A Nimariu 22:21 - A Nitana Vure

²¹ “Naha ni rata hale mu gu vakamarego e huriki a mosi, a vuhuna hosi mu made manga a mosi na robo e Egipto.

A Nimariu 22:21 Iomraidhean Croise

A Nimariu 20:2

“Iau kunana e BAKOVI DAGI a Vure ne mua, a bole tala mua o Egipto, ra tanga ni vakavora mua vona.

A Nimariu 23:9

“Naha ni rata hale e huriki a mosi ri made na tanga ne mua, a vuhuna hosi mua ranga mu made manga a mosi o Egipto.

E Levi 19:13

“Naha ni rata hale a viri mu gu panaho a maki vona. Na tahuna mu taki a viri ge rata a leho ne mua, mu kona liu ia na parava iea. Naha ni nugu mule a mapana, mu gu habi kuduvi.

E Levi 19:33

“Naha ni rata hale e huriki a mosi ri made na malala ne mua.

E Levi 19:34

Mu rata kamumu ria, i manga a hini mu rata kamumu a bakovi o Israel. Mu ngaru ria i manga a hini mu ngaru mule mua, a vuhuna hosi mu made manga a mosi o Egipto. Iau e BAKOVI DAGI, a Vure ne mua, a takia a ngava iea.

E Levi 25:35

“Na tahuna a Israel tara i made tabukoi vomu i bala maki, o tuhoria ge manga a naro mu rata virihi e huriki a mosi vona. Mu rata mavonga a hulu matasia bara i vivi ni made turane mua.

Vinara 1:16

“Na tahuna iea a tovo maea e huriki a matakari, ‘Mu talangaki kamumu a maka maregoa i bele ne huriki a bakovi a ngatavine. Mu pelekado kamumu a maka maregoa ne mua, o a maregoa na turane mua na mosi.

Vinara 10:18

I rata a naro malamala ne huriki a bakovi a ngatavine, e girihine ria ri mate pali, ne huriki a duku. I ngaru e huriki a mosi ri made turane hita i habi a maki ni kani, a varakia ne ria.

Vinara 10:19

Mua ranga mu ngaru e huriki a mosi nga, a vuhuna mua ranga hosi mu made o Egipto manga a mosi.

Vinara 15:15

O luhoi mulea a tahuna mu made manga a vorakato o Egipto, lakea e BAKOVI DAGI, a Vure ne mua, i bole mule mua vonga. Na naro iea kunana, ngane a habia ne mua a vinara iea.

Vinara 23:16

Ia ge ngaru ni made vona tara tanga ne mua, i kamumu ge lokovonga ge vulakia tara tanga mua ge made vona, naha ni rata halea.

Vinara 23:7

“I tahoka ranga Idom a Egipto bara ri made turane mua. Naha ni luhoi hale ne ria e huriki a Idom, a vuhuna ria a viri ne mua. E huriki a Egipto nga ranga, naha ni luhoi hale ne ria, a vuhuna hosi mu made manga mosi na robo ne ria.

Vinara 24:17

“Naha ni rata hale ni radi a maki ne huriki a mosi, a tuna duku, a havuri. Na tahuna a havuri i makoli vona tara maki, naha ni bolea a nirodo vona ge a mapana.

Vinara 27:19

“‘A Bakovi i rata hale e huriki a mosi, e huriki a tuna duku, e huriki a havuri, a Vure bara i habi a vuranga vona.’ Muri e huriki lobo ri gi koli ri gi ta maea, ‘A ngava i muholi hateka.’