A Nimariu 3:16 - A Nitana Vure

¹⁶ “O vano, o gale palupu e huriki a bakovi dagi ne Israel. O vakalongo ria ne nau, iau e BAKOVI DAGI a Vure na gare ne ria e Abraham, e Isak, e Iakop a bele vomu. O taki ria vona iau a matakari ria, a matai pali a maka maki ni rata virihi ria vona o Egipto.

A Nimariu 3:16 Iomraidhean Croise

A Vuhuna 1:7

Lakea, a Vure i ratea a koropala, i kalipidea a naru i tabuli polomeli ranga, i tabuli polotano ranga. Muri i bele manga a ngava i taki.

A Vuhuna 21:1

E BAKOVI DAGI i rata kamumua e Sara, i muri mai a ngava i takia vona, lakea i habia vona a ningaru i taki mugea.

A Vuhuna 28:13

E BAKOVI DAGI i pesi polo meli vona, i ta maea, “Iau e BAKOVI DAGI, a Vure ne tubumu e Abraham, e tamamu e Isak, ga habia vomu, ne huriki a hamomu a malala o mahita vona.

A Vuhuna 48:15

Lakea i gamaia e Iosep i ta maea, “A Vure ne sisi e Abraham, ne tata e Isak, i matakari iau na parava vakaroro i valai i harena mona.

A Vuhuna 50:24

Muri e Iosep i taki e huriki e turana, i ta maea, “Iau a tabukoi ga mate. Pali a Vure ge matakari mua. Muri bara mu ha taroa a robo iea, mu sike lakea na robo a Vure i vakasiria, i ta muholi vona ge habia ne Abraham, e Isak, e Iakop.”

A Nimariu 1:8

Muri na pida i kupo a hariki karaba i matakari o Egipto. Ra hariki iea i uka ma i lohoka ne Iosep.

A Nimariu 13:19

E Moses i bole a tuhane Iosep i vano turana, a vuhuna hosi e Iosep i taki e huriki a Israel i ta maea, “Muholi hateka, muri ma na tahuna a Vure ge vakamariu tala mua o Egipto, mu bole a tuhagu mu vano turana.”

A Nimariu 15:14

E huriki bara ri longoa a velengana maki i bele, ri mangenge hateka. E huriki a Palestina ranga ri mangenge.

A Nimariu 17:5

Lakea e BAKOVI DAGI i takia e Moses, “O laho muga o taki e huriki a gare ne Israel ri gi laho turamu. O bolea a kodo, ra o lagu e Nail vona, o vano.

A Nimariu 18:12

Ru tuverei lobo, lakea e Ietro i bole a maka nihabi gutu-vuro turana a nihabi ranga, i habi na Vure. Muri e Aron turane huriki a gare ne Israel ri valai ri kani a bret turane Ietro na matana Vure.

A Nimariu 2:25

Lakea a Vure i matai e huriki a Israel ri made hale hateka, i luhoi hateka ria.

A Nimariu 24:11

Muholi ri masia a Vure, pali i uka ma i ratapile e huriki a gare ne Israel. Muri ri kani ri ninu vonga.

A Nimariu 3:2

A agelo ne BAKOVI DAGI i bele vona, i manga a kanono i hube langa na kai kiroko tara. Pali e Moses i masia a kai i hube vona a kanono, pali i uka ma i nono.

A Nimariu 3:6

Iau a Vure ne huriki a gare vomu. Iau a Vure ne Abraham, ne Isak, ne Iakop.” E Moses i longoa a ngava iea i kavitagua a matana, a vuhuna i mangenge ni masia a matana Vure.

A Nimariu 4:1

E Moses i koli, i ta maea, “Pali e huriki a Israel ri gi koi ni luhoi a nitagu ri gi koi ni ramai a ngavagu, ri gi ta maea, ‘O tatami! E BAKOVI DAGI i uka ma i luve taho ioe.’”

A Nimariu 4:29

Muri e Moses e Aron ru gale palupu e huriki a gare ne Israel.

A Nimariu 4:31

E huriki ri longoa a nitane Moses ri lohoka vona i muholi. Na tahuna ri longoa e BAKOVI DAGI i tagui ria, ri matai e huriki a Egipto ri vakavora hateka ria, ri lolu ri kavurikea a Vure.

A Nimariu 4:5

Muri e BAKOVI DAGI i takia, “Na tahuna o lakea ne huriki a Israel, o ratea a nivakasiri iea, bara ri matakilaka vona, iau e BAKOVI DAGI a bele vomu. Ra iau a Vure na gare ne ria e Abraham, e Isak, e Iakop.”

Mateo 26:3

Na tahuna iea e huriki a prister dagi, e huriki a gare ri vapopo na roho dagi na prister dagi tara, a rana e Kaipas.

Lukas 1:68

“A kavurikea e Bakovi Dagi, a Vure ne Israel, a vuhuna i valai, i vakamatukapaga e huriki a ngate vona.

Lukas 19:44

Bara ri ratapile a tanga turana e huriki ri made pololilo vona. I uka tara kedo ge tabuli langa vona tara kedo tara. Bara i bele a maki nga, a vuhuna i uka ma mu matakilaka vona a parava i valai vona a Vure ge korimule mua.”

Apostolo 11:30

Ri rata mavonga, lakea ri rudu e Barnabas e Saulus ru bole a moni, ru vano ru habi ne huriki a bakovi dagi na lotu o Iudea.

Apostolo 15:14

Ngane kunana e Simon Petrus i tuveve poloa ne hita a Vure i luve navai ne huriki a kabu i uka ma ria a Iuda, ge bole tala ne ria a kabu vona ri gi muri maia.

Apostolo 20:17

Na tahuna mi bele o Miletus, e Paulus i talo rike a ngava ne huriki a gare na tara ne Kristo o Epesus ri gi valai, ri gi masia.

1 Petrus 2:12

Mu laho malamala na matane huriki ri made na uvo. Lakea na tahuna ri padi virihi mua, ta mu rata a naro hale, bara ri matakilaka vona a naro malamala ne mua. Muri bara ri kavurikea a Vure na Parava i valai vona.

1 Petrus 5:1

Mua o huriki a gare na lotu, iau tara a gare. Iau a matai a maregoa i bolea e Kristo. Bara te vaveru vona a bagetuanga vona, ra ge bele kavakava muri ma. I mavonga, a taki tora mua,

E Rut A Nita Vakalohoka 1:6

Na tahuna i tababana ni made o Moab, e Naomi i longo a velengane huriki a kabu vona, e BAKOVI DAGI i rata kamumu ria i habi a kinani ne ria. Lakea ia, turane kana ala rua, to ngaru ni hamule lakea na tanga ne Naomi.