A Nimariu 20:4 - A Nitana Vure

⁴ “Naha ni kau na kai o na kedo a hanuna vure o a hanuna maki i tabuli polomeli na hunu, i tabuli polotano na malala, i tabuli polotano na dari.

A Nimariu 20:4 Iomraidhean Croise

A Nimariu 20:23

Naha ni rata a maka vure na gol a silva mu gu kavurike ria. Mu kavurike iau kunana.

A Nimariu 32:1

E Moses i made tabaka hateka na lolo, i uka ma i malaviriri ni puru valai. Lakea e huriki ri pesi halui e Aron ri takia, “I uka ma si lohoka vona a ra maki i bele ne Moses meli na lolo. I tuli tala hita o Egipto, i taparaki valai hita koea. Pali ngane si gi rata ranga vure, ri gi muga ri gi vakasiri a dala ne hita.”

A Nimariu 32:23

Ri taki iau, ri ta maea, ‘I uka ma mi lohoka vona a ra maki i bele vona e Moses, ra bakovi i bole tala hita o Egipto. O rata puru ne mia ranga vure ge muga, ge vakasiri a dala ne mia.’

A Nimariu 32:4

E Aron i bole a maka gol, i gutu na kanono ri naru. I guru dili na lovo ni keli i manga a bulmakau, i ratea a hanuna bulmakau. Muri e huriki a Israel ri ta maea, “Ra maki iea, a vure ne hita. I tuli tala hita o Egipto, i taparaki valai hita koea.”

A Nimariu 32:8

Ri longokaburungia a dala a takia ne ria ri gi ramaia. Ri ratea na gol a tuna bulmakau, ri kavurikea, ri habi a nihabi vona. Lakea ri ta maea, ‘Ra maki iea a vure ne hita, i tuli tala hita o Egipto, i taparaki valai hita koea.’”

A Nimariu 34:17

“Naha ni rata a maka vure na aen mu gu kavurike ria.

E Levi 19:4

Naha ni ha taro iau mu gu kavurike a vure ranga. Naha ni kau na kai, na aen a vure, mu gu kavurike. Iau e BAKOVI DAGI a Vure ne mua, a takia a ngava iea.

E Levi 26:1

E BAKOVI DAGI i taki tabua e Moses, ge taki e huriki a Israel, ge ta maea, “Naha ni kau na kai na kedo a hanuna vure ranga, o mu gu bole a kedo dagi mu gu vakapesi, ge a vure ne mua mu gu turume na ngalana, a vuhuna iau e BAKOVI DAGI a Vure ne mua.

Ni Gi 12:8

I mavonga, a ta turana i manga a bakovi i ta turana e turana. A ta kavakava vona, i uka ma ta vakakika. Ia tara i matai iau. Pali i navai i uka ma muru mangenge ni harogi e Moses, a vora nau?”

Apostolo 17:29

Hita e huriki a tuna Vure, i mavonga nahea si gi luhoia a Vure ge manga a vure ni rata na gol, a silva, a kedo. A Vure, i uka ma ia a maki a bakovi tara i luhoia, muri i ratea.

A Raukea e Paulus i Here Lakea ne Huriki a Rom 1:23

Ri koi ni kavurikea a Vure, ra i made vakaroro. Ri rata a hanune huriki a bakovi, ra bara ri mate, a hanuna kadirovo, a maka maki mahuri na robo, a maka maki manga a mata, a tabelebako, ri kavurike ria.

Vinara 16:22

Naha ni vonu a butu-kedo ne vona mu gu vasileki vona. Ra naro maea i hale hateka na matane BAKOVI DAGI a Vure ne mua.”

Vinara 27:15

‘A viri ge kau a vure taminga na kai o na kedo o na aen i kavurike kapilohoa, a Vure bara i habi a vuranga vona a bakovi iea. Ra maka maki nga ri kau, a Vure i marikoi hateka ri gi kavurike.’ E huriki lobo ri gi koli ri gi ta maea, ‘A ngava i muholi hateka.’

Vinara 5:8

“‘Naha ni rata a hanuna maki ri tabuli na hunu, ri tabuli na malala, ri tabuli pololilo na dari.

Kapiloho 16:2

Lakea a mugana agelo i vano, i guru puru na malala a tavila vona. I rata mavonga, e huriki ri tahoka a kilakila ne Livoa, ri kavurike a hanuna, i tuvu ne ria a ngarava dagi i rongo hateka.

Kapiloho 9:20

E huriki a bakovi a ngatavine, ra i uka ma ri mate na maki hale i tolu nga, i uka ma ri pulo a vilone ria, i uka ma ri lobo ni vasileki na hanitu, a nitamina vure ni rata na gol, a silva, a brans, a kedo, a kai. A maka nitamina vure nga ri keri ni matai, ri keri ni longo, ri keri ni laho.