A Nimariu 32:32 - A Nitana Vure

³² Pali ngane a nana ioe, ta go puga vuroki a naro hale ne ria. Pali ge uka, a ngaru ioe go ravunu vurokia a ragu na puhu vomu.”

A Nimariu 32:32 Iomraidhean Croise

A Nimariu 32:10

Iau, i madihi a hategu ne ria. Ngane ga ratapile ria, naha ni hatekakari iau. Muri ga rata ioe, turane huriki a hamomu bara mu kuloi ria, mu bele kupo.”

Ni Gi 11:15

Ioe o ngaru ni rata maea iau, i kamumu hateka o dodo iau o rabalaki liu iau, i uka ma ga leho hateka tabu ga bole a maregoa nga.”

Ni Gi 11:25

Muri e BAKOVI DAGI i puru valai na bubu iea, i ta turane Moses. Lakea e BAKOVI DAGI i bole a nitora na hanuna, ra i habi muga ne Moses i habi ne huriki a gare ala ravulu polorua. Na tahuna a hanuna i valai i made turane ria, popote kunana ri vakalongo a nita propet, pali i uka ma ri rata lokovonga liu.

Ni Gi 14:19

BAKOVI DAGI, ioe o ngaru mia lobo i uka ma o mapulo kilala. I mavonga a nana ioe go puga vuroki a naro hale ne huriki nga, i manga a hini o rata na tahuna ri pe e Egipto i valai i harena mona, o rata vakaroro i valai i harena mona.”

Lukas 10:20

Pali naha ni vivi vona e huriki a hanitu ri longototo mua. A maki mu vivi vona, a rane mua ni here puru pali na hunu.”

Lukas 23:34

Muri e Isu i ta maea, “Tata, o puga a naro hale ne ria, a vuhuna i uka ma ri lohoka vona a maki ri rata.” E huriki a nugumaheto ri rehi vona tara rihiva. A viri bara i mulangi bara i bole a varakia ne Isu.

A Raukea e Paulus i Here Lakea ne Huriki a Rom 9:3

A ngaru hateka ni kori e huriki a turagu a Iuda, re huriki a kabu nau. I mavonga kunana e Kristo ge ngaru ni muri mai a ningaru nau, ga vasileki vona, ge tono tala iau na kabu vona, ri gi bole a murigu e huriki a Israel.

Vinara 25:19

E BAKOVI DAGI a Vure ne hita i habia ne mua a robo iea, bara i matakari kamumu mua mu made na nivalemu. Pali na parava tara bara mu rabalaki e huriki a Amalek i uka ma ni gi luhoi mule tabu. Naha ni longokaburungia a ngava iea.”

Vinara 29:20

E BAKOVI DAGI i uka ma ge puga vuroki a naro hale na bakovi maea. A Vure bara i madihi a hatena vona, i manga a kanono i nono i kara hateka. Ra maki hale a puhu iea i taki, bara ri bele vona, i vano i harena na tahuna e BAKOVI DAGI i vakalobo liu ia.

Vinara 9:14

Ngane a ngaru ni ratapile lobo ria, i uka ma ni gi luhoi tabu. Naha ni hatekakari iau. Ga rata maea, muri ga rata mua a kabu dagi i gao hateka, i rangi e huriki nga.’

Pilipai 4:3

Pali ioe Sisogos tara, o kori a ngatavine ala rua nga. Rua varago ru leho turagu ni vakalongo a Velenga Kamumu. Mete leho turana e Klemen, e huriki ranga, a rane ria ni here na buk na nimahuri.

Kapiloho 17:8

Ra livoa o masia, hosi i made, pali ngane i uka. Ngane i popote ge sike valai na lovo i marangeo, ni gi ratapile. E huriki ri made na malala, re huriki, a rane ria i uka ma ni here dili na buk na nimahuri muga na nidoko na malala, bara ri masia a livoa iea, ri ngapa, a vuhuna i muga i made, pali ngane i uka ma i tabuli, pali muri ma bara i bele tabu.

Kapiloho 21:27

I uka tara maki katoki ge dili vona. I uka tara viri i rata a naro ni maruhu vona, o a naro taminga ge dili vonga. E huriki ri gi dili vona kunana, e huriki a rane ria ni here dili na buk na nimahuri na Tuna Sipsip.

Kapiloho 22:19

Pali e rei a viri i ravunu vuroki ranga nita propet i tabuli na buk iea, a Vure bara i ratea i uka ma ge kani na kai na nimahuri, i uka ma ge dili na tanga vona, i manga a ngava ni taki tala na buk iea.

Kapiloho 3:5

E rei a viri i mulangi, ga vakarodoa na varakia keakea. A rana bara i tabuli vakaroro na buk na nimahuri. I uka ma ga ravunu vurokia. Ga taki tala a rana na matane Tata, na matane huriki a agelo vona.