A Nimariu 23:24 - A Nitana Vure

²⁴ Naha ni lolu puru ni kavurike a maka vure ne ria. Naha ni ramai a naro na nivasileki ne ria. Mu ratapile, mu ubikeve a maka vure ne ria ni rata na kedo.

A Nimariu 23:24 Iomraidhean Croise

A Nimariu 20:3

“Mu ramai iau kunana, naha ni ramai a maka vure ranga.

A Nimariu 20:5

Naha ni turume ni kavurike ria, a vuhuna iau e BAKOVI DAGI, iau a Vure ne mua, i uka ma ga matataroa tara vure ge kuloi iau. E huriki ri marikoi iau, bara ratapile e huriki a hamone ria ge harena ne tubune ria o ne tamarane ria.

A Nimariu 23:13

“Mu longo kamumu mu ramai a maka ngava a habi ne mua. Naha ni vasileki na maka vure ranga, naha ni gale a rane ria.

A Nimariu 23:32

Naha ni valongo mai a ngava turane ria, naha ni ramai a vure ne ria.

A Nimariu 23:33

Naha ni longo ne ria ri gi made na robo ne mua, ma ri gi piu rike mua, mu gu rata a naro hale nau. Mua bara mu kavurike a maka vure ne ria, bara mu matasia, mu bala maki!”

A Nimariu 32:20

Lakea e Moses i bolea ra bulmakau i ratea e huriki, i rungania na kanono, i ubimomoa i havula kesi. Muri i bole a habulona, i voro puru na naru, i vakuku e huriki a Israel ri nua a naru.

E Levi 18:3

Hosi mu made na robo e Egipto, pali naha ni ramai a maka narone ria. Ngane ga taparaki mua lakea na malala e Kenan, pali naha ni ramai a narone ria, a vinara ne ria.

E Levi 26:1

E BAKOVI DAGI i taki tabua e Moses, ge taki e huriki a Israel, ge ta maea, “Naha ni kau na kai na kedo a hanuna vure ranga, o mu gu bole a kedo dagi mu gu vakapesi, ge a vure ne mua mu gu turume na ngalana, a vuhuna iau e BAKOVI DAGI a Vure ne mua.

Ni Gi 25:2

Re huriki a ngatavine nga ri gale e huriki a bakovi o Israel ri gi rata a nihabi i lakea na maka vure ne ria, ri lokovonga ne huriki a Moab ri kani turane ria, ri turume na ngalana vure ne ria.

Ni Gi 33:52

mu lili tala e huriki a tahotanga. Mu ratapile a maka hanuna vure ne ria, a murina ni vasileki ne ria.

Vinara 12:3

Mu puka a maka dede ne ria, mu ubimomo a maka butu-kedo na lotu. Mu rungania a hanuna vure ngatavine e Asera ra ni kau na kai, mu bole a maka kira mu tolo a maka hanuna vure ne ria ni kau na kai. Muri i uka ma ni gi luhoi tabu a rane ria na maka tanga nga.

Vinara 7:5

Na tahuna mu bolea a malala ne ria, mu ratapile a maki na lotu ne ria. Mu puka a maka dede, mu ubikeve a maka butu-kedo, mu ubiputu a hanune Asera, a vure ngatavine, mu rungani a maka hanuna vure ne ria.