A Nimariu 23:7 - A Nitana Vure

⁷ Naha ni rata a ngava taminga ni kau virihia na ngava hale a bakovi i malamala, ma ni gi rabalaki tavula. Ra bakovi i kau virihi tavula a viri na ngava, a uka ma ga pugea a naro hale vona.

A Nimariu 23:7 Iomraidhean Croise

A Vuhuna 18:23

Lakea e Abraham i pesi tabukoi vona i nanea, “Ioe go ratapile e huriki ri naro kamumu turana e huriki ri naro hale?

A Nimariu 20:13

“Naha ni rabalaki a viri.

A Nimariu 20:16

“Naha ni tami a turamu na ngava.

A Nimariu 23:1

“Na tahuna mu longoa tara ngava taminga, naha ni vakalongo lae. Naha ni tuhoria a bakovi, ge tami a mari ni pelekado a maregoa na tahuna i pelekadoa a ngava vona.

A Nimariu 34:7

A ngaru hateka e huriki ri ala ravulu rangale (1,000), i manga a ngava a ta muholi vona pali. A puga vuroki a naro hale ne huriki ri longotaro a nitagu, ri putu puru a vinara, ri rata a naro hale. Pali e huriki ri rata a naro hale, ri tahoka a ngava, ga vakamadihi ria turana e huriki a hamone ria, re huriki e tubune ria, e tamarane ria.”

E Levi 19:11

“Naha ni panaho a maki, naha ni tami a viri ni rata marogo a maki vona. Naha ni ta marapusi.

E Levi 19:16

“Naha ni laho viliha ni padimomo a turamu. A bakovi tara ni vakapesi na ngava ni gi pelekado, pali ra ngava ni padi virihi ia vona i uka ma i muholi, mu ta tala mu tuhoria. Bara mu ngavarubu, bara ni rabalaki tavula a bakovi iea. Iau e BAKOVI DAGI, a takia a ngava iea.

Lukas 3:14

Muri e huriki a nugumaheto ri nanea, “Pali mia? Mi gi pulo navai a vilone mia?” Lakea i taki ria i ta maea, “Naha ni vakamangenge e huriki ri gi habi a moni ne mua. Naha ni padi virihi tavula e huriki na ngava, ri gi kona mua. Mu maru vona a moni ni kona mua vona.”

A Raukea e Paulus i Here Lakea ne Huriki a Rom 1:18

A Vure meli na hunu, i vakasiri a rongova vona ne huriki lobo ri ngalahere vona, e huriki ri rata a naro hale. Re huriki nga, a naro hale ne ria i rata e huriki ranga i uka ma ri luhoi torea a nita muholi.

Epesus 4:25

Mu ha taro pali a taminga. I mavonga, mua takutaku mu ta muholi ne huriki a turane mua, a vuhuna si manga a kakaina viri ala taku kunana.

Vinara 25:1

E Moses i ta tabu i ta maea, “Na parava ranga bara a bakovi ala rua ne mua a Israel, ru lakea na mari ni pelekado a maregoa ru gu pelekadoa a maregoa ne rua. Muri a mari ni pelekado a maregoa bara i matakilaka vona a bakovi i tahoka a rarenga, a bakovi tara i uka.

Vinara 27:25

“‘A bakovi ni kona i rabalaki tavulea a viri tara, a Vure bara i habi a vuranga vona.’ E huriki lobo ri gi koli ri gi ta maea, ‘A ngava i muholi hateka.’

1 Tesalonika 5:22

A ngava ge hale, mu malele ha vona.