A Nimariu 3:6 - A Nitana Vure

⁶ Iau a Vure ne huriki a gare vomu. Iau a Vure ne Abraham, ne Isak, ne Iakop.” E Moses i longoa a ngava iea i kavitagua a matana, a vuhuna i mangenge ni masia a matana Vure.

A Nimariu 3:6 Iomraidhean Croise

A Vuhuna 12:1

E BAKOVI DAGI i takia e Abram, “O pe a tanga vomu, e huriki a viri vomu, a kabu ne tamamu, o lakea vona a robo ga vakasiri ioe vona.

A Vuhuna 12:7

Pali e BAKOVI DAGI i bele ne Abram i ta maea, “Ga habia ne huriki a hamomu a malala iea.” Lakea i kisia vonga a dede-kedo na hini i bele vona e BAKOVI DAGI.

A Vuhuna 17:3

Muri e Abram i turume i lolu puru na matana Vure, lakea a Vure i takia,

A Vuhuna 24:12

Muri i vasileki maea, “BAKOVI DAGI, ioe a Vure na matakari nau e Abraham, o habi a mulangia nau mona, o vakasiri a naro kamumu vomu na matakari nau e Abraham.

A Vuhuna 26:24

Na rodo tara e BAKOVI DAGI i bele vona, i takia, “Iau a Vure ne tamamu e Abraham. Naha ni mangenge. Iau a made turamu. Iau ga gamai ioe, ga vakabele kupo e huriki a hamomu, a vuhuna e Abraham ia a vora nau.”

A Vuhuna 28:13

E BAKOVI DAGI i pesi polo meli vona, i ta maea, “Iau e BAKOVI DAGI, a Vure ne tubumu e Abraham, e tamamu e Isak, ga habia vomu, ne huriki a hamomu a malala o mahita vona.

A Vuhuna 28:17

I mangenge, i ta maea, “Iau a mangenge hateka vona a tabeke iea, a vuhuna ra tabeke iea a roho na Vure, a dili dala na hunu.”

A Vuhuna 31:42

Bara a Vure ne sisi e Abraham, ra Vure e Isak i kavurike balea, i uka ma ge made turagu, muholi hateka bara laho pa a limagu a hamule. A Vure i matai a nimadihi nau, a leho dagi a ratea na limagu, pali baroko na rodo i tahate ioe, a vuhuna i uka ma o rata a naro kamumu.”

A Vuhuna 32:9

Muri e Iakop i vasileki, i ta maea, “O Vure ne sisi e Abraham, ne tata e Isak. BAKOVI DAGI ioe a viri o taki iau ga hamule lakea na viri nau, na robo nau, go vakamade kamumu iau.

A Nimariu 15:2

E BAKOVI DAGI i vakatora mia, i rata mia mi kalolo. I korimule mia. Ia a Vure ne mia si gi kavurikea, ia a Vure ne tamane mia si gi kavurikea a rana.

A Nimariu 29:45

Ga made turane huriki a Israel, ge iau a Vure ne ria.

A Nimariu 3:16

“O vano, o gale palupu e huriki a bakovi dagi ne Israel. O vakalongo ria ne nau, iau e BAKOVI DAGI a Vure na gare ne ria e Abraham, e Isak, e Iakop a bele vomu. O taki ria vona iau a matakari ria, a matai pali a maka maki ni rata virihi ria vona o Egipto.

A Nimariu 33:20

Pali i uka ma o kara ni masia a matagu. A viri i matai a matagu bara i mate.

A Nimariu 4:5

Muri e BAKOVI DAGI i takia, “Na tahuna o lakea ne huriki a Israel, o ratea a nivakasiri iea, bara ri matakilaka vona, iau e BAKOVI DAGI a bele vomu. Ra iau a Vure na gare ne ria e Abraham, e Isak, e Iakop.”

Mateo 17:6

Na tahuna to longoa a ngava iea, to mangenge, to boru ngala barara puru to kavitagu a matane tou.

Mateo 22:32

‘Iau a Vure ne Abraham, ne Isak, ne Iakop.’ A Vure i uka ma ia a Vure ne huriki ri mate, ia a Vure ne huriki ri mahuri.”

Markus 12:26

Pali a nitane huriki ri mate pali, ri gi pesi rike tabu, naha ni nana rovi vona. Na hinere ne Moses, a nitana kai kiroko i nono, a Vure i takia e Moses i ta maea, ‘Iau a Vure ne Abraham, ne Isak, ne Iakop.’

Lukas 20:37

E Moses tara i vakasiri hita vona e huriki ri mate, bara ri mahuri mule tabu. Na tahuna i here puru a nuverei na kai kiroko i nono, i takia e Bakovi Dagi ia ‘A Vure ne Abraham, a Vure ne Isak, a Vure ne Iakop.’

Lukas 5:8

Na tahuna e Simon Petrus i masia a maki i bele maea, i turume puru tabukoi na vahane Isu i ta maea, “Bakovi Dagi, o ha nau. Iau a bakovi hale!”

Apostolo 7:32

‘Iau a Vure ne huriki a gare vomu, a Vure ne Abraham, ne Isak, ne Iakop.’ E Moses i mangenge, i vakulu a tagana, i mangenge ni mata rike.

Apostolo 7:34

Muholi hateka iau a masia a nimadihi i bole e huriki a ngate nau ri made o Egipto. A longoa a nidedo ne ria. Ngane a puru valai ga korimule ria. Ngane o valai, ga rudu hamule ioe lakea o Egipto.’

Vinara 6:3

Mua o huriki a Israel mu longo kamumu a vinara nga, mu ramai. Muri a maki lobo mu rata, bara ri bele kamumu kunana, mu bele kupo, mu made vona a malala i vona a maki ni kani. E BAKOVI DAGI a Vure ne huriki a gare ne hita i ta muholi vona a ngava iea.

Hibru 11:16

Pali i uka ma ri dodoa a tanga muga ne ria. Ri ngaru ni bele na tanga tara, ra i rangi a tanga lobo na malala. Ri ngaru ni bele na tanga na hunu. I mavonga, a Vure i uka ma i maruhu ne ria. I vivi vona a hini ri gale ia a Vure ne ria. I kisi puru pali a tanga dagi ne ria.

Hibru 12:21

A maka maki nga ri dagi hateka, e Moses tara i mangenge, i ta maea, “Iau a mangenge hateka, i vakulu a tagagu.”

Kapiloho 1:17

Na tahuna a masia, a boru puru tabukoi na vahana, a tabuli manga a viri i mate. Pali i padoi iau na limana a kanena, i ta maea, “Naha ni mangenge. Iau kunana a nitubuna maki lobo. Iau kunana a nilobona maki lobo.