A Nimariu 20:2 - A Nitana Vure

² “Iau kunana e BAKOVI DAGI a Vure ne mua, a bole tala mua o Egipto, ra tanga ni vakavora mua vona.

A Nimariu 20:2 Iomraidhean Croise

A Nimariu 13:14

“Muri ma, e huriki e tune mua bara ri nana, ‘I navai a vuhuna a naro iea?’ Mu koli mu ta maea, ‘E huriki a Egipto ri vakavora hateka mia na robo ne ria, pali e BAKOVI DAGI, na nitora dagi vona, i tuli tala mia mi valai.

A Nimariu 13:3

Muri e Moses i taki e huriki, “Na pida lobo mu luhoi mule vakaroroa a parava iea, naha ni kani a bret i vona is. Ra parava iea e BAKOVI DAGI i tuli tala mua o Egipto, a tanga na nivakavora. Na nitora vona kunana i vakamariu tala mua.

A Nimariu 15:13

“O dodo mia, o kori mia o vakasiri mia na dala. Na nitora vomu o rupolo mia na tanga kamumu vomu.

A Nimariu 15:16

Nimariu Ri masia a nitora dagi vomu, ri mangenge, ri keri ni ratea tara maki. Ri pesi tavula kunana manga a kedo, i harena ne huriki a viri vomu ri vano. BAKOVI DAGI, ioe kunana o bole tala mia o Egipto, ngane mi laho malimali.

A Nimariu 15:26

I taki ria, “Mu longo kamumu a nitagu. Iau e BAKOVI DAGI a Vure ne mua. A vakamahuri mua na gilanga. Mu longototo iau, mu rata a naro ge kamumu, mu ramai a maka vinara, a nitovo nau, i uka ma ga ratapile mua na maka gilanga, i manga a hini a rata ne huriki a Egipto.”

A Nimariu 20:1

A Vure i taki e huriki a Israel i ta maea,

A Nimariu 29:46

Ri gi lohoka kamumu nau, iau kunana a tuli tala ria o Egipto, a taparaki valai ria koea ga made turane ria. Iau kunana e BAKOVI DAGI a Vure ne ria.

A Nimariu 6:6

“Ngane o vakalongo e huriki a Israel vona a nitagu, ‘Iau kunana e BAKOVI DAGI. Ga korimule mua na limane huriki a Egipto na maka maregoa ri rata virihi mua vona. Na nitora dagi nau ga pelekado ria ga ratapile ria, ga korimule mua.

E Levi 11:45

Iau e BAKOVI DAGI, a bole tala mua o Egipto a taparaki valai mua koea, ge iau a Vure ne mua. Mu ramai a naro ge kiripiripi, a vuhuna iau a kiripiripi.

E Levi 19:36

Mu rovai kamumu, mu guru kamumu, mu gi kamumu a maka maki. Iau e BAKOVI DAGI a Vure ne mua, a tuli tala mua na robo o Egipto, a takia a ngava iea.

E Levi 23:43

lakea e huriki a hamone mua bara ri lohoka vona a tahuna a tuli tala mua o Egipto mu valai koea, mu made na maka kape kiroko maea. Iau e BAKOVI DAGI, a Vure ne mua, a takia a ngava iea.”

E Levi 25:38

Iau e BAKOVI DAGI a Vure ne mua. A tuli tala mua o Egipto, a taparaki valai mua koea, a habia ne mua a robo e Kenan, ge iau a Vure ne mua.

E Levi 25:42

Hosi e huriki a Israel ri made manga a vorakato o Egipto. Muri a tuli tala ria vonga, ge ria a vora nau. Ngane naha ni kona mule a viri ne ria ge a vorakato ne ria.

E Levi 25:55

Naha ni mata taroa tara Israel ge ia a vorakato vakaroro, a vuhuna iau a tuli tala mua o Egipto, a taparaki valai mua koea, ge mua a vora nau. Iau e BAKOVI DAGI a Vure ne mua, a takia a ngava iea.’”

E Levi 26:1

E BAKOVI DAGI i taki tabua e Moses, ge taki e huriki a Israel, ge ta maea, “Naha ni kau na kai na kedo a hanuna vure ranga, o mu gu bole a kedo dagi mu gu vakapesi, ge a vure ne mua mu gu turume na ngalana, a vuhuna iau e BAKOVI DAGI a Vure ne mua.

E Levi 26:13

Iau e BAKOVI DAGI a Vure ne mua. Hosi mua a vorakato o Egipto ni vakavora hateka, muri a tuli tala mua vonga, a taparaki valai mua koea, lakea i uka ma ge mua a vorakato tabu ne ria. A ratapilea a nitora na bakovi i vakavora hateka mua, ngane mu laho na pesivahane mua.

A Raukea e Paulus i Here Lakea ne Huriki a Rom 10:12

E huriki a Iuda, e huriki i uka ma ria a Iuda, ri palupulupu kunana. E Bakovi Dagi, a Bakovi Dagi ne huriki lobo. I hate balala, i kori kamumu e huriki ri gale lakea vona.

A Raukea e Paulus i Here Lakea ne Huriki a Rom 3:29

A Vure i uka ma a Vure ne huriki a Iuda kunana. E huriki i uka ma ria a Iuda, ria ranga, ia a Vure ne ria,

Vinara 13:10

Mu voro a maka kedo, mu padia ge mate liu. A vuhuna i ngaru ni turari tala basi mua ne BAKOVI DAGI a Vure ne mua. Mu luhoi mulea a Vure i bole tala mua o Egipto, na tahuna mu leho manga a vorakato vonga.

Vinara 15:15

O luhoi mulea a tahuna mu made manga a vorakato o Egipto, lakea e BAKOVI DAGI, a Vure ne mua, i bole mule mua vonga. Na naro iea kunana, ngane a habia ne mua a vinara iea.

Vinara 20:1

E Moses i ta tabu i ta maea, “Na tahuna mu vano mu vaubi turane huriki a pile ne mua mu matai a maka karis a hos e huriki a tara na vabinga ri ala kupo hateka, naha ni mangenge ne ria. A vuhuna e BAKOVI DAGI a Vure ne mua i bole tala mua o Egipto, i taparaki valai mua koea, bara i matakari mua.

Vinara 5:15

Mu luhoi mule a tahuna mua a vorakato iea o Egipto, na nitora dagi nau, iau e BAKOVI DAGI a Vure ne mua a bole valai mua koea. Na naro a rata virihi mua vona kunana, a vakuku mua mu gu ramai kamumua a vinara na Parava Nimalo.

Vinara 5:6

‘Iau e BAKOVI DAGI a Vure ne mua. Na tahuna mua a vorakato o Egipto, a bole tala mua vonga, a taparaki valai mua koea.

Vinara 7:8

Pali e BAKOVI DAGI i ngaru hateka mua, i ngaru ni ramaia a nikaba i ratea ne huriki a gare ne hita. Na ngava iea kunana, i tuhori mua na nitora dagi vona, na tahuna mu leho manga a vorakato o Egipto, i bole mule mua na limane Parao, ra hariki o Egipto.