A Nimariu 28:41 - A Nitana Vure

⁴¹ O vakarodoa na bagetua e Aron, e huriki e tuna. O vakarodo lobo ria, muri o gamai ria, o biri ria na nibiri, o habi ria nau, ge ria a prister, ri gi rata a leho nau.

A Nimariu 28:41 Iomraidhean Croise

A Nimariu 28:1

“Na tahuna o hamule o taki e turamu e Aron turana e tuna bakovi, e Nadap, e Abihu, e Eleasar, e Itamar, ri gi valai vomu. O tuli tala ria na kurukurune huriki a Israel, o gamai ria ge ria a prister nau.

A Nimariu 28:4

E huriki a mari ri gi vakabagetu a bagetua nga, a kala kiroko na ngala, a kala kiroko tara, a nirodo ola ola, a siot, a hoi, a palabele. A maka bagetua ni gamai nga, ne vona e Aron turane huriki e tuna bakovi, ri gi bagetu vona na tahuna ri rata a leho na prister.

A Nimariu 29:24

Muri o habi a bret a balena sipsip ne Aron, turane huriki e tuna. Ri gi bole a nihabi nga ri gi tabari iau vona, ge a nihabi na nitabari.

A Nimariu 29:35

“O ratea a leho iea ni gamai e Aron turane huriki e tuna na parava ge polorua, ge manga a naro a vakuku ioe vona.

A Nimariu 29:7

Muri o bolea a nibiri o guru langea na gina o gamaia.

A Nimariu 29:9

o vakarea ria na palabele, o kae a hoi na gine ria. Ra naro o ratea i vakasiri e Aron turana e tuna mai, ria e huriki a prister nau. Re huriki a bakovi nga, turane huriki a hamone ria bara ri rata vakaroro a leho na prister.

A Nimariu 30:35

O bole a maki nga, o vuli kamumu, o rata a havu na havu mangisipa. O bole a mami popote o ru puru na havu ge ratea ge matapado ge malamala.

A Nimariu 40:13

Muri o vakarodoa na bagetua na prister e Aron, o guru langa a nibiri vona, o gamaia ge ia a prister.

A Nimariu 40:15

O gamai ria ge manga a hini o gamaia e tamane ria, ge ria a prister nau. Muri e huriki a hamone ria bara ri rata a leho na prister vakaroro.”

E Levi 10:7

Naha ni pe taroa a Kape na Vaponga, ma moto go mate. A gamai matou pali, matou a vora ne BAKOVI DAGI kunana.” I mavonga, to longoa a nitane Moses, to ramaia.

E Levi 16:24

Ge vano ge hilolo na naru pololilo na nure i pesi halui a kape. Muri ge dili tabu na kape, ge rodo ge bagetu na maka bagetua na prister dagi. Na tahuna i pagitala ge rata a nihabi gutu-vuro ge rua, i tara ne vona, i tara ne huriki, ne vona ni kavitagu ia, ni kavitagu e huriki.

Ni Gi 16:5

Muri i pesi rike i taki e Kora turana e huriki a tara vona i ta maea, “Kuduvi na hatelanga e BAKOVI DAGI bara i vakasiri e rei e huriki a tara vona. E rei e huriki a bakovi i vulaki, bara i taki ria ri valai tabukoi vona.

Ni Gi 3:3

E tune Aron nga ni biri, ge ria a prister.

Ioanes 3:34

A viri a Vure i rudua i valai i vakalongo e huriki na nitana Vure, a vuhuna a Vure i habi vona a Hanuna, i uka harena.

Hibru 5:4

I uka tara viri ge kavurike mule a rana, ge bole a leho iea na ningaru vona. A Vure kunana a viri i gale a viri ge ia a prister dagi, i manga hosi i galea e Aron.

Hibru 7:28

Hosi a vinara i ru e huriki a bakovi na malala ge ria a prister dagi. Pali muri, na tahuna a Vure i kaba, i ru a Tuna Vure ge ia a prister, re Isu, i rata lobo a maka maki a Vure i takia ge rata.

1 Ioanes 2:20

Pali mua, a Viri Malamala i habi ne mua a Hanu Kiripiripi. Mu tahoka a lohokanga.

1 Ioanes 2:27

Pali mua, e Kristo i habi pali ne mua a Hanu Kiripiripi, i made turane mua. A Hanu Kiripiripi i tovo mua na maki lobo, lakea i uka ma ge tovo mua tara viri. I muholi hateka a hini i tovo mua vona, ra mu gu rihi e Kristo. I mavonga mu rihia.