A Nimariu 34:10 - A Nitana Vure

¹⁰ E BAKOVI DAGI i takia e Moses, “Ngane a ta muholi, ga vakasiri na matane mua lobo a maka nivakasiri dagi, i uka ma a vakasiri ma ne huriki lobo na malala. A maka kabu ranga bara ri matai a maki legelege a rata ni tuhori mua, bara ri luhoi lege, ri mangenge.

A Nimariu 34:10 Iomraidhean Croise

A Nimariu 34:27

E BAKOVI DAGI i takia e Moses, “O here puru a ngava nga na puhu, a vuhuna a burena a maka ngava dagi a rata turamu, a rata turane huriki a Israel.”

A Nimariu 34:28

Lakea e Moses i made turane BAKOVI DAGI na lolo na parava i ravulu va, a rodo i ravulu va, i uka ma i kani, i uka ma i ninu. I here a nita na ngava dagi na tabekena kedo i bole sike e Moses. A ngava nga ra vinara na Vure i ravulu.

Vinara 10:21

Mu kavurikea a rana, ia kunana a Vure ne hita. Mua lobo mu matai a maka maki legelege i rata ge tuhori mua.

Vinara 32:30

I navai a pile i ala taku kunana ge rangi e huriki a Israel ri ala 1,000? I navai a pile i ala rua kunana ru rangi e huriki ri ala 10,000? A vuhuna e BAKOVI DAGI a Vure Tuhaka ne ria i marikoi, i ngalahere ne ria pali.

Vinara 4:13

Na tahuna iea a Vure i habia ne mua a vinara vona i ravulu, i here na tabekena kedo i rua. Ra vinara nga, ri manga a maka ngava dagi i rata turane mua. I taki mua mu gu ramai a maka vinara nga.

Vinara 9:19

E BAKOVI DAGI i madihi hateka a hatena, i luhoi ni vakalobo liu mua, lakea a mangenge hateka. Pali e BAKOVI DAGI i longo mai iau tabu.

Iosua 6:20

Lakea e huriki ri magulu, e huriki a prister ri vaki a maka tavure. Na tahuna e huriki ri longo a nangina tavure, ria lobo ri magulu rike taku, i mapuka a nure dagi. Muri ri dili ri bolea a tanga dagi.