A Nimariu 24:1 - A Nitana Vure

¹ Muri e BAKOVI DAGI i takia e Moses, “A ngaru ioe, e Aron, e Nadap, e Abihu turane huriki a gare ne Israel ri ala ravulu polorua, mu sike valai na lolo, mu pesi basi, mu kavurike iau.

A Nimariu 24:1 Iomraidhean Croise

A Nimariu 1:5

E Iosep i lokovonga muga. Na tahuna iea e huriki a hamone Iakop ri ala ravulu polorua.

A Nimariu 19:20

Muri e BAKOVI DAGI i puru na mapana lolo, i galea e Moses i valai vona. Lakea e Moses i sike na lolo.

A Nimariu 19:24

E BAKOVI DAGI i koli, i ta maea, “O puru o takia e Aron, ge sike valai turamu. Pali e huriki a prister, a bakovi a ngatavine nahea ri gi polotaroa a nagi, ri gi sike valai nau. E rei i longotaro a ngava bara ratapilea.”

A Nimariu 19:9

Lakea e BAKOVI DAGI i takia e Moses, “Iau ga made na bubu dagi ga valai vomu. E huriki ri gi longo iau a ta turamu, bara ri luhoi vakaroroa a nitamu i muholi.” Muri e Moses i taki e BAKOVI DAGI vona a maka ngava i taki e huriki.

A Nimariu 20:21

E huriki ri pesi basi, pali e Moses kunana i lokovonga tabukoi na hini i uvo vatubi i made vona a Vure.

A Nimariu 24:15

Muri e Moses i sike na lolo, a bubu i kavitagua a lolo.

A Nimariu 24:2

Ioe kikeri o valai tabukoi nau. E huriki a matakari nahea ri gi valai tabukoi; e huriki a bakovi a ngatavine ria ranga nahea ri gi valai tabukoi.”

A Nimariu 24:9

Muri e Moses, e Aron, e Nadap, e Abihu turane huriki a gare ne Israel ri ala ravulu polorua ri sike na lolo,

A Nimariu 28:1

“Na tahuna o hamule o taki e turamu e Aron turana e tuna bakovi, e Nadap, e Abihu, e Eleasar, e Itamar, ri gi valai vomu. O tuli tala ria na kurukurune huriki a Israel, o gamai ria ge ria a prister nau.

A Nimariu 3:5

Lakea a Vure i takia, “Naha ni valai tabukoi. O kali tala a vahapolo vomu, a vuhuna a malala o pepesi vona, a tabea.

A Nimariu 34:2

Kuduvi na hatelanga o bole a tabekena nga, o sike na mapana lolo e Sinai, o tagui iau vonga.

A Nimariu 6:23

E Aron i parangi e Eliseba e tune Aminadab, e kurabane Nason. E Eliseba i poda e Nadap, e Abihu, e Eleasar, e Itamar.

Ni Gi 11:16

Lakea e BAKOVI DAGI i takia e Moses i ta maea, “O gale a gare ala ravulu polorua ri gi valai nau. O tuli kunana e huriki a bakovi o lohoka ne ria, ri lohoka ni matakari. O tuli valai ria koea na Kape na Vaponga, ri gi vapopo turagu, ri gi pesi turamu.

Lukas 10:1

Muri e Bakovi Dagi i vulaki tabu a bakovi ala ravulu polorua a polona i rua, i rudu tala ria ruarua, ri gi muga lakea na maka tanga e Isu i ngaru ge made ne ria.

Lukas 10:17

Na tahuna e huriki ala ravulu polo rua a polona i rua ri hamule, ri vivi hateka, ri ta maea, “Bakovi Dagi, mi kurahia a ramu, lakea e huriki a hanitu ri longototo mia.”

Vinara 1:15

Lakea a vulaki e huriki a bakovi na lohokanga, a bakovi kamumu, ra mu vulaki na kabu takutaku ne mua. A ru ria ri matakari e huriki ri ala rangale (1,000), i ranga ri matakari e huriki ri ala ravulu mule ma murina balaka taku (100), e huriki ri ala ravulu lima (50), e huriki ri ala ravulu (10). A vulaki tabu e huriki a bolekori na kabu takutaku.