A Nimariu 20:20 - A Nitana Vure

²⁰ Lakea e Moses i taki ria, “Naha ni mangenge, a Vure i valai ge toni mua kunana, mu gu mangenge vona, nahea mu gu rata a naro hale.”

A Nimariu 20:20 Iomraidhean Croise

A Vuhuna 20:11

Lakea e Abraham i koli mule, i ta maea, “A luhoi ta e huriki na tanga koea i uka ma ri mangenge na Vure, ma ri gi rabalaki iau, ri gi bolea e girihigu.

A Vuhuna 22:1

Muri na parava ranga i polo, a Vure i ngaru ni tonia e Abraham. Lakea i galea, “Abraham!” E Abraham i longo, i ta maea, “Iau ieni.”

A Vuhuna 22:12

Lakea a agelo i takia, i ta maea, “Naha ni padoia a koma, naha ni ratea vona tara maki. Ngane a lohoka vomu o mangenge a Vure, a vuhuna i uka ma o vakatokua vona e tumu, re tumu i ala taku kunana.”

A Nimariu 14:13

Lakea e Moses i taki ria, “Naha ni mangenge. Mu hatenono, bara mu matai a maki e BAKOVI DAGI ge rata ge korimule mua. E huriki a Egipto mu matai mona, muri i uka ma mu gu matai tabu ria.

Vinara 10:12

E Moses i vara tabu i ta maea, “Mua o huriki a Israel mu longo, a ra maki e BAKOVI DAGI, a Vure ne hita, i taki mua mu gu rata? Mu togoa e BAKOVI DAGI a Vure ne mua, mu laho na dalana, mu ngarua, mu ramai lobo a nitana na hatene mua, na niluhoi ne mua.

Vinara 13:3

naha ni longo maia. E BAKOVI DAGI a Vure ne mua i toni ioe kunana, ge matai ioe o ngaru hatekea na hatemu lobo, na niluhoi vomu lobo, o i uka.

Vinara 4:10

na parava mu pesi tabukoi ne BAKOVI DAGI a Vure ne hita na lolo e Sinai. Na tahuna iea a Vure i taki iau i ta maea, ‘Moses, o gale palupu e huriki ri gi vapopo, ri gi longo a maka ngava ga taki. A ngaru ria ri gi togo ri gi ramai iau kunana na tahuna ri made na malala. Ri gi tovo e huriki e tune ria, lakea e huriki e tune ria ri gi ramai iau.’

Vinara 6:2

Na tahuna vakaroro mu made na malala iea, mua turane huriki a hamone mua, mu togoa e BAKOVI DAGI a Vure ne hita. Mu ramai lobo a vinara vona i habi mua ngane, bara mu mahuri malaku.

Vinara 6:24

Muri e BAKOVI DAGI a Vure ne hita, i taki hita si gi ramai lobo a vinara nga, si gi togoa. Hita bara si rata mavonga, bara i matakari kamumu hita vakaroro, bara si mahuri, i manga ngane.

Vinara 8:16

Na malala golea i habi a mana ne mua mu kani. Ra maki ni kani iea e huriki a gare ne mua hosi i uka ma ri kania. I rudu tabu ranga maregoa ge toni mua. Muri bara i rata a maki kamumu ri bele ne mua.

Vinara 8:2

Mu luhoi kamumua e BAKOVI DAGI a Vure ne hita, i muga mua, i tuhori mua vona a nilaho dagi mu ratea. Mu laho viliha na malala golea na pida i ravulu va. Lakea i rudu valai ranga maregoa ge toni mua, ge lohoka vona, mu gu ramai lobo a vinara vona o ge uka.

Iosua 24:14

E Iosua i vakalongo lobo a nitane BAKOVI DAGI, i ta tabu i ta maea, “Ngane mu longo. Mu togoa e BAKOVI DAGI, mu ramaia mu rata vakaroro a leho vona na hatene mua. Mu lohopile vona a maka vure ranga e huriki a gare ne mua ri kavurike ria na tabeke ne Mesapotamia ne Egipto. Mu ramai kunanea e BAKOVI DAGI.