A Nimariu 29:1 - A Nitana Vure

¹ “Ngane ga taki ioe vona a maki go ratea ne Aron turane huriki e tuna, ge ria a prister nau. O bole a bulmakau, a sipsip a toga karaba ge rua ge gavutuvutu.

A Nimariu 29:1 Iomraidhean Croise

A Nimariu 12:5

Mu vulaki a sipsip a toga o a meme a toga gavutuvutu, a pida vona ge taku, pali naha ni lave a viri i tahoka a gilanga.

A Nimariu 20:11

Mu rata mavonga, a vuhuna na parava i polotara, e BAKOVI DAGI i rata rike a hunu, a malala, a dari, a maki lobo i tabuli ne tou. Pali na poloruana parava, i malo, i gamaia a Parava Nimalo, i ratea i malamala.

A Nimariu 28:1

“Na tahuna o hamule o taki e turamu e Aron turana e tuna bakovi, e Nadap, e Abihu, e Eleasar, e Itamar, ri gi valai vomu. O tuli tala ria na kurukurune huriki a Israel, o gamai ria ge ria a prister nau.

A Nimariu 28:3

O taki e huriki a mari ni rahi a bagetua, ri gi rata a maka bagetua ne Aron, ge rodo na tahuna ge bele manga a prister nau.

A Nimariu 28:41

O vakarodoa na bagetua e Aron, e huriki e tuna. O vakarodo lobo ria, muri o gamai ria, o biri ria na nibiri, o habi ria nau, ge ria a prister, ri gi rata a leho nau.

A Nimariu 29:21

Muri o bole ranga dara i tabuli na gagana dede, a nibiri, o voro langa ne Aron turane huriki e tuna. O voro langa tabu na bagetua ne ria a dara, a nibiri. A naro o ratea ne ria, i vakasiri a bagetua ne ria a maki nau.

E Levi 14:11

A prister ge tulia a bakovi iea turana a maka nihabi vona, ge lakea na matana Kape na Vaponga na matane BAKOVI DAGI.

E Levi 16:3

“Na tahuna e Aron ge dili na Tabeke Nitaba Hateka, muga ge bolea tara bulmakau karaba a toga, ge rata a nihabi na naro hale, a sipsip a toga tara ge bolea, ge a nihabi ni gutu-vuro.

E Levi 22:20

Pali na tahuna i habi nau a maki nabatabuna, bara pile, i uka ma ga ngaru.

E Levi 4:3

“Na tahuna a prister dagi i rata a naro hale i habi a rarenga ne huriki, ge bolea tara bulmakau karaba, a toga ge gavutuvutu, ge habia ne BAKOVI DAGI ne vona a nihabi na naro hale vona.

E Levi 6:13

A kanono ge nono vakaroro na dede, nahea ge mate.

E Levi 6:6

A bakovi ge koli a rarenga vona, ge bolea tara sipsip a toga ge gavutuvutu, ge lakea na prister, ge ratea a nihabi na rarenga ne BAKOVI DAGI. A prister ge takia i riva a mapana.

E Levi 7:35

“Ra kalavana nihabi nga, ni bole valai ne BAKOVI DAGI, ge a nihabi ni gutu na kanono. E BAKOVI DAGI i pasivunu a kalavana nihabi nga ne vona e Aron turane huriki e tuna bakovi, na parava ni gamai ria ri gi leho manga a prister vona.

E Levi 8:1

E BAKOVI DAGI i takia e Moses i ta maea,

E Levi 9:2

Lakea i takia e Aron i ta maea, “O bolea tara bulmakau karaba a toga, a sipsip a toga ru gavutuvutu, o habi ne BAKOVI DAGI. A bulmakau ge a nihabi na naro hale, a sipsip ge a nihabi gutu-vuro.

Mateo 6:9

I mavonga, mu vasileki maea: ‘Tamane mia meli na hunu, mi ngaru e huriki ri gi togoa a ramu,

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.

1 Petrus 1:19

I konamule mua na mapana i dagi hateka, ra darane Kristo. I manga a darana tuna sipsip gavutuvutu.