A Nimariu 24:6 - A Nitana Vure

⁶ Muri na nihabi, e Moses i bole a darana bulmakau i guru puru na tavila ranga, i voro tamali langa na dede ranga.

A Nimariu 24:6 Iomraidhean Croise

A Nimariu 12:22

Mu guru dili na tavila a dara. Mu putu a rahana kai a hisop, mu lutu na dara i tabuli na tavila, mu kalu varago a dahana mataruma, a hini polomeli na mataruma. Mu made pololilo na ruma ge harena na hatelanga.

A Nimariu 12:7

A darana sipsip ni gi bole, ni gi kalu varago a dahana mataruma, a tabeke polomeli na mataruma.

A Nimariu 24:8

Muri e Moses i bolea a dara i tabuli na tavila i voro tamali langa ne huriki. Lakea i ta maea, “Ra dara iea i vakatorea a ngava dagi e BAKOVI DAGI i ratea ne mua na tahuna i habi a nitana ne mua.”

A Nimariu 29:16

Muri o rabalakia a sipsip, o bole a darana, o voro langa na tabeke na dede i va.

A Nimariu 29:20

O rabalakia a sipsip iea, o bole ranga darana o ravu na kanena taruna talingana e Aron, e tuna mai. Muri o bole tabu a dara o ravu na kukukoru na limana a kanena, a kukukoru na vahana a kanene ria. O bole paru a dara i tababana, o voro langa na tabeke lobo na dede.

E Levi 1:11

Ge rabalakia na matane BAKOVI DAGI na tabeke mule sike na dede. E huriki a prister ri gi bole a darana, ri gi voro tamali lakea na tabeke lobo na dede.

E Levi 1:5

Muri ge rabalakia a bulmakau iea na matane BAKOVI DAGI, lakea e huriki a prister, e tune Aron bakovi, ri gi bole a darana, ri gi lakea na dede i tabuli tabukoi na matana Kape na Vaponga, ri gi voro tamali na tabeke lobo na dede.

E Levi 3:2

Ra bakovi iea ge ru langea na gina bulmakau a limana, muri ge rabalakia a bulmakau na matana Kape na Vaponga. E huriki a prister, re huriki e tune Aron, ri gi voro tamali a darana bulmakau na tabeke lobo na dede.

E Levi 3:8

Ra bakovi iea ge ru langea a limana na gina sipsip, muri ge rabalakia a sipsip na matana Kape na Vaponga. Muri e huriki e tune Aron, ri gi voro tamali a darana sipsip na tabeke lobo na dede.

E Levi 4:6

Muri a prister ge lutua na dara a kukulimana, ge voro tamali balaka polorua na matane BAKOVI DAGI tabukoi na kala dagi i naviri mule a Tabeke Nitaba Hateka.

1 Korin 11:25

Ri kani lobo, i bole rikea a kikei na vain, i kavurikea a Vure vona, i ta maea, “A kikei iea i vakasiri a ngava dagi karaba, a vakatorea na daragu. Na tahuna mu ninua, mu luhoi mule iau.”

Kolosi 1:20

Na nimatene Kristo na kai tavalavala, a Vure i rata a maki lobo koea na malala, meli na hunu, ri made kamumu tabu turana na nivalemu.

Hibru 12:24

Mu bele ne Isu. I vakatora a ngava dagi karaba. Mu bele na darane Isu. A ngava na darane Isu i rangi a ngava na darane Abel.

Hibru 8:9

Ra ngava dagi iea, i uka ma ge manga a ngava dagi hosi a rata turane huriki a gare ne ria, na tahuna a tuli tala ria o Egipto. I uka ma ri muri maia a ngava dagi nau. Lakea iau e Bakovi Dagi, a ngalahere ne ria.

Hibru 9:18

I mavonga, a mugana ngava dagi na Vure tara, ni vakatora na dara.

Hibru 9:19

Muri ne Moses i vakalongo ne huriki a vinara na Vure i ravulu, i palakudu a lohona tuna bulmakau, a meme, i bole a dara, i vuli turana naru. Muri i bole a rahana kai a hisop, a mota vururu ni viri na vuna sipsip, i lutu purua na dara iea, i voro tamali rike na puhu na raukea a dara, i voro tamali rike ne huriki a bakovi a ngatavine.

Hibru 9:21

Muri i voro tamali rike a dara iea na Mailo na Vure, na maki na lotu pololilo na kape.

1 Petrus 1:19

I konamule mua na mapana i dagi hateka, ra darane Kristo. I manga a darana tuna sipsip gavutuvutu.

1 Petrus 1:2

A Vure, e Tamane Hita, i lohoka muga pali ge vulaki mua. A Hanuna Vure i vulaki mua, ge mua ne vona kunana, mu gu longototo e Isu Kristo, a darana ge vahilolo mua, mu gu malamala. A Vure ge rata kamumu mua, ge habi ne mua a nivalemu, ge uka harena.