A Nimariu 30:34 - A Nitana Vure

³⁴ E BAKOVI DAGI i takia e Moses, “O bole a stakti, a onika, a bulukana a keke ni gale a golbanum, a bulukana a kai a balsam, o vuli ge vakabele a havu na havu mangisipa. A nimavana maki nga ge palupulupu.

A Nimariu 30:34 Iomraidhean Croise

A Nimariu 25:6

a namona oliv ne vona a lam; a havu ranga ni vuli turana a nibiri ne vona ni gamai; a havu ranga ne vona a havu mangisipa;

A Nimariu 30:23

“O bole kadolu a maka mangisipa kamumu. O bolea a mir, a nimavana a kilo ge polotara. O bole ranga havu ni gale a sinamon, a nimavana a kilo ge tolu.

A Nimariu 30:33

A bakovi i ratea tara nibiri maea, o ge guru langa tavulea na bakovi tavula tara, ra bakovi iea i uka ma ge made turane huriki a viri vona.’”

A Nimariu 30:35

O bole a maki nga, o vuli kamumu, o rata a havu na havu mangisipa. O bole a mami popote o ru puru na havu ge ratea ge matapado ge malamala.

A Nimariu 30:7

“Na hatelanga lobo e Aron ge valai ge rata kamumu a maka lam, ge namia a havu mangisipa ge vakabele a pokona kanono manginoro.

A Nimariu 31:11

Ri gi rata a nibiri ne vona ni gamai a maki nau, a havu mangisipa ni gi rungani na Tabeke Nitaba. Ri gi rata a maki nga, ge manga kunana a ngava a taki ioe vona na lolo.”

A Nimariu 35:15

a dede na havu mangisipa turana a binolena, a nibiri nigamai, a havu mangisipa, a kala dagi ni gi vakatavore na matana kape;

A Nimariu 37:29

Muri ri ratea a nibiri, ra nibiri iea ni taba ne vona ni gamai a maki, a havu mangisipa i ratea a mari.

E Levi 16:12

Muri ge bole lakea na dede a ulo kiroko ni rata na aen, ge ru dili a katona kanono vona, ge bole lakea na matane BAKOVI DAGI na Tabeke Nitaba Hateka. Ge ragamu na limana balaka rua a havu mangisipa, ge guru dili na ulo i vona a katona kanono. A pokona a ulo bara i kavitagua a murina nidodo na Tava na Ngava Dagi. E Aron nahea ge masia a hini nga, ma ge mate.

E Levi 2:1

E BAKOVI DAGI i taki tabua e Moses, “Na tahuna a bakovi tara i ngaru ni habi ne BAKOVI DAGI ranga vit, ge vila tala a kulina vit, ge bole a kanena, ge rata a plaoa kamumu. Ge guru langa vona a namona oliv, a havu mangisipa.

E Levi 2:15

Mu bole a namona oliv, a havu mangisipa mu guru langa na maka vit, ge a nihabi na vit.

E Levi 24:7

O ru ranga havu mangisipa ni gi rungani, ge huli a mangina turana a tete na bret ge rua, muri ri gi habi ne BAKOVI DAGI a havu mangisipa, ge a nihabi ni gutu na kanono, ge ratea e BAKOVI DAGI ge luhoi mule ra bret nga.

E Levi 5:11

“Pali na tahuna a bakovi ge uka a moni ni kona a balu ge rua, ge bole vilia a kilo na plaoa ge taku, ne vona a naro hale i ratea. Nahea ge ru a namona oliv o ge ru a havu mangisipa vona, a vuhuna ra plaoa iea a nihabi na naro hale.

Ni Gi 4:16

“E Eleasar, e tune Aron a prister, ge matakari a kape, a vel na lam, a namona oliv ne vona ni gamai e huriki a prister, a havu mangisipa, a maka nihabi na vit, a nibiri, turana a maka maki nau ri tabuli na kape.”

Ni Gi 7:14

a vidiru ni rata na gol, a nimavana i 10 sekel, i vonu vona a havu mangisipa;

Mateo 2:11

Na tahuna to bele na ruma, to masia a koma turana e kinana e Maria, lakea to turume puru, to kavurikea e Isu. To bole tala na tava ne tou a mahala, to vakaparua na gol, a buluka mangisipa ni gale a insens tara, a mir tara.