A Nimariu 33:1 - A Nitana Vure

¹ E BAKOVI DAGI i takia e Moses, “Ngane, o vano turane huriki o bole tala o Egipto, mu pea a tanga iea, mu lakea na malala a ta muholi vona ga habia ne mua. Hosi a ta muholi vona ne Abraham, ne Isak, ne Iakop, a ta maea, ‘Ga habia ne huriki a hamone matou a malala iea.’

A Nimariu 33:1 Iomraidhean Croise

A Vuhuna 12:7

Pali e BAKOVI DAGI i bele ne Abram i ta maea, “Ga habia ne huriki a hamomu a malala iea.” Lakea i kisia vonga a dede-kedo na hini i bele vona e BAKOVI DAGI.

A Vuhuna 15:18

Na parava iea, e BAKOVI DAGI i ratea a ngava dagi turane Abram, i ta maea, “Iau a habia ne huriki a hamomu a malala iea, i vakatubu na naru e Vadi o Egipto i harena na naru dagi e Iupretis,

A Vuhuna 26:1

Ngane a pago i bele na robo e Kenan i manga a hini muga na tahuna ne Abraham. E Isak i vano, i lakea ne Abimelek, a hariki ne huriki a Palestina, na tanga e Gerar.

A Vuhuna 26:3

O made popote vona a malala iea. Iau ga made turamu, ga gamai ioe. Ra malala iea ga habia vomu turane huriki a hamomu, bara vakatorea ra nita dagi a ta muholi vona ne tamamu, e Abraham.

A Vuhuna 28:10

E Iakop i malaga o Bersiba, ge lakea o Haran.

A Vuhuna 50:24

Muri e Iosep i taki e huriki e turana, i ta maea, “Iau a tabukoi ga mate. Pali a Vure ge matakari mua. Muri bara mu ha taroa a robo iea, mu sike lakea na robo a Vure i vakasiria, i ta muholi vona ge habia ne Abraham, e Isak, e Iakop.”

A Nimariu 17:3

Pali e huriki ri mate na marohua, ri deke lakea ne Moses, ri ta maea, “Ge ra o tuli tala mia o Egipto? O ngaru mi gi mate turane huriki e tune mia, a sipsip a bulmakau ne mia?”

A Nimariu 32:1

E Moses i made tabaka hateka na lolo, i uka ma i malaviriri ni puru valai. Lakea e huriki ri pesi halui e Aron ri takia, “I uka ma si lohoka vona a ra maki i bele ne Moses meli na lolo. I tuli tala hita o Egipto, i taparaki valai hita koea. Pali ngane si gi rata ranga vure, ri gi muga ri gi vakasiri a dala ne hita.”

A Nimariu 32:13

O luhoi mule a vora vomu e Abraham, e Isak, e Iakop. O kaba, o taki tou o ta maea, ‘A ta muholi hateka, e huriki a hamone matou ge kupo manga a hada na hunu. Ra malala a ta muholi vona, ga habia ne matou, bara habia ne huriki a hamone matou.’”

A Nimariu 32:34

O vano ngane, o tuli e huriki ri gi lakea vona a tanga, a taki ioe vona ri gi lakea vona. O longo kamumu. A agelo nau ge muga, ge vakasiri a dala ne mua. Pali na tahuna ga hamule valai, ga ratapile e huriki ri rata a naro hale.”

A Nimariu 32:7

Lakea e BAKOVI DAGI i takia e Moses, “O puru malaviriri. E huriki o tuli tala o Egipto ri rata hateka a naro hale.

E Levi 20:24

A taki mua pali na maka uve, a kai ni kani, ri koru kamumu vona a malala iea. Ga habia ne mua, ge ne mua liu. Iau e BAKOVI DAGI a Vure ne mua, a vulaki tala mua ne huriki a kabu ranga ge mua e huriki a viri nau.

Ni Gi 11:12

Iau i uka ma vakabele ria na tamudine kinane ria. Iau i uka ma iau e kinane ria ga poda ria. Pali i navai o taki iau ga leho manga a tagari, ga boko ria manga a koma kiroko na limagu, i vakatubu o Egipto i lakea liu na malala o ta muholi vona go habia ne huriki a gare ne ria?

Apostolo 7:36

E Moses i tuli tala ria o Egipto, i rata a maka maki ni turutu vona, a nivakasiri i kupo na robo e Egipto, na Dari Vururu, na malala golea na pida i ravulu va.

Vinara 1:8

Ra maka malala nga lobo, iau e BAKOVI DAGI a ta muholi vona ga habi ne huriki a gare ne mua e Abraham, e Isak, e Iakop, ne huriki a hamone tou. Mu vano mu lokovonga mu bolea.’