A Nimariu 3:8 - A Nitana Vure

⁸ Ngane a puru valai ga korimule ria na limane huriki a Egipto, ga taparaki ria vona a malala kamumu i vona a maki ni kani. Ra malala iea, ngane e huriki a Kenan, a Hiti, a Amor, a Peres, a Hivi, a Iebus ri made vona.

A Nimariu 3:8 Iomraidhean Croise

A Vuhuna 11:5

Pali e BAKOVI DAGI i puru valai, ge kasisia a tanga dagi turana a mapana roho dagi e huriki a bakovi ri haea.

A Vuhuna 11:7

Te ge puru te ge vakavaroru a nitane ria, i uka ma ri gi valongokilala a ngava.”

A Vuhuna 15:13

Lakea e BAKOVI DAGI i takia, “Muholi hateka, e huriki a hamomu bara ria a mosi na robo basi tara, bara ni vakavora, ni vakamadihi ria na pida i 400.

A Vuhuna 15:14

Pali iau bara ratapilea a tanga ra i vakavora ria, muri bara ri pagitala turana a mahala i kupo.

A Vuhuna 18:21

Iau ga puru lokovonga ga matai a narone ria i manga a hini a longo pali o i uka. Ge uka, a ngaru ni longo.”

A Vuhuna 43:11

E tamane ria, e Israel, i longo mavonga a ngava, lakea i taki ria, “A ngava bara i mavonga, pali bara mu rata maea. Mu tahoni na kulopi ranga maki kamumu na robo ne hita, mu bole puru na bakovi dagi, mu vakapalala a matana vona. Mu bole a maka kania kamumu: a marasin ni bole na kai, a ame, a tangari ni gale a pistasio, a almon.

A Vuhuna 46:4

Ga puru turamu o Egipto, muri ga taparaki mule ioe. Na tahuna o mate, e Iosep ge tanu ioe.”

A Vuhuna 50:24

Muri e Iosep i taki e huriki e turana, i ta maea, “Iau a tabukoi ga mate. Pali a Vure ge matakari mua. Muri bara mu ha taroa a robo iea, mu sike lakea na robo a Vure i vakasiria, i ta muholi vona ge habia ne Abraham, e Isak, e Iakop.”

A Nimariu 12:41

Muri na pida i 430, na parava iea kunana, e huriki a tara ne BAKOVI DAGI ri pe a robo e Egipto, ri mariu tala.

A Nimariu 12:51

Na parava iea kunana e BAKOVI DAGI i vakamariu tala o Egipto e huriki a Israel.

A Nimariu 13:5

E BAKOVI DAGI i ta tora pali ge habia ne mua a malala ne huriki a Kenan, a Hiti, a Amor, a Hivi, a Iebus. Ra malala iea i kamumu, i vona a maki ni kani. Na tahuna e BAKOVI DAGI ge taparaki lakea mua vona a malala iea, mu ratea a habu iea, na keva iea, na pida lobo.

A Nimariu 3:17

A luhoi muga pali ta ga bole tala ria na tanga na nimadihi o Egipto. Muri ga bole sike ria na robo ne huriki a Kenan, a Hiti, a Amor, a Peres, a Hivi, a Iebus. Ra malala iea i kamumu, i vona a maki ni kani.

A Nimariu 34:11

Mu ramai a vinara nau a taki ioe vona mu gu ramai. Iau ga muga ga lili tala e huriki a Amor, a Kenan, a Hiti, a Peres, a Hivi, a Iebus na malala ne ria.

A Nimariu 5:23

I vakatubu na tahuna a habi a ngava vomu ne Parao, i valai i harena mona, e Parao i vakavora hateka ria. Pali i uka ma o ratea tara maki ge tuhori ria.”

E Levi 20:24

A taki mua pali na maka uve, a kai ni kani, ri koru kamumu vona a malala iea. Ga habia ne mua, ge ne mua liu. Iau e BAKOVI DAGI a Vure ne mua, a vulaki tala mua ne huriki a kabu ranga ge mua e huriki a viri nau.

Ni Gi 13:18

Mu matai kamumua ra tanga iea, mu matakilaka vona ra tanga iea i navai. Mu matai kamumu e huriki a bakovi vonga ri gao o i uka, ri ala kupo o i uka.

Ni Gi 13:19

Mu matai kamumua a malala na robo iea, i kamumu o i hale. Mu matai kamumu a maka tanga ne ria ni tura halui o i uka.

Ni Gi 13:27

Lakea ri takia e Moses ri ta maea, “Ra robo o rudu lakea mia vona ta ga mi gi masia, mi masia pali. A malala vona i kamumu hateka, i kamumu ni varo a maki ni kani. O matai a maka kanena kai mi bole vonga.

Ioanes 3:13

I uka tara viri ge lakea ma na hunu, a Tuna Bakovi kunana a viri i valai na hunu.

Ioanes 6:38

a vuhuna iau a pe a hunu a puru valai. Iau i uka ma a muri mai a ningaru nau. A muri mai a ningaru na viri i rudu iau a valai.

Vinara 1:25

Muri ri bole mule valai ne hita ranga kanena kai. Lakea ri ta maea, ‘Ra malala e BAKOVI DAGI a Vure ta ge habia ne hita i kamumu hateka.’

Vinara 1:7

Mu pe a hini nga mu laho lakea na tanga na lolo ne Amor, na maka tabeke tabukoi vona. Ra maloku ne Iordan, na lolo, na bila, na tabekena malala mule puru, a malala na lavu na Dari na Kurukuruna Malala. Mu lakea na malala ne huriki a Kenan, na malala na tabeke mule lokovonga na lolo e Lebanon, i lokovonga liu na naru dagi e Iupretis.

Vinara 27:3

Muri na tahuna mu bele vona a malala kamumu iea e BAKOVI DAGI a Vure ne huriki a gare ne hita hosi i ta muholi vona ge habia, mu here langa na kedo a maka ngava na vinara.

Vinara 28:11

E BAKOVI DAGI bara i habi ne mua e huriki e tune mua ri ala kupo, a maka bulmakau ri kupo, a maka maki ni kani na hania bara ri bele kupo vona a robo i ta muholi vona ge habia ne mua.

Vinara 6:3

Mua o huriki a Israel mu longo kamumu a vinara nga, mu ramai. Muri a maki lobo mu rata, bara ri bele kamumu kunana, mu bele kupo, mu made vona a malala i vona a maki ni kani. E BAKOVI DAGI a Vure ne huriki a gare ne hita i ta muholi vona a ngava iea.

Vinara 7:1

E Moses i ta tabu i ta maea, “Na tahuna e BAKOVI DAGI a Vure ne hita, ge taparaki mua vona a malala mu gu bolea, bara i lili tala e huriki a tara ri made vona ngane. Na tahuna mu laho lokovonga na malala iea, bara i lili tala e huriki a tara dagi i polorua, a nigao ne ria i rangi a nigao ne mua. Re huriki a Hiti, a Girgas, a Amor, a Kenan, a Peres, a Hivi, a Iebus.

Iosua 5:6

E huriki a Israel ri laho viliha na tabeke i ngeki na pida i ravulu va. Na tahuna iea e huriki a bakovi ri kara ni vaubi na tahuna ri pea e Egipto ri mate lobo, a vuhuna ri longotaro a nitane BAKOVI DAGI. I muholi ngi, e BAKOVI DAGI i ta muholi ne huriki a gare, ge habia ne huriki a Israel a malala i vona a maki ni kani. Pali i taki ria tabu ne huriki ri longotaro a ngava, i uka ma ri gi masia a malala iea.

Iosua 9:1

E huriki a hariki ri made na nirolona haro na naru e Iordan, e huriki a hariki na lolo, a tanga na kupona, a tanga na bila tabukoi na Dari na Kurukuruna Malala i harena na malala ne huriki a Lebanon, ria lobo ri longo a maka maki i rata e huriki a Israel. Re huriki a hariki nga, a hariki ne huriki a Hiti, a Amor, a Kenan, a Peres, a Hivi, a Iebus.

Iosua 9:7

Pali e huriki a Israel ri taki e huriki a Hivi ri ta maea, “I navai mi gi rata a ngava dagi turane mua? Mi luhoi i uka ma mua a viri basi.”