A Nimariu 26:33 - A Nitana Vure

³³ O vakatavorea a kala na maka kinau, muri o bolea a Tava na Ngava Dagi, o rua na bitona kala. Ra kala iea ge nagi mulea a Tabeke Nitaba Hateka na Tabeke Nitaba.

A Nimariu 26:33 Iomraidhean Croise

A Nimariu 25:16

Muri ga habi vomu a tabekena kedo i rua ru tahoka a Ngava Dagi, o ru pololilo na tava.

A Nimariu 26:32

O bole a kai a akas ge va o rata a butu, o naviri na gol turana a kinau ni rata na gol, o vakapesi na vuhu-butu i va ni rata na silva.

A Nimariu 27:10

O bolea a kala o vakatavorea na butu i ravulu rua ni rata na bras. Ra butu nga, o vakapesi langa na vuhu-butu i ravulu rua ni rata na bras. O rata na silva a kinau na kala, a karona nure.

A Nimariu 27:21

E Aron turane huriki e tuna bakovi, ri gi bole dili na kape a lam ne vona ni tagui iau. Ra lam iea, ni gi ru polovavo na kala i naviri mule a Tava na Ngava Dagi. Na parava lobo ri gi guru dili a namona oliv na lam ge para na roho nau, e BAKOVI DAGI, ge vakatubu na malunga ge harena na hatelanga. E huriki a Israel turane huriki a hamone ria, ri gi ramai vakaroroa a vinara iea.

A Nimariu 36:36

Ri rata na kai a akas a butu i va, ne vona ni vakatavorea ra kala dagi iea. Ri kavitagu na gol a maka butu nga, ri kolo dili ne ria a maka kinau. Ri rata na silva a vuhu-butu i va, ge pesi vona a butu.

A Nimariu 40:21

Muri i ru pololilo na kape a tava, i vakatavorea a kala dagi i naviri mulea, i manga a ngava e BAKOVI DAGI i vakuku e Moses vona.

A Nimariu 40:3

O bolea a Tava na Ngava Dagi o ru dilia o vulala karia na kala dagi.

E Levi 16:2

Muri e BAKOVI DAGI i takia e Moses, “O takia e turamu e Aron, nahea ge dili na ningaru vona na Tabeke Nitaba Hateka na bitona kala dagi. Pali na tahuna i ngaru e rei a kilala ge dili vona, ge dili. A vuhuna iau a made pololilo na bubu, a bele kavakava na murina nidodo na Tava na Ngava Dagi. Ia ge dili tavula na tabeke iea, bara i mate.