A Nimariu 23:20 - A Nitana Vure

²⁰ “Mu longo kamumu, ga rudua a agelo nau ge muga mua, ge matakari mua na dala. Ge vano ge taparaki mua na robo a kisi purua ne mua.

A Nimariu 23:20 Iomraidhean Croise

A Vuhuna 15:18

Na parava iea, e BAKOVI DAGI i ratea a ngava dagi turane Abram, i ta maea, “Iau a habia ne huriki a hamomu a malala iea, i vakatubu na naru e Vadi o Egipto i harena na naru dagi e Iupretis,

A Vuhuna 24:40

“Lakea i ta maea, ‘Iau a laho turane BAKOVI DAGI. Ia bara i rudua a agelo vona ge laho turamu, ge ratea a nihavai vomu ge mulangi, bara o bolea e girihine tugu na kabu ne tata.

A Vuhuna 24:7

E BAKOVI DAGI, a Vure na hunu, ra i bole tala iau na tabeke ne tata, i rata a ngava dagi i ta maea, ‘Ga habia ne huriki a hamomu a robo iea.’ Bara i rudu mugea a agelo vona, ge habikaria vonga e girihine tugu.

A Vuhuna 48:16

I bele manga a agelo i kori iau na maki hale, ge gamai a koma nga. Ge rata a hamone rua ge bele kupo. Muri bara ri luhoi a ragu, a rane tata e Isak, e sisi e Abraham.”

A Nimariu 14:19

Muri a agelo na Vure ra i muga a tara na vabinga ne Israel, i pe a hini muga i lukumuri na bitone ria. A bubu tara i pe a hini muga i pesi muri.

A Nimariu 15:16

Nimariu Ri masia a nitora dagi vomu, ri mangenge, ri keri ni ratea tara maki. Ri pesi tavula kunana manga a kedo, i harena ne huriki a viri vomu ri vano. BAKOVI DAGI, ioe kunana o bole tala mia o Egipto, ngane mi laho malimali.

A Nimariu 15:17

Nimariu O taparaki valai mia koea, mi gi made kamumu na lolo vomu, na tabeke o hae a roho vomu vona.

A Nimariu 23:23

“A agelo nau bara i muga mua, mu bele na malala ne huriki a Amor, a Hiti, a Peres, a Kenan, a Hivi, a Iebus. Muri bara vakalobo liu ria.

A Nimariu 32:34

O vano ngane, o tuli e huriki ri gi lakea vona a tanga, a taki ioe vona ri gi lakea vona. O longo kamumu. A agelo nau ge muga, ge vakasiri a dala ne mua. Pali na tahuna ga hamule valai, ga ratapile e huriki ri rata a naro hale.”

A Nimariu 33:14

E Bakovi Dagi i koli, i ta maea, “Iau ga vano turamu, ga habi a nivalemu vomu o malo.”

A Nimariu 33:2

Ga rudua a agelo nau, ge muga mua, ge vakasiri a dala ne mua. Iau bara lili tala e huriki a Kenan, a Amor, a Hiti, a Peres, a Hivi, a Iebus ra ri made vona a malala iea.

Ni Gi 20:16

Lakea mi galea e BAKOVI DAGI ge tuhori mia. I longototo mia i rudua tara agelo vona i valai. I tuli tala mia o Egipto, i taparaki valai mia koea. “Ngane mi made o Kades, ra tanga i pesi na harena robo vomu.

Ni Gi 22:22

I tura a bakovi ala rua, ru laho turana. Pali a Vure i tahate hateka ne Balam na tahuna i vano turane ria. Lakea i rudua a agelo ne BAKOVI DAGI ge pesi karia a dala ge hehea.

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Ioanes 14:3

Iau ga muga, ga pelekado puru a murine mua. Muri bara hamule valai tabu, a tuli mua, si gi made palupu.

Vinara 33:2

i taki ria i ta maea, “E BAKOVI DAGI i made na lolo e Sinai, i valai i bele manga a haro na robo e Idom. A parana na lolo e Paran i parai e huriki a tara vona. A agelo i ravulu e rangale (1,000) ri made turana. A kanono dagi i hube na limana a kanena.

Iosua 23:5

E BAKOVI DAGI a Vure ne hita ge lili tala e huriki a pile, ge rata ria ri gi ha ne mua, bara mu bole a malala ne ria i manga a ngava i ta muholi vona.

Iosua 5:13

Na parava tara e Iosua i made tabukoi o Ieriko i masia tara bakovi i pepesi, i nugua a bainat. E Iosua i lokovonga vona i nanea, “Ioe a nugumaheto ne mia o ioe a pile?”

Iosua 5:14

A bakovi iea i koli i ta maea, “I uka. Iau a ubu na tara ne BAKOVI DAGI. Ngane a valai.” Lakea e Iosua i lolu puru i padoi a malala a gina, i kavurikea a bakovi iea i ta maea, “Iau a vora vomu. A ra o ngarua ga ratea?”

Iosua 6:2

Pali e BAKOVI DAGI i takia e Iosua i ta maea, “O longo kamumu! Ga habia vomu e Ieriko turana a hariki vona, e huriki a nugumaheto vona.