A Nimariu 32:15 - A Nitana Vure

¹⁵ Muri e Moses i ngalakapulo, i bole a tabekena kedo i rua e Bakovi Dagi i here a Ngava Dagi vona, i puru.

A Nimariu 32:15 Iomraidhean Croise

A Nimariu 16:34

Lakea e Aron i bolea a ulo kiroko i tahoni ranga mana, i ru tabukoia na tava ni ru a vinara na Vure vona. I ramaia a ngava e BAKOVI DAGI i takia e Moses vona.

A Nimariu 24:12

E BAKOVI DAGI i takia e Moses, “O sike valai na lolo, o pesi tabukoi nau. A here pali na kedo i rua a vinara nau. Ga habi vomu a kedo nga i rua, o tovo e huriki vona.”

A Nimariu 24:18

E Moses i dili na bubu i laho sike na lolo, i made vonga na parava i ravulu va.

A Nimariu 31:18

Na tahuna e Bakovi Dagi i ta lobo turane Moses na lolo e Sinai, i habi ne Moses a tabekena kedo i rua na Ngava Dagi, ra ia a Vure i here na limana.

A Nimariu 32:16

A Vure kunana i rata ra kedo nga, i here vona a vinara.

A Nimariu 34:29

Na tahuna e Moses i pe a lolo e Sinai i puru, i bole a tabekena kedo i rua ni here vona a Ngava Dagi. A matane Moses i parahidi, a vuhuna i ta turane Bakovi Dagi. Pali ia i uka ma i lohoka vona a matana i parahidi.

A Nimariu 40:20

I bole a kedo i rua ni here vona a Ngava Dagi, i ru dili na Tava na Ngava Dagi. I rodo dili a binole na halui na tava, i kavitagua a matana tava. Ra matana tava a murina nidodo.

2 Korin 3:3

Mu vakasiri mua, mu manga a raukea e Kristo i herea, i vakaru poloa nau. I uka ma i herea na limana, i herea na Hanuna Vure i mahuri vakaroro. I uka ma i herea na kedo. I herea na hatene mua.

2 Korin 3:7

A Vure i here na kedo a vinara, i habi ne Moses. Ra vinara iea i vakabele a matenga. A matane Moses i para na bagetua na Vure. Lakea e huriki a Israel ri keri ni matanonoa a matane Moses, a vuhuna a nipara na matana i para dagi hateka. Pali a nipara iea, muri i maravunu.

Vinara 5:22

“‘Na tahuna mu vapopo na dahana lolo, e BAKOVI DAGI i made pololilo na kanono na bubu na hini i uvo hateka. I ta dagi hateka, i habi ne mua a maka vinara lobo nga. I uka ma i habi tabu ne mua ranga. Muri i here a maka vinara nga na tabekena kedo i rua, i habi nau.’

Vinara 9:15

“Lakea a bole a tabekena kedo nga i rua, a Vure i here puru vona a nita muholi, a pe a mapana lolo, a raga puru. Na tahuna iea a kanono dagi i hube na lolo, a niparana i parai rikea a hunu.

Hibru 9:4

Na tabeke iea i tahoka a dede ni rata na gol. Ra dede iea, ne vona ni rungani a havu mangisipa, ge poko, ge huli pololilo vonga a mangina. A Tava na Ngava Dagi ni naviri na gol tara i tabuli vonga. Ni ru pololilo vona a ulo ni rata na gol, ni tahoni vona a bret na hunu ni gale a mana. A kodo e Aron, ra i tuvu tabu hosi, turana ngava dagi hosi ni here na kedo, ngi ranga ni ru pololilo vona.

Kapiloho 5:1

Muri a matai a viri i made na gula hariki, i nugu na limana a kanena a raukea ola ni pilu. A raukea iea ni here a ngava na ngalana, na bitona varago. Ni tango kapi na tabeke i polorua na buluka na kadel.