A Nimariu 24:18 - A Nitana Vure

¹⁸ E Moses i dili na bubu i laho sike na lolo, i made vonga na parava i ravulu va.

A Nimariu 24:18 Iomraidhean Croise

A Nimariu 19:20

Muri e BAKOVI DAGI i puru na mapana lolo, i galea e Moses i valai vona. Lakea e Moses i sike na lolo.

A Nimariu 24:17

E huriki a Israel ri masia a nipara ne BAKOVI DAGI i manga a kanono na mapana lolo.

A Nimariu 25:1

E BAKOVI DAGI i takia e Moses,

A Nimariu 32:1

E Moses i made tabaka hateka na lolo, i uka ma i malaviriri ni puru valai. Lakea e huriki ri pesi halui e Aron ri takia, “I uka ma si lohoka vona a ra maki i bele ne Moses meli na lolo. I tuli tala hita o Egipto, i taparaki valai hita koea. Pali ngane si gi rata ranga vure, ri gi muga ri gi vakasiri a dala ne hita.”

A Nimariu 34:28

Lakea e Moses i made turane BAKOVI DAGI na lolo na parava i ravulu va, a rodo i ravulu va, i uka ma i kani, i uka ma i ninu. I here a nita na ngava dagi na tabekena kedo i bole sike e Moses. A ngava nga ra vinara na Vure i ravulu.

A Nimariu 9:29

Lakea e Moses i koli, i ta maea, “Na tahuna ga pagitala na tanga dagi ga toto rike a limagu, ga vasileki ne Bakovi Dagi, a vila, a hini kururu bara ru lobo. A vala-kedo i uka ma ge boru tabu. Muri bara o lohoka vona ra malala iea ne vone Bakovi Dagi.

A Nimariu 9:33

Muri e Moses i pea a tanga dagi i pagitala. Na tahuna i toto rike a limana i vasileki ne BAKOVI DAGI, a vila, a hini kururu ru lobo. A vala-kedo tara i lobo ni boru.

Mateo 4:2

E Isu i peremu a maki ni kani na parava i ravulu va, a rodo i ravulu va. Lakea i vitolo.

Markus 1:13

I made vonga na parava i ravulu va, lakea e Satan i tonia. E Isu i made turana maka maki mahuri na robo, pali e huriki a agelo ri tuhoria.

Lukas 4:2

A hanitu i tonia vonga na parava i ravulu va. Na tahuna iea, e Isu i peremu a maki ni kani, lakea i vitolo.

Vinara 10:10

“Iau a made na mapana lolo na haro, na rodo i harena na parava i ravulu va, i manga a hini muga. E BAKOVI DAGI i longo a nivasileki nau, lakea i uka ma i ratapile mua.

Vinara 5:31

Pali ioe o Moses o made turagu, ga habi vomu a vinara lobo nau. O tovo e huriki a bakovi a ngatavine na maka vinara nau, ri gi ramai kamumu na malala a habia ne ria ri gi made vona.’”

Vinara 9:18

“Muri a hamule sike tabu ne BAKOVI DAGI a mahita ngalabarara puru na malala na haro, na rodo, i harena na parava i ravulu va. I uka ma a kani, i uka ma a ninu. A rata mavonga, a vuhuna mu rata a naro hale ne BAKOVI DAGI, mu ratea i madihi a hatena.

Vinara 9:25

“Na tahuna mu tababana mu made na dahana lolo, a sike na lolo a mahita ngalabarara puru na malala na matane BAKOVI DAGI, na haro na rodo i harena na parava i ravulu va. A rata mavonga, a vuhuna e BAKOVI DAGI i taki ge ratapile mua lobo.

Vinara 9:9

Iau a sike na lolo ta ga bole a tabekena kedo i rua, e BAKOVI DAGI i here puru a maka nita muholi i rata turane mua. Iau a made vonga na parava i ravulu va, a rodo i ravulu va, i uka ma a kania tara maki, i uka ma a ninu.