A Nimariu 23:22 - A Nitana Vure

²² “Mua bara mu longototo a ngavana, iau bara a taga ne mua ga ratapile e huriki a pile ne mua.

A Nimariu 23:22 Iomraidhean Croise

A Vuhuna 12:3

E huriki ri gamai ioe, iau tara ga gamai ria. Pali e rei a viri i ruduraha ioe, bara ruduraha ia. Ne vomu kunana, ga gamai lobo e huriki a bakovi na malala.”

A Nimariu 15:16

Nimariu Ri masia a nitora dagi vomu, ri mangenge, ri keri ni ratea tara maki. Ri pesi tavula kunana manga a kedo, i harena ne huriki a viri vomu ri vano. BAKOVI DAGI, ioe kunana o bole tala mia o Egipto, ngane mi laho malimali.

Ni Gi 24:8

A Vure i bole tala ria o Egipto, a vuhuna a Vure i made turane ria, ri gao hateka, manga a bulmakau i tegi. Ri vakalobo liu e huriki a pile ne ria. Ri raputu a tuhane huriki a pile, ri padimate ria na maheto.

Ni Gi 24:9

E Israel i manga a laion, i mahita. E rei ge vangoa? Ni gi gamai e huriki ri gamai ioe. Ni gi ruduraha e huriki ri ruduraha ioe!”

Vinara 28:1

E Moses i ta tabu i ta maea, “Na tahuna mu ramai a nitane BAKOVI DAGI a Vure ne mua, mu ramai kamumu a maka vinara vona a habi ne mua ngane, bara i vakadagi a rane mua, mu rangi a kabu lobo na malala.

Vinara 30:7

A maka maki hale a taki mua vona, e BAKOVI DAGI bara i rata i bele ne huriki a pile i uka ma ri ngaru mua, ri rata hale mua.

2 Tesalonika 1:6

A Vure i pelekado kamumu e huriki. Muri ma, a Bakovi Dagi ne hita e Isu, turane huriki a agelo hateka na Vure ri gi pe a hunu, ri gi luve kavakava turana hubena kanono. Na tahuna iea, bara i koli a narone huriki ri habi a maregoa ne mua, bara i habi a maregoa ne ria. Bara i vakalobo a maka maregoa mu tahoka, ge habi a nimalo ne mua. Mateu ranga bara i habi a nimalo ne mateu.

Iosua 9:7

Pali e huriki a Israel ri taki e huriki a Hivi ri ta maea, “I navai mi gi rata a ngava dagi turane mua? Mi luhoi i uka ma mua a viri basi.”