A Nimariu 23:1 - A Nitana Vure

¹ “Na tahuna mu longoa tara ngava taminga, naha ni vakalongo lae. Naha ni tuhoria a bakovi, ge tami a mari ni pelekado a maregoa na tahuna i pelekadoa a ngava vona.

A Nimariu 23:1 Iomraidhean Croise

A Vuhuna 39:17

Lakea i tuverei maea ne girihina, “Ra vorakato na Hibru o bole vilia na ruma tarua, i valai ta ge rata a naro hale nau.

A Nimariu 20:16

“Naha ni tami a turamu na ngava.

A Nimariu 23:7

Naha ni rata a ngava taminga ni kau virihia na ngava hale a bakovi i malamala, ma ni gi rabalaki tavula. Ra bakovi i kau virihi tavula a viri na ngava, a uka ma ga pugea a naro hale vona.

E Levi 19:11

“Naha ni panaho a maki, naha ni tami a viri ni rata marogo a maki vona. Naha ni ta marapusi.

E Levi 19:16

“Naha ni laho viliha ni padimomo a turamu. A bakovi tara ni vakapesi na ngava ni gi pelekado, pali ra ngava ni padi virihi ia vona i uka ma i muholi, mu ta tala mu tuhoria. Bara mu ngavarubu, bara ni rabalaki tavula a bakovi iea. Iau e BAKOVI DAGI, a takia a ngava iea.

Mateo 19:18

Muri a bakovi i nana maea, “E rei a vinara ga ramaia?” E Isu i koli, i ta maea, “Naha ni raba­laki a viri. Naha ni mole. Naha ni panaho. Naha ni tatami.

Lukas 19:8

Na tahuna ri made na ruma, e Sakeus i pesi rike, i takia e Bakovi Dagi, i ta maea, “Ga veru na naguna ge rua a maki lobo nau. A tabekena tara ga habi ne huriki a matasia. E huriki a tami ria hosi, a panaho a maki ne ria, ga koli balaka va tabu.”

Lukas 3:14

Muri e huriki a nugumaheto ri nanea, “Pali mia? Mi gi pulo navai a vilone mia?” Lakea i taki ria i ta maea, “Naha ni vakamangenge e huriki ri gi habi a moni ne mua. Naha ni padi virihi tavula e huriki na ngava, ri gi kona mua. Mu maru vona a moni ni kona mua vona.”

Ioanes 7:51

“A vinara ne hita i taki bara si longoa a bakovi ge ta taro, si gi matakilaka vona a narona, muri ni gi pelekado.”

A Raukea e Paulus i Here Lakea ne Huriki a Rom 3:8

O Paulus, a ngavamu ge muholi, i kamumu si gi rata a naro hale, lakea e huriki bara ri kavurikea a Vure!” E huriki ranga ri ratea a ngava hale iea, ri padi virihi tavula iau, ta a ratea a ngava iea. I kamumu a Vure ge habi a nimadihi ne ria vona a naro hale iea ri ratea.

Epesus 4:25

Mu ha taro pali a taminga. I mavonga, mua takutaku mu ta muholi ne huriki a turane mua, a vuhuna si manga a kakaina viri ala taku kunana.

Vinara 5:20

“‘Naha ni kau virihi tavula na ngava a viri.

2 Timoti 3:3

I uka ma ri gi ngaru e huriki. I uka ma ri gi lohopile a naro hale ne turane ria. Bara ri vapadikidu. I uka ma ri gi pahadanu a ningaru hale na kakaine ria. Bara ri ratapile vakaroro e huriki. Bara ri marikoi na naro kamumu.

1 Petrus 3:16

Na tahuna mu tuveve ne ria, mu togo ria, mu ta madoru. Mu laho malamala, i uka ma mu gu hataki manga mu tahoka a naro hale, lakea na tahuna e huriki ri padi momo tavula mua, bara ri maruhu, a vuhuna ri matai mua, mu rata a naro kamumu, a vuhuna mu rihi e Kristo.

Kapiloho 12:10

Muri a longoa a lohona viri i gale dagi na hunu, i ta maea, “Ngane a Vure i korimule hita pali. A nitora, a harikianga na Vure ne hita i bele pali. A nitora na Kristo vona i bele pali, a vuhuna ra viri i padi virihi bala e huriki e turane hita, ni voro puru pali. Ra viri mona kuduvi i pesi na matana Vure, i padi virihi ria.