A Nimariu 25:10 - A Nitana Vure

¹⁰ “O taki e huriki ri gi ratea a Tava na Ngava Dagi na mavilana kai a akas. A niolana ge 110 sentimita, a nibolana ge 66 sentimita, a nipesina ge 66 sentimita.

A Nimariu 25:10 Iomraidhean Croise

A Nimariu 31:7

Ri gi rata a Kape na Vaponga, a Tava na Ngava Dagi turana a murina nidodo, a maka mahalana kape.

A Nimariu 35:12

a tava turana a binolena, a murina nidodo, a kala dagi ne vona ni kapikari a tava;

A Nimariu 39:32

E huriki a Israel ri ru palupu lobo a maka mahalana kape, e BAKOVI DAGI i vakuku e Moses vona ge bole.

Ni Gi 3:31

A leho ne ria ni matakari a Tava na Ngava Dagi, a dede, a butu na lam, a maka dede na nihabi, a maka pelete, a ulo ni rata a leho na Tabeke Nitaba, a kala dagi ni vulalakari a Tabeke Nitaba Hateka, a maki ranga ni rata na kape. Ri gi rata lobo a maka leho ni matakari a maki nga.

Ni Gi 4:5

Na tahuna e huriki a Israel ri gi pea a mada ni lakea na tabeke tara, e Aron turane huriki e tuna bakovi ri gi dili na Kape na Vaponga, ri gi parua a kala dagi i naviri dili a Tava na Ngava Dagi, ri gi kavitagua a tava na kala iea.

Ni Gi 4:6

Ri gi naviri purua a kala na kulina lui kamumu, ri gi ru polomelia a kala gomagoma ne vona ni kavitagu loboa, bara ri rodo polo na halui a binole i rua, ri kalohoa.

Hibru 9:4

Na tabeke iea i tahoka a dede ni rata na gol. Ra dede iea, ne vona ni rungani a havu mangisipa, ge poko, ge huli pololilo vonga a mangina. A Tava na Ngava Dagi ni naviri na gol tara i tabuli vonga. Ni ru pololilo vona a ulo ni rata na gol, ni tahoni vona a bret na hunu ni gale a mana. A kodo e Aron, ra i tuvu tabu hosi, turana ngava dagi hosi ni here na kedo, ngi ranga ni ru pololilo vona.

Kapiloho 11:19

Muri a Roho na Vure meli na hunu, ni tala. A Tava na Ngava Dagi ni matai i tabuli pololilo na Roho vona. A vila i maravila, i kururu, i pelaka, a vuruke i pori, a vala kedo dagi i boru.