A Nimariu 23:2 - A Nitana Vure

² Naha ni ramai e huriki ri rata a naro hale. Naha ni tuhori e huriki ri gi tami a mari ni pelekado a maregoa.

A Nimariu 23:2 Iomraidhean Croise

A Vuhuna 19:4

Muga ne rua ru gu mahita, e huriki a bakovi lobo, a riau a gare, na tabeke lobo na tanga dagi e Sodoma, ri pesi haluia a ruma.

A Vuhuna 6:12

A Vure i masia a malala i vonu na maka naro hale, a vuhuna a maka narone ria i hale hateka.

A Vuhuna 7:1

E BAKOVI DAGI i takia e Noa, “O dili na agarungu turane huriki a kabu vomu, a vuhuna ioe kikeri a bakovi kamumu ne huriki a bakovi lobo.

E Levi 19:15

“Na tahuna mu varamai na ngava, mu rata a naro kamumu na nipelekado a ngava. Naha ni tuhori a matasia, o go mangenge na bakovi na mahala. A ngava mu rata ge malamala kunana.

Markus 15:15

E Pilato i ngaru ni ramai a ningaru ne huriki, lakea i bole talea na bavi e Barabas. Pali e Isu ni lagu, muri ni habi lakea ne huriki a nugumaheto, ri gi paditatea na kai tavalavala.

Lukas 23:51

I pasimata ni matai a harikianga na Vure. I uka ma i ngaru a vilo ne huriki i leho turane ria, ri rabalakia e Isu.

Apostolo 24:27

I lobo a pida i rua, e Porsius Pestus i kuloi e Peliks, i matakari. E Peliks i ngaru e huriki a Iuda ri gi luhoi ia ge ia a bakovi kamumu, lakea i uka ma i vakapagetalea na bavi e Paulus.

Apostolo 25:9

Pali e Pestus i ngaru ge rata kamumu e huriki a Iuda, lakea i nanea e Paulus, “Ioe o ngaru ni lakea o Ierusalem, ga longoa vonga a maka ngava ni padi virihi ioe vona?”

A Raukea e Paulus i Here Lakea ne Huriki a Rom 1:32

Ri lohoka vona a Vure i ta muholi vona ge rabalaki e huriki a bakovi maea. Pali ri tabana ni rata vakaroro a maka naro hale nga. Pali ri kavurike tabu e huriki ranga ri rata vakaroro a naro hale nga.

Vinara 1:17

Mu pelekado e huriki lobo na naro ge taku. Naha ni togo a bakovi dagi o a matasia. Naha ni mangenge vona tara viri, a vuhuna a Vure kunana bara i vakapalalea a niluhoi ne mua na tahuna mu vapelekado. A maka maregoa dagi hateka, i uka ma mu kara ni vakamahoto, mu bole valai nau ga pelekado.’

Vinara 16:19

Nahea ri gi tami e huriki, nahea ri gi tuhori ranga e huriki, nahea ri gi pahadanu ranga e huriki. Nahea tara viri ge habi tavula a moni ne ria, a vuhuna a maki ni habi tavula ne vona ni vakaviliha a niluhoi ne huriki a bakovi malamala, ne huriki ri tahoka a niluhoi kamumu, i uka ma ri gi pelekado kamumu a ngava.

Vinara 24:17

“Naha ni rata hale ni radi a maki ne huriki a mosi, a tuna duku, a havuri. Na tahuna a havuri i makoli vona tara maki, naha ni bolea a nirodo vona ge a mapana.

Iosua 24:15

Mua, i uka ma mu ngaru ni ramai e BAKOVI DAGI, mu luhoi kamumu. E rei ngane mu gu ramaia? Mu gu kavurike a maka vure ranga ne huriki a gare ne mua o Mesapotamia? O mu gu kavurike a maka vure ranga ne huriki a Amor, ra mu made na malala ne ria ngane? Pali iau, turana a kabu nau, mete ge ramaia mete ge kavurike kunanea e BAKOVI DAGI.”