A Nimariu 24:11 - A Nitana Vure

¹¹ Muholi ri masia a Vure, pali i uka ma i ratapile e huriki a gare ne Israel. Muri ri kani ri ninu vonga.

A Nimariu 24:11 Iomraidhean Croise

A Vuhuna 16:13

E Hagar i vunua a rana e BAKOVI DAGI ra i ta turana, “A Vure i matai iau.” A vuhuna i ta maea, “A masia pali a Viri i matai iau.

A Vuhuna 18:18

Muholi, e huriki a hamone Abraham bara ri ala kupo, ri pesi tora hateka. A kabu lobo na malala ni gi gamai na limana kunana.

A Vuhuna 31:54

Muri i habi meli na lolo a nihabi na Vure. I gale e huriki a kabu vona ri kani palupu. Ri kani lobo, ri mahita tabu vonga.

A Nimariu 18:12

Ru tuverei lobo, lakea e Ietro i bole a maka nihabi gutu-vuro turana a nihabi ranga, i habi na Vure. Muri e Aron turane huriki a gare ne Israel ri valai ri kani a bret turane Ietro na matana Vure.

A Nimariu 19:21

Lakea e BAKOVI DAGI i takia, “O puru o taki tora e huriki, nahea ge ruru a vurene ria ri gi polo taroa a nagi, ri gi valai ri gi matai iau. A viri ge polotaroa a nagi iea ge matai iau, bara i mate.

A Nimariu 24:1

Muri e BAKOVI DAGI i takia e Moses, “A ngaru ioe, e Aron, e Nadap, e Abihu turane huriki a gare ne Israel ri ala ravulu polorua, mu sike valai na lolo, mu pesi basi, mu kavurike iau.

Ni Gi 12:8

I mavonga, a ta turana i manga a bakovi i ta turana e turana. A ta kavakava vona, i uka ma ta vakakika. Ia tara i matai iau. Pali i navai i uka ma muru mangenge ni harogi e Moses, a vora nau?”

Ni Gi 21:18

E huriki a gare ri bole a kodo-hariki, ri kelia a lomu iea.” Muri ri pea a tabeke i ngeki iea ri lakea na tanga e Matana.

Vinara 12:7

Na tanga iea, na matane BAKOVI DAGI a Vure ne hita, mua turane huriki a kabu ne mua, mu kani mu vivi vona a maka maki kamumu e BAKOVI DAGI i gamai mua vona.

Vinara 4:33

I tahoka ranga kabu hosi ri longoa a Vure i ta tala na kanono i mahuri?