A Nimariu 27:21 - A Nitana Vure

²¹ E Aron turane huriki e tuna bakovi, ri gi bole dili na kape a lam ne vona ni tagui iau. Ra lam iea, ni gi ru polovavo na kala i naviri mule a Tava na Ngava Dagi. Na parava lobo ri gi guru dili a namona oliv na lam ge para na roho nau, e BAKOVI DAGI, ge vakatubu na malunga ge harena na hatelanga. E huriki a Israel turane huriki a hamone ria, ri gi ramai vakaroroa a vinara iea.

A Nimariu 27:21 Iomraidhean Croise

A Vuhuna 1:5

A Vure i vunua a hini palala a parava, a uvo i vunua a rodo. I rodo i palala. Iea a mugana maka parava.

A Vuhuna 1:8

A koropala iea i vunua a hunu. I rodo i palala. Iea a ruana parava.

A Nimariu 12:14

Muri a Vure i ta maea, “Mu luhoi vaka­roroa ra parava iea na maka nivakasiri a rata ne mua. Na pida lobo e huriki a hamone mua, ria ranga, bara ri luhoi mulea a parava iea. Ra parava iea, a parava ne BAKOVI DAGI.

A Nimariu 16:34

Lakea e Aron i bolea a ulo kiroko i tahoni ranga mana, i ru tabukoia na tava ni ru a vinara na Vure vona. I ramaia a ngava e BAKOVI DAGI i takia e Moses vona.

A Nimariu 25:16

Muri ga habi vomu a tabekena kedo i rua ru tahoka a Ngava Dagi, o ru pololilo na tava.

A Nimariu 28:43

E Aron turane huriki e tuna, ri gi rodo a poho nga na tahuna ri lakea na dede, ri gi rata a leho pololilo na Tabeke Nitaba, o na tahuna ri dili na Kape na Vaponga nau. Ria i uka ma ri rata mavonga, bara ri tahoka a ngava, a rabalaki ria. “E Aron turane huriki a hamona ri gi ramai vakaroroa a vinara iea.

A Nimariu 29:28

E huriki a Israel ri gi rata vakaroroa a nihabi iea, ri gi habia nau e BAKOVI DAGI a sipsip, ne vona a nivalemu. Muri ri gi habi ne Aron turane tuna mai a siana, a gepena sipsip, ri gi kani.

A Nimariu 29:42

Ra nihabi ni gutu-vuro ge rata vakaroroa e huriki a hamone mua na matana Kape na Vaponga, iau e BAKOVI DAGI ga tagui mua vonga, ga ta turane mua.

A Nimariu 29:44

“Ga gamai a kape, a dede, ga maki nau kunana. Ga gamai tabu e Aron turane huriki e tuna, ri gi rata a leho nau manga a prister.

A Nimariu 30:21

Muholi hateka, ri gi vahilolo a limane ria a vahane ria, i uka ma ri gi mate. E huriki a hamone Aron kunana, bara ri ramaia a vinara iea.”

A Nimariu 30:36

O tutu kamumu a maki nga, ge bele a havu, muri o bole dili na Kape na Vaponga ranga, o ru tabukoi na Tava na Ngava Dagi na hini ga tagui mua vona. Ra havu iea i malamala hateka.

A Nimariu 30:8

Na malunga liu ge nami tabua a havu mangisipa, na tahuna i valai ge nami a maka lam. Ra nihabi iea, e huriki a hamone mua ri gi ratea vakaroro muri ma na matane BAKOVI DAGI.

A Nimariu 40:3

O bolea a Tava na Ngava Dagi o ru dilia o vulala karia na kala dagi.

E Levi 10:9

“Na tahuna ioe turana e tumu ala rua moto dili na Kape na Vaponga, naha ni ninu a vain a naru vagole, ma moto go mate. Ra vinara iea, ge ramai vakaroroa e huriki a hamone matou.

E Levi 16:34

“Ra vinara iea mu ramai vakaroroa. A vinara iea ni kavitagu a naro hale, ni gi rata balaka taku na maka pida lobo, ne vona a naro hale ne huriki a Israel.” E Moses i rata lobo a maki e BAKOVI DAGI i vakuku ia vona ge rata.

E Levi 17:7

Pali nahea ri gi habi tabu a nihabi na meme taua. Na tahuna ri rata mavonga, ri manga a ngoi, ri mata here ne BAKOVI DAGI ri kavurike viliha a vure ranga. Ra maka vinara nga ge tabuli tora turane ria, e huriki a hamone ria bara ri ramai vakaroro muri ma.

E Levi 23:14

Pali mua, i uka ma mu bole valai nau, iau a Vure ne mua, a galesi na vit nga, naha ni kani a vit mu bole karaba na hania. Na tahuna mu habi pali, ngane mu kara ni kani a bret i uka is, o ni vuli turana a is. Ra vinara nga, ge ramai vakaroro e huriki a hamone mua muri ma.

E Levi 23:21

Na parava mu ratea a nihabi iea, mu vapopo mu vasileki. Naha ni rata a leho mu rata bala vona a parava iea. E huriki a hamone mua ri bele muri ma, na hini vai ri made vona, ri gi ramai vakaroroa a vinara iea.

E Levi 24:2

“O vakuku e huriki a Israel ri gi bole valai a namona oliv, ne vona a maka lam ri tabuli pololilo na kape nau. E huriki a prister ri gi nami na rodo vakaroro a lam nga.

E Levi 24:3

E Aron ge nami ria na malunga liu, ri gi para na rodo ge harena na hatelanga pokopoko. A lam nga ri gi tabuli polovavo na kala dagi i naviri mule a Tava na Ngava Dagi na Kape na Vaponga. A vinara iea, a habia ne mua, mu gu ramai vakaroroa. E huriki a hamone mua ranga, ri gi ramaia.

E Levi 24:9

Ra bret nga ne vona e Aron turane huriki a prister na kabu vona. Ri gi kani pololilo na Tabeke Nitaba, a vuhuna ra maki ni kani nga a kalavana nihabi ni taba hateka, ni gutu na kanono ni habi nau. Ra kalavana nga, ne vona e huriki a prister ri gi kani vakaroro.”

E Levi 3:17

“Ra vinara iea ge tabuli turana a hamone mua vakaroro. I vai a tabeke mu made vona, bara mu ramai kunanea: Naha ni kani a vina kanirau o mu gu ninu a darana.”

E Levi 3:8

Ra bakovi iea ge ru langea a limana na gina sipsip, muri ge rabalakia a sipsip na matana Kape na Vaponga. Muri e huriki e tune Aron, ri gi voro tamali a darana sipsip na tabeke lobo na dede.

E Levi 6:15

I tara ne ria ge ragamu ranga plaoa kamumu ge guru langa vona a namona oliv, a havu mangisipa. Muri ge gutu a plaoa na kanono na dede. Ra plaoa popote nga, ge ratea e BAKOVI DAGI ge luhoia. Na tahuna e BAKOVI DAGI i burongi a mangina kinani, bara i vivi.

E Levi 7:36

Na tahuna ni gamai ria, e BAKOVI DAGI i vakuku e huriki a Israel, ri gi habi ne huriki a prister ra kalavana nga. Ra vinara iea ri gi ramai vakaroroa muri ma.

Ni Gi 18:23

Pali e huriki a Levi kunana ri gi matakaria a Kape na Vaponga. E rei a viri i putu puru a vinara na kape, e huriki a Levi kunana bara ri bole a nimadihi vona. Ra vinara iea ge tabuli vakaroro. E huriki a hamomu ranga ri gi ramaia. E huriki a Levi ri uka malala, a kabu ranga na Israel ri tahoka.

Ni Gi 18:5

“Ioe turane huriki e tumu bakovi kunana mu leho pololilo na Tabeke Nitaba na dede, lakea i uka ma ge madihi a hategu ne mua e huriki a Israel, i uka ma ga rata hale mua tabu.

Ni Gi 19:21

E huriki a Israel ri gi ramai vakaroroa a vinara iea. A bakovi i guru langa a naru na bakovi tara ge rata ia ge matapado, ge loi pasi a maka varakia vona. A bakovi tara i padoia a naru ne vona ni rata a bakovi ge matapado, ra bakovi iea i muto na matagu i harena na haro i rolo.

Ni Gi 35:29

“Mua turane huriki a hamone mua, na tahuna mu made na hini vai, mu ramaia a vinara iea.

Ni Gi 8:9

O taki e huriki a Levi ri gi pesi tabukoi na mataroho na Kape na Vaponga, turana e huriki a Israel lobo.

Mateo 4:16

e huriki ri made na uvo ri masia a nipara dagi; e huriki ri made na maniru na matenga, a nipara i parai ria.”

Lukas 12:35

“Mu bagetu, mu nami puru a lam.

Ioanes 5:35

E Ioanes ia a nipara i vakapalala a hini, lakea mu ngaru ni vivi vona a nipara vona na parava popote kunana.

2 Korin 4:6

A Vure, ra viri i ta maea, “Ge palala,” ia kunana a Vure i vakapalala a gine hita, si gi lohoka vona a bagetuanga na Vure, ra i para na matane Isu Kristo.

2 Petrus 1:19

A ngavane huriki a propet hosi, ri ta virihi mai e Isu vona, i muholi hateka. I kamumu mu gu longo kamumu. A ngavane ria i manga a kanono i para na uvo, i vakasiri a dala. Mu loho doko vona, ge vano ge harena na tahuna a nipara ne Kristo ge parai a hatene mua, i manga a hini i malaharere, i rike a hada e Lagavago.

Kapiloho 2:1

Muri i ta tabu, i ta maea, “O here lakea na agelo ne huriki a tara na Vure o Epesus, o here maea: A ngava iea i valai na Bakovi i nugu a hada i polorua na limana a kanena, ra viri i laho na kurukuruna maka butu na nipara i polorua ni rata na gol.