A Nimariu 28:1 - A Nitana Vure

¹ “Na tahuna o hamule o taki e turamu e Aron turana e tuna bakovi, e Nadap, e Abihu, e Eleasar, e Itamar, ri gi valai vomu. O tuli tala ria na kurukurune huriki a Israel, o gamai ria ge ria a prister nau.

A Nimariu 28:1 Iomraidhean Croise

A Nimariu 24:1

Muri e BAKOVI DAGI i takia e Moses, “A ngaru ioe, e Aron, e Nadap, e Abihu turane huriki a gare ne Israel ri ala ravulu polorua, mu sike valai na lolo, mu pesi basi, mu kavurike iau.

A Nimariu 24:9

Muri e Moses, e Aron, e Nadap, e Abihu turane huriki a gare ne Israel ri ala ravulu polorua ri sike na lolo,

A Nimariu 28:41

O vakarodoa na bagetua e Aron, e huriki e tuna. O vakarodo lobo ria, muri o gamai ria, o biri ria na nibiri, o habi ria nau, ge ria a prister, ri gi rata a leho nau.

A Nimariu 29:1

“Ngane ga taki ioe vona a maki go ratea ne Aron turane huriki e tuna, ge ria a prister nau. O bole a bulmakau, a sipsip a toga karaba ge rua ge gavutuvutu.

A Nimariu 29:44

“Ga gamai a kape, a dede, ga maki nau kunana. Ga gamai tabu e Aron turane huriki e tuna, ri gi rata a leho nau manga a prister.

A Nimariu 29:9

o vakarea ria na palabele, o kae a hoi na gine ria. Ra naro o ratea i vakasiri e Aron turana e tuna mai, ria e huriki a prister nau. Re huriki a bakovi nga, turane huriki a hamone ria bara ri rata vakaroro a leho na prister.

A Nimariu 30:30

“Muri o gamai e Aron turane huriki e tuna bakovi, ge ria a prister, ri gi rata a leho nau.

A Nimariu 31:10

Ri gi rahi a maka bagetua kamumu ne Aron, ne huriki e tuna, ri gi rodo ri gi rata a leho na prister.

A Nimariu 35:19

a maka bagetua kamumu ni rodo ni leho na kape. Ra bagetua ni taba ne Aron, a nirodo ne huriki e tuna bakovi, ri gi rodo na tahuna ri rata a leho na prister.”

A Nimariu 6:23

E Aron i parangi e Eliseba e tune Aminadab, e kurabane Nason. E Eliseba i poda e Nadap, e Abihu, e Eleasar, e Itamar.

E Levi 10:1

Na tahuna iea e tune Aron ala rua, e Nadap, e Abihu, ru pi a kanono, ru ru dili na ulo kiroko ni rata na aen, ru guru puru a havu mangisipa na ulo, ru habi a kanono i uka ma ni taba ne BAKOVI DAGI. Pali e BAKOVI DAGI i uka ma i taki rua ru gu rata mavonga.

E Levi 10:12

E Moses i taki e Aron turana e tuna ala rua ru tababana ni mahuri, e Eleasar, e Itamar, i ta maea, “Moto bole a vit i tababana na nihabi ni gutu na kanono ne BAKOVI DAGI, moto rata a bret i uka is, moto kani tabukoi na dede, a vuhuna a bret iea ni taba.

E Levi 7:35

“Ra kalavana nihabi nga, ni bole valai ne BAKOVI DAGI, ge a nihabi ni gutu na kanono. E BAKOVI DAGI i pasivunu a kalavana nihabi nga ne vona e Aron turane huriki e tuna bakovi, na parava ni gamai ria ri gi leho manga a prister vona.

E Levi 8:1

E BAKOVI DAGI i takia e Moses i ta maea,

E Levi 8:2

“O tuli e Aron turane huriki e tuna bakovi. O bole a nirodo ola ola, a nibiri ne vona ni gamai, a bulmakau a toga ge a nihabi na naro hale, a sipsip a toga ge rua, a kulopi na bret i uka is.

Ni Gi 18:7

Pali ioe turane huriki e tumu bakovi kunana mu rata a maka leho na prister pololilo na Tabeke Nitaba. A leho na prister a habi tavulea ne mua. Ra leho na dede, a leho na tabeke ni taba, a leho ne mua. A bakovi tara i uka ma a vulakia i valai ge ratea a leho iea, ni gi rabalaki.”

Ni Gi 2:4

A tara vona ri ala 74,600.

Ni Gi 26:61

Pali e Nadap e Abihu ru mate na tahuna ru bolea a kanono ru habia ne BAKOVI DAGI, na tahuna e BAKOVI DAGI i uka ma i taki rua ru gu ratea.

Lukas 1:8

Na parava tara e Sakarias i leho pololilo na roho na Vure, a vuhuna a tara vona ri rata a leho na prister na tahuna iea.

Vinara 10:6

“Muri e huriki a Israel ri pea a lomu ne huriki a Iakan, ri lakea na tanga e Moserot. E Aron i mate na tanga iea, ni tanu vonga. E tuna, e Eleasar, i bole a murina, i ratea a leho na prister.

Vinara 18:5

E BAKOVI DAGI a Vure ne mua i uka ma i vulaki na kabu ranga ne Israel e huriki a prister, ri gi rata a leho vakaroro na rana. I vulaki kunana ria na kabu ne Levi.