A Nimariu 24:8 - A Nitana Vure

⁸ Muri e Moses i bolea a dara i tabuli na tavila i voro tamali langa ne huriki. Lakea i ta maea, “Ra dara iea i vakatorea a ngava dagi e BAKOVI DAGI i ratea ne mua na tahuna i habi a nitana ne mua.”

A Nimariu 24:8 Iomraidhean Croise

A Nimariu 24:6

Muri na nihabi, e Moses i bole a darana bulmakau i guru puru na tavila ranga, i voro tamali langa na dede ranga.

E Levi 8:30

E Moses i bole a merena nibiri na nigamai, turana a dara i tabuli na dede, i voro tamali langa ne Aron, ne huriki e tuna, na nirodo ne ria. Na naro iea kunana e Moses i gamai e Aron, e huriki e tuna, turana a maka nirodo ne ria.

Mateo 26:28

a vuhuna a vain iea a daragu, ge pori nau ne vona ni vakatorea a ngava muholi a Vure i rata karaba turane huriki. Ge pori ne vona ni puga vuroki a naro hale ne huriki ala kupo.

Markus 14:24

Muri i taki ria i ta maea, “Ra vain iea a daragu, ge pori nau ne vona ni vakatorea a ngava muholi a Vure i rata karaba turane huriki. Ge pori ne vona ni korimule e huriki ala kupo.

Lukas 22:20

Na tahuna ri kani lobo, e Isu i bole rikea a kikei na vain, i ta maea, “A vain iea a kilakila na ngava dagi karaba a Vure ge rata turana e huriki. A ngava dagi karaba iea ga vakatorea na daragu, ra daragu ge pori, ge korimule mua.

1 Korin 11:25

Ri kani lobo, i bole rikea a kikei na vain, i kavurikea a Vure vona, i ta maea, “A kikei iea i vakasiri a ngava dagi karaba, a vakatorea na daragu. Na tahuna mu ninua, mu luhoi mule iau.”

Epesus 1:7

Si rihi e Kristo, i kona hita na darana. Ngane a Vure i puga vuroki a naro hale ne hita. Na naro iea a Vure i vakasiri ne hita, na harikia vona, ia a mari ni rata kamumu hateka hita.

Vinara 5:2

E BAKOVI DAGI a Vure ne hita, i rata a ngava dagi turane hita na lolo e Sinai.

Hibru 10:29

Pali a viri i lohopilea a Tuna Vure bara i bole a nimadihi dagi hateka, a vuhuna i biua a darane Isu, ra i vakatorea a ngava dagi na Vure. A ngava dagi iea i ru here hita ne vona a Vure kunana. Pali a viri i lohopilea a Tuna Vure, i ratea a Hanuna Vure i madihi a hatena. Ra Hanuna Vure, a mari ni rata kamumu hita.

Hibru 13:20

A Bakovi Dagi ne hita e Isu, ia a matakari dagi ne hita, re hita huriki a sipsip vona. I habi a darana ge vakatora a ngava karaba ge tabuli vakaroro. Lakea a Vure i vakamahuri mulea na matenga. Ngane ra Vure na nivalemu,

Iosua 24:25

Na parava iea kunana na tanga e Sekem, e Iosua i ratea tara ngava dagi turane huriki, i habi a maka vinara ne ria, i taki ria ri gi ramai.

1 Petrus 1:2

A Vure, e Tamane Hita, i lohoka muga pali ge vulaki mua. A Hanuna Vure i vulaki mua, ge mua ne vona kunana, mu gu longototo e Isu Kristo, a darana ge vahilolo mua, mu gu malamala. A Vure ge rata kamumu mua, ge habi ne mua a nivalemu, ge uka harena.