A Nimariu 20:17 - A Nitana Vure

¹⁷ “Naha ni ngutu na ruma na viri tara o ne girihina, ne huriki a vora vona, a bulmakau a donki vona, a mahala vona.”

A Nimariu 20:17 Iomraidhean Croise

A Vuhuna 14:23

i uka ma ga bole ranga maki vomu. A maki lili kiroko i manga a motana vahapolo ranga i uka ma ga bole, a vuhuna muri ma bara o ta maea, ‘Iau kunana a tuhoria e Abram i tahoka a mahala i kupo.’

A Vuhuna 3:6

Ngane a ngatavine i masia a kanena kai i kamumu na nikanina, i kamumu na matana, i ngaru ni tahoka a niluhoi dagi. I bolea, i kania. Muri i bole a kalavana i habia ne girihina, ia tara i kani.

A Vuhuna 34:23

A maka mahala, a sipsip, a bulmakau ranga, bara ne hita. Si gi longo mai ria, bara ri made turane hita.”

Mateo 20:15

Ra moni nga, a moni nau. I navai, go taki iau a ra ga ratea vona? I navai ke? I madihi a hatemu a vuhuna iau a hatebalala?’

Mateo 5:28

Pali iau a taki mua, e rei a viri i ngutu kunana na matana a ngatavine, i rata pali a vilo na molenga na hatena.

Lukas 12:15

Muri i taki e huriki, i ta maea, “Mu matadoko! Naha ni ngaru ioe go tahoka a mahala ge kupo. A bakovi bara i tahoka a mahala i kupo, ra mahala vona i uka ma ge habi a nimahuri vona.”

Lukas 16:14

E huriki a Pariseo ri longo a ngavane Isu, ri padikedea e Isu, a vuhuna ri ngaru hateka a moni.

Apostolo 20:33

Na tahuna iau a made turane mua, i uka ma a ngutu vona a silva ne mua, a gol, a varakia ne mua.

Apostolo 5:4

Muga a malala ne vomu. Muri na malala ni kona, a moni o bole, a moni vomu. Bara o rata a maki na ningaru vomu. Pali i navai o luhoi ni ratena a naro iea? I uka ma o tamia tara bakovi. A viri o tamia a Vure.”

A Raukea e Paulus i Here Lakea ne Huriki a Rom 13:9

Ranga Vinara na Vure, ri ta maea, “Naha ni mole. Naha ni rabalaki a viri. Naha ni panaho. Naha ni ngutu na maki ne turamu.” A vinara nga, turana maka vinara ranga, i manga a vinara i taku kunana, ra i maea, “O ngarua e turamu i manga o ngaru mule ioe.”

A Raukea e Paulus i Here Lakea ne Huriki a Rom 7:7

A ra si gi takia ngane? A Vinara na Vure i hale? I uka liu! Iau i uka ma ga lohoka na vinara, i uka ma ga lohoka vona a ra naro i kamumu, a ra naro i hale. A vinara tara i ta maea, “Naha ni ngutu na maki na viri tara.” Pali iau i uka ma ga lohoka vona a ngava iea, ra naro ni ngutu, i uka ma ga lohoka vona ge hale.

1 Korin 6:10

e huriki a panaho, e huriki ri muma, e huriki ri ninu a naru vagole ri manga, e huriki ri ta padimomo, e huriki ri radi a maki na viri tara, re huriki a bakovi a ngatavine maea i uka ma ri gi dili na harikianga na Vure.

Epesus 5:3

Pali a naro na molenga, a naro katoki, a naro ni ngutu, ni ngaru hateka a maki, naha liu mu gu rata. A naro nga, i uka ma ge kara ni rata a tara na Vure.

Epesus 5:5

I muholi hateka, e huriki ri mole, e huriki ri katoki na matana Vure, e huriki ri ngutu na maki na viri tara (e huriki maea ri kavurike a vure tebi), i uka ma ri gi dili na harikianga ne Kristo, a harikianga na Vure.

Vinara 5:21

“‘Naha ni ngutu na girihina bakovi tara. Naha ni ngutu na ruma vona, na malala vona, ne huriki a vora vona, na maka sipsip a bulmakau vona, na maka mahala vona.

Vinara 7:25

Mu rungani a maka vure ne ria ni kau na kedo. Naha ni ngutu ni bole a maka gol a silva, ra ni vakabagetu a vure ne ria vona, a vuhuna ri muma hateka ne BAKOVI DAGI a Vure ne mua.

Pilipai 3:19

A vure ne ria, a ningaru hale na kakaine ria. A bagetua ne ria a maka naro ni maruhu ri rata. Ri luhoi kunana a maki na malala. Bara ri vurua.

Kolosi 3:5

Lakea ngane, mu vakalobo liu a maka naro hale na malala i tabuli na hatene mua. Naha ni rata a rabu na molenga, naha ni gaodeko, naha ni ngutu na bakovi o a ngatavine tara. Naha ni ngutu na maki na viri tara. A viri i ngutu na maki na viri tara i manga kunana i kavurike a vure tebi.

Hibru 13:5

Naha ni nunu muri mai a mahala. A maki mu tahoka pali, mu vivi vona kunana, a vuhuna a Vure i ta maea, “I uka ma ga ha taro mua. I uka ma ga lohopile mua.”

Iosua 7:21

Na tahuna si vaubi si bole a maka maki o Ieriko, a matai a varakia kamumu o Babel, a tabekena silva a nimavana i 4 kilo, a tabekena gol a nimavana i 1 kilo. A ngaru hateka a maki nga a bole. A bole dili na kape nau a tanu na malala, a silva i tabuli polotano liu.”