A Nimariu 3:12 - A Nitana Vure

¹² Lakea a Vure i ta maea, “Iau a made turamu. Ngane ga habia vomu tara kilakila ge vakasiri ioe, iau a rudu ioe. Ra kilakila iea ge maea, na tahuna o tuli tala e huriki a Israel o Egipto, ri gi valai, mu kavurike iau na lolo iea.”

A Nimariu 3:12 Iomraidhean Croise

A Vuhuna 15:1

Muri a nitane BAKOVI DAGI i bele ne Abram na vurena, i ta maea, “Abram, naha ni mangenge, iau a galeu vomu, ga rata kamumu hateka ioe.”

A Vuhuna 15:8

Lakea e Abram i ta maea, “Bakovi Dagi, ioe a matakari na maki lobo, ga matakilala navia a malala iea ge ne nau?”

A Vuhuna 26:3

O made popote vona a malala iea. Iau ga made turamu, ga gamai ioe. Ra malala iea ga habia vomu turane huriki a hamomu, bara vakatorea ra nita dagi a ta muholi vona ne tamamu, e Abraham.

A Vuhuna 31:3

Muri e BAKOVI DAGI i takia e Iakop, “O hamule lakea na robo ne tamamu, ne huriki a viri vomu. Iau ga turamu.”

A Nimariu 18:5

E Ietro turane Sipora, e tune Moses ala rua ri lakea na tabeke i ngeki tabukoi na lolo na Vure, ra tabeke e Moses i rata a mada i made muga vona.

A Nimariu 3:1

E Moses i matakari a maka sipsip a meme ne lahuana e Ietro, a prister ne Midian. Na parava tara e Moses i vakalaho a maka sipsip a meme, i lakea na tabeke na nirolona haro na tabeke i ngeki, i bele o Horeb, a lolo na Vure.

A Nimariu 3:13

Lakea e Moses i takia a Vure, “Na tahuna ga lakea ne huriki a Israel, ga taki maea ria, a Vure ne huriki a gare ne mua i rudu iau a valai. Pali ma ri gi nana ranga, ri gi ta maea, ‘E rei a rana?’ Ga ta navai?”

A Nimariu 33:14

E Bakovi Dagi i koli, i ta maea, “Iau ga vano turamu, ga habi a nivalemu vomu o malo.”

A Nimariu 4:12

O vano ngane, bara tovo ioe, a tuhori ioe na ngava go taki.”

A Nimariu 4:15

O taki polo vona a ngava ge taki. Iau ga tuhori marua, bara muru ta kamumu. Ga taki marua vona a ra maki muru gu rata.

A Nimariu 8:27

Mi gi laho na parava ge tolu na tabeke i ngeki, mi gi habi a nihabi ne BAKOVI DAGI a Vure ne mia, i manga a hini i taki mia vona.”

Ni Gi 16:28

Lakea e Moses i taki e huriki i ta maea, “Ngane bara mu masia tara maki ge bele, bara mu lohoka vona, e BAKOVI DAGI kunana i rudu iau ga matakari mua, ga rata a leho vona. Iau i uka ma a rata leho na ni ngaru nau.

Ni Gi 23:21

A maka maki a matai ge bele ne huriki a Israel, i uka ma ge rata hale ria. E BAKOVI DAGI a Vure ne ria i made turane ria. Ri vivi, ri magulu rike, a vuhuna ia a hariki ne ria.

Markus 16:20

Muri e huriki a muri­muri ri vano, ri lakea na tabeke lobo na malala, ri vara e huriki na Velenga Kamumu. E Bakovi Dagi i tuhori ria i vaka­tora a ngava vona na maka nivakasiri.

Apostolo 11:21

A nitora ne Bakovi Dagi i tabuli ne ria, lakea e huriki ala kupo ri luhoi torea e Bakovi Dagi, ri pulo a vilone ria.

Apostolo 7:7

Pali a Vure i ta maea, ‘Iau ga vakamadihi e huriki a kabu ri vakavora e huriki a hamomu. Muri ri gi pagitala vona a robo iea, ri gi valai, ri gi kavurike iau koea na malala iea.’

A Raukea e Paulus i Here Lakea ne Huriki a Rom 8:31

Si lohoka vona, a Vure i pesi turane hita. I mavonga, e rei ge gege hita?

Vinara 31:23

E BAKOVI DAGI i takia e Iosua tune Nun, i ta maea, “O pesi tora, naha ni luhoi lege lae. Ioe kunana bara o taparaki e huriki a Israel lakea vona a robo a ta muholi vona ga habia ne ria. Iau kunana bara made turamu vakaroro.”

Hibru 13:5

Naha ni nunu muri mai a mahala. A maki mu tahoka pali, mu vivi vona kunana, a vuhuna a Vure i ta maea, “I uka ma ga ha taro mua. I uka ma ga lohopile mua.”

Iosua 1:5

O Iosua na tahuna o matakari e huriki a Israel, i uka tara kabu ge rangi mua na vabinga. Iau ga made turamu ge manga a hini a made turane Moses. Iau i uka ma ga pe ioe.