A Nimariu 3:15 - A Nitana Vure

¹⁵ A Vure i taki tabua e Moses ge taki e huriki a Israel, ge ta maea, “E BAKOVI DAGI, ra Vure na gare ne mua e Abraham, e Isak, e Iakop i rudu iau a valai.” Muri i ta maea, “A ragu i tabuli vakaroro. E huriki a hamone mua ri gi gale maea a rana muri ma.

A Nimariu 3:15 Iomraidhean Croise

A Vuhuna 24:12

Muri i vasileki maea, “BAKOVI DAGI, ioe a Vure na matakari nau e Abraham, o habi a mulangia nau mona, o vakasiri a naro kamumu vomu na matakari nau e Abraham.

A Nimariu 15:2

E BAKOVI DAGI i vakatora mia, i rata mia mi kalolo. I korimule mia. Ia a Vure ne mia si gi kavurikea, ia a Vure ne tamane mia si gi kavurikea a rana.

A Nimariu 15:3

E BAKOVI DAGI i gao hateka na vabinga; a rana e BAKOVI DAGI.

A Nimariu 3:13

Lakea e Moses i takia a Vure, “Na tahuna ga lakea ne huriki a Israel, ga taki maea ria, a Vure ne huriki a gare ne mua i rudu iau a valai. Pali ma ri gi nana ranga, ri gi ta maea, ‘E rei a rana?’ Ga ta navai?”

A Nimariu 3:6

Iau a Vure ne huriki a gare vomu. Iau a Vure ne Abraham, ne Isak, ne Iakop.” E Moses i longoa a ngava iea i kavitagua a matana, a vuhuna i mangenge ni masia a matana Vure.

A Nimariu 4:1

E Moses i koli, i ta maea, “Pali e huriki a Israel ri gi koi ni luhoi a nitagu ri gi koi ni ramai a ngavagu, ri gi ta maea, ‘O tatami! E BAKOVI DAGI i uka ma i luve taho ioe.’”

A Nimariu 4:5

Muri e BAKOVI DAGI i takia, “Na tahuna o lakea ne huriki a Israel, o ratea a nivakasiri iea, bara ri matakilaka vona, iau e BAKOVI DAGI a bele vomu. Ra iau a Vure na gare ne ria e Abraham, e Isak, e Iakop.”

A Nimariu 6:2

A Vure i taki tabua e Moses, “Iau kunana e BAKOVI DAGI.

Mateo 22:32

‘Iau a Vure ne Abraham, ne Isak, ne Iakop.’ A Vure i uka ma ia a Vure ne huriki ri mate, ia a Vure ne huriki ri mahuri.”

Apostolo 3:13

A Vure ne Abraham, ne Isak, ne Iakop, ne huriki a gare ne hita i vakabagetua a Vora vona, e Isu, a viri mu habia ne huriki a bakovi hale. E Pilato i ngaru ni vakaha ia, pali mua mu koi.

Apostolo 7:32

‘Iau a Vure ne huriki a gare vomu, a Vure ne Abraham, ne Isak, ne Iakop.’ E Moses i mangenge, i vakulu a tagana, i mangenge ni mata rike.

Vinara 1:11

A ngarua e BAKOVI DAGI a Vure ne huriki a gare ne hita ge rata mua mu gu ala kupo hateka, a ngarua ge rata a maki ge bele ne mua ge kamumu kunana, i manga a ngava i ta muholi vona ne mua.

Vinara 1:35

‘Mua a bakovi a ngatavine hale, i uka ma mu gu lakea vona ngane a robo a ta muholi vona ta ga habia ne huriki a gare ne mua.

Vinara 4:1

E Moses i tababana ni vara, i ta maea, “O huriki a Israel, mu ramai a maka vinara a tovo mua vona, bara mu made kamumu, mu dili mu made vona a malala e BAKOVI DAGI a Vure ne huriki a gare ne mua i habia ne mua ngane.

Hibru 11:16

Pali i uka ma ri dodoa a tanga muga ne ria. Ri ngaru ni bele na tanga tara, ra i rangi a tanga lobo na malala. Ri ngaru ni bele na tanga na hunu. I mavonga, a Vure i uka ma i maruhu ne ria. I vivi vona a hini ri gale ia a Vure ne ria. I kisi puru pali a tanga dagi ne ria.

Hibru 13:8

E Isu Kristo i uka ma i pulo lae a narona. I palupulupu kunana na hini ravi, na hini mona, na parava vakaroro.