A Nimariu 21:26 - A Nitana Vure

²⁶ “Na tahuna a bakovi i ubia a matana vorakato i ratapilea, ge takia a vorakato ge vano, ge kolia a matana ni ubi.

A Nimariu 21:26 Iomraidhean Croise

A Nimariu 21:20

“A bakovi i ubi a vorakato bakovi o a vorakato ngatavine na lebo i mate liu na parava iea, a bakovi i ubia ni gi vakamadihi.

A Nimariu 21:24

Na tahuna a matana viri, a ngina viri, a limana viri, a vahana viri ni ratapile, mu koli mu rata mavongea na bakovi i vakatubua a rongova.

A Nimariu 21:25

Na tahuna a bakovi i gutua a kuline girihina na kanono, i padia na vito i bele a ngarava, i lagua na lebo, ni gi koli ni gi rata mavonga a bakovi iea.

A Nimariu 21:27

Na tahuna i ubia a vorakato vona i masigo a ngina, a vorakato iea nahea ge leho tabu vona, a mapana ra ngina i masigo.

Epesus 6:9

Mua e huriki a matakari na vora, mua ranga mu rata kamumu e huriki a vora ne mua. Naha ni ta vakamangenge ne ria, a vuhuna mu lohoka vona ra Viri i made na hunu ia a matakari ne ria, a matakari ne mua. I matakari e huriki lobo na naro i taku kunana.

Vinara 16:19

Nahea ri gi tami e huriki, nahea ri gi tuhori ranga e huriki, nahea ri gi pahadanu ranga e huriki. Nahea tara viri ge habi tavula a moni ne ria, a vuhuna a maki ni habi tavula ne vona ni vakaviliha a niluhoi ne huriki a bakovi malamala, ne huriki ri tahoka a niluhoi kamumu, i uka ma ri gi pelekado kamumu a ngava.

Kolosi 4:1

Mua e huriki a tahona vora, mua ranga, mu rata a naro kamumu ne huriki a vora, a vuhuna mu lohoka vona, mua ranga mu tahoka a Tahone mua i made na hunu.