A Nimariu 23:32 - A Nitana Vure

³² Naha ni valongo mai a ngava turane ria, naha ni ramai a vure ne ria.

A Nimariu 23:32 Iomraidhean Croise

A Nimariu 23:13

“Mu longo kamumu mu ramai a maka ngava a habi ne mua. Naha ni vasileki na maka vure ranga, naha ni gale a rane ria.

A Nimariu 23:24

Naha ni lolu puru ni kavurike a maka vure ne ria. Naha ni ramai a naro na nivasileki ne ria. Mu ratapile, mu ubikeve a maka vure ne ria ni rata na kedo.

A Nimariu 34:12

Mu matadoko, naha ni valongo mai a ngava dagi turane huriki na tanga mu gu lakea vona, ma ri gi turari mua, mu gu longotaro a ngava nau, mu gu velu.

A Nimariu 34:15

“Naha ni valongo mai na ngava turane huriki na tanga nga. Re huriki nga ri kavurike, ri habi a maka nihabi na maka vure ne ria. Mua bara mu valongo mai a ngava turane ria, bara ri taki mua mu vapopo turane ria, mu kani a kinani ri habi na maka vure ne ria.

2 Korin 6:15

Re Kristo, ge valongo mai navai a ngava turane Satan? A viri i luhoi torea e Kristo, ge vaveru navai turana viri i uka ma i luhoi torea e Kristo?

Vinara 20:18

Mu rabalaki ria, ma ri gi tovo mua na naro i muma hateka ni kavurike a maka vure ne ria, bara mu rata a naro hale ne BAKOVI DAGI a Vure ne mua.

Vinara 31:5

E BAKOVI DAGI ge tuhori mua bara mu rangi ria. Mu rata virihi ria vona a maka maki a taki ta mu gu rata virihi ria vona.

Vinara 7:1

E Moses i ta tabu i ta maea, “Na tahuna e BAKOVI DAGI a Vure ne hita, ge taparaki mua vona a malala mu gu bolea, bara i lili tala e huriki a tara ri made vona ngane. Na tahuna mu laho lokovonga na malala iea, bara i lili tala e huriki a tara dagi i polorua, a nigao ne ria i rangi a nigao ne mua. Re huriki a Hiti, a Girgas, a Amor, a Kenan, a Peres, a Hivi, a Iebus.

Vinara 7:16

Mu vakalobo liu e huriki e BAKOVI DAGI a Vure ne hita i ru na limane mua, naha ni dodo ria. Naha ni kavurike a vure ne ria. Mua bara mu kavurike a vure ne ria, bara mu vurua.

Vinara 7:2

Na tahuna e BAKOVI DAGI a Vure ne hita ge tuhori mua, mu ratapile ria, mu rabalaki lobo ria. Naha ni rata a ngava dagi turane ria, naha ni dodo ria.

Iosua 10:40

E Iosua i bole a maka tanga na tabeke lobo, na tabeke mule puru ne Negev, na maka kupona na nirolona haro, na bilane Iordan. I uka ma i matataroa tara viri ge mahuri, i rabalaki lobo ria, turana e huriki a hariki ne ria. I rata manga a hini e BAKOVI DAGI a Vure ne Israel i takia vona.

Iosua 9:7

Pali e huriki a Israel ri taki e huriki a Hivi ri ta maea, “I navai mi gi rata a ngava dagi turane mua? Mi luhoi i uka ma mua a viri basi.”