A Nimariu 25:8 - A Nitana Vure

⁸ “O taki e huriki ri gi haea tara kape nau ga made turane ria.

A Nimariu 25:8 Iomraidhean Croise

A Nimariu 15:17

Nimariu O taparaki valai mia koea, mi gi made kamumu na lolo vomu, na tabeke o hae a roho vomu vona.

A Nimariu 15:2

E BAKOVI DAGI i vakatora mia, i rata mia mi kalolo. I korimule mia. Ia a Vure ne mia si gi kavurikea, ia a Vure ne tamane mia si gi kavurikea a rana.

A Nimariu 29:45

Ga made turane huriki a Israel, ge iau a Vure ne ria.

A Nimariu 29:46

Ri gi lohoka kamumu nau, iau kunana a tuli tala ria o Egipto, a taparaki valai ria koea ga made turane ria. Iau kunana e BAKOVI DAGI a Vure ne ria.

E Levi 10:4

Muri e Moses i gale e Misael, e Elsapan, e tune Usiel, e tamane Aron kiroko, ru valai vona. Lakea i taki rua i ta maea, “Muru valai, muru kaloho tala a podane turane marua na mailo na Vure, muru bole tala na mada.”

E Levi 21:12

Nahea ge ha taroa a mailo na Vure vona ge lakea na ruma i tabuli vona a viri i mate. Ia bara i rata mavonga i ratea a mailo nau i muto. Iau a gamaia pali na nibiri, a habia ne mua ge ia a prister dagi. Iau e BAKOVI DAGI a takia a ngava iea.

E Levi 26:11

Iau ga made na mailo nau na kurukurune mua, i uka ma ga ngalahere ne mua.

E Levi 4:6

Muri a prister ge lutua na dara a kukulimana, ge voro tamali balaka polorua na matane BAKOVI DAGI tabukoi na kala dagi i naviri mule a Tabeke Nitaba Hateka.

Ni Gi 5:3

Mu tono tala e huriki a bakovi a ngatavine ri muto, ma ri gi ratea a mada na hini a made vona ge muto.”

Apostolo 7:44

“E huriki a gare ne hita ri tahoka a Kape na Ngava Dagi na tahuna ri laho lae na tabeke i ngeki. A kape iea, ri haea muri mai a nitana Vure i taki polo ne Moses.

2 Korin 6:16

Ni gi ru dili navai a nitamina vure na Roho na Vure? Pali hita a roho na Vure Mahuri. I manga a ngava a Vure i takia hosi, i maea, “Iau ga made turane ria, ga laho turane ria. Ge iau a Vure ne ria, ge ria e huriki a ngate nau.

Vinara 12:11

Na mailo vona na tanga iea mu bole valai a maka maki a taki mua vona pali, ra nihabi gutu-vuro, a maka nihabi ranga, a naguna i taku na maka naguna maki i ravulu, a maki ranga mu ngaru ni habi ne BAKOVI DAGI, a maka nihabi kamumu ne vona ni ta muholi vona ne BAKOVI DAGI.

Hibru 3:6

Pali e Kristo i uka ma ia a vora. Ia a Tuna Vure. I matakari kamumu e huriki a tara na Vure, i manga e Tamana i ngarua ge ratea. Hita bara si pesi tata ni luhoi torea a Vure, ni pasimata vona a maki a Vure ge rata ne hita, bara hita e huriki a tara vona.

Iosua 22:31

Lakea e Pinias e tune Eleasar a prister i taki maea ria “Ngane si lohoka vona e BAKOVI DAGI i made turane hita, a vuhuna i uka ma mu ngalahere vona. I mavonga mu korimule hita a Israel na rongova ne BAKOVI DAGI.”

Kapiloho 21:3

A longoa a lohona viri i gale valai na gula hariki, i ta dagi, i ta maea, “Mu longo! A Vure i made turana e huriki a bakovi. Ge made turane ria, ge ria e huriki a ngate vona, ge ia a Vure ne ria.