGI a Vure ne huriki a gare ne hita i ta muholi vona a ngava iea.

Vinara 7:19

Mu luhoi mule a maka gilanga hale hateka mu matai ri bele o Egipto. Mu luhoi mule a maka nivakasiri a maka leho dagi e BAKOVI DAGI a Vure ne mua i rata. Mu luhoi mule ra leho dagi hateka a Vure i rata, ge bole mule mua o Egipto. A Vure bara i rata virihi ne huriki nga ra mu mangenge ne ria, ra naro i taku.

Iosua 23:5

E BAKOVI DAGI a Vure ne hita ge lili tala e huriki a pile, ge rata ria ri gi ha ne mua, bara mu bole a malala ne ria i manga a ngava i ta muholi vona.