A Nimariu 3:1 - A Nitana Vure

¹ E Moses i matakari a maka sipsip a meme ne lahuana e Ietro, a prister ne Midian. Na parava tara e Moses i vakalaho a maka sipsip a meme, i lakea na tabeke na nirolona haro na tabeke i ngeki, i bele o Horeb, a lolo na Vure.

A Nimariu 3:1 Iomraidhean Croise

A Nimariu 17:6

Iau ga pesi langa na kedo na lolo e Horeb, ga dava mua vonga. Na tahuna o valai tabukoi, o bolea a kodo vomu o ubia a kedo dagi, ge bele a naru ge ninu e huriki a viri vomu.” E huriki a gare ri masia e Moses, i ubia a kedo dagi i bele a naru.

A Nimariu 18:12

Ru tuverei lobo, lakea e Ietro i bole a maka nihabi gutu-vuro turana a nihabi ranga, i habi na Vure. Muri e Aron turane huriki a gare ne Israel ri valai ri kani a bret turane Ietro na matana Vure.

A Nimariu 19:11

Girira na toluna parava ri gi dava iau, ga puru valai na lolo e Sinai, ria lobo ri gi matai iau.

A Nimariu 19:3

Muri e Moses i sike na lolo ge taguia e BAKOVI DAGI, lakea a Vure i galea, i takia, “O vakalongo e huriki a hamone Iakop, ra kabu ne Israel, vona a maka ngava nga.

A Nimariu 2:16

Na robo iea i tahoka tara prister. I tahoka e tuna ngatavine ala polorua. E Moses i made na dahana lomu i matai e huriki a ngatavine nga ri valai ri gi kiru a maka buroi ne ria, ri gi vakaninu a kabuna sipsip, a meme ne tamane ria.

A Nimariu 2:18

Na tahuna ri hamule, e tamane ria e Ietro i nana, “I navai mu hamule malaviriri?”

A Nimariu 2:21

E Ietro i ngarua e Moses ge made turana. Lakea i habia ne Moses e tuna, e Sipora, i parangi vona.

A Nimariu 24:13

Muri e Moses i longo maia a nitana, i bolea a vora vona e Iosua ru sike na lolo na Vure.

A Nimariu 3:12

Lakea a Vure i ta maea, “Iau a made turamu. Ngane ga habia vomu tara kilakila ge vakasiri ioe, iau a rudu ioe. Ra kilakila iea ge maea, na tahuna o tuli tala e huriki a Israel o Egipto, ri gi valai, mu kavurike iau na lolo iea.”

A Nimariu 3:5

Lakea a Vure i takia, “Naha ni valai tabukoi. O kali tala a vahapolo vomu, a vuhuna a malala o pepesi vona, a tabea.

A Nimariu 33:6

Na tahuna ri pe a lolo e Sinai, i uka ma ri bagetu na nirodo kamumu.

A Nimariu 4:18

E Moses i ta turana lobo e Bakovi Dagi, muri i hamule mai e lahuana e Ietro, i takia, “Iau a ngaru ga hamule lakea o Egipto, ga kasisi e huriki a viri nau, ri mate pali o i uka.” E Ietro i longo maia a nitana, lakea i takia, “I kamumu. O vano na nivalemu.”

A Nimariu 4:27

E BAKOVI DAGI i takia e Aron, i ta maea, “O lakea na tabeke i ngeki o taguia vonga e Moses.” Muri i vano i taguia, i ngurua e Moses na lolo na Vure.

Ni Gi 10:29

Lakea e Moses i takia e lavona, e Hobab, e tune Ietro a bakovi na robo e Midian, i ta maea, “Ngane mi gi malaga mi gi laho maia a robo tara e BAKOVI DAGI i taki ge habia ne mia. I ta muholi pali ta mi gi made kamumu hateka vona a robo iea. Ioe o ngaru o valai turane mia, ga veru ga habi vomu a maka maki kamumu ge kupo.”

Ni Gi 10:33

E huriki a Israel ri pe mulea a lolo ne BAKOVI DAGI e Sinai, ri laho na parava i tolu. Ri kalohoa a Tava na Ngava Dagi ne BAKOVI DAGI, ri laho muga ri gi bele na tabeke tara ri gi malo vona.

Lukas 2:8

Na rodo iea, e huriki a bakovi ri made polovavo na tanga, ri matakari a kabu na sipsip.

Apostolo 7:30

“Muri na pida i ravulu va, a agelo i bele ne Moses na malala golea, tabukoi na lolo e Sinai. A agelo iea i made pololilo na hubena kanono i hube langa na kai kiroko tara.

Vinara 1:2

Na tahuna a viri i malaga na lolo e Sinai bara i ramaia a dala na lolo na robo e Idom, i laho na parava i ravulu a polona i taku, i bele o Kades-Barnea.

Vinara 1:6

E Moses i vara ria, i ta maea, “Na tahuna si made na lolo e Sinai, e BAKOVI DAGI a Vure ne hita i taki hita i ta maea, ‘Mu made tabaka pali vona a lolo iea, ngane mu vano.

Vinara 4:10

na parava mu pesi tabukoi ne BAKOVI DAGI a Vure ne hita na lolo e Sinai. Na tahuna iea a Vure i taki iau i ta maea, ‘Moses, o gale palupu e huriki ri gi vapopo, ri gi longo a maka ngava ga taki. A ngaru ria ri gi togo ri gi ramai iau kunana na tahuna ri made na malala. Ri gi tovo e huriki e tune ria, lakea e huriki e tune ria ri gi ramai iau.’