A Nimariu 20:14 - A Nitana Vure

¹⁴ “Naha ni rata a naro na molenga.

A Nimariu 20:14 Iomraidhean Croise

A Vuhuna 39:9

I uka a viri ge matakaria a ruma, iau kunana a matakaria. E girihimu i uka ma i hatekakaria nau tara maki. Ioe kunana i hatekakari iau vomu, a vuhuna ioe e girihina. Ga rata a naro hale navai na matana Vure?”

E Levi 18:20

“Naha ni mahita turana e girihina bakovi i made tabukoi vomu, bara o rata mavonga o muto.

E Levi 20:10

“Bara a bakovi i rata a naro na molenga ne girihina bakovi tara, ra bakovi a ngatavine nga ni gi rabalaki, a vuhuna rua kunana ru vakabele a vuranga ne rua.

Ni Gi 5:12

“A ngatavine tara ge ruru ge rata a naro na molenga,

Mateo 19:18

Muri a bakovi i nana maea, “E rei a vinara ga ramaia?” E Isu i koli, i ta maea, “Naha ni raba­laki a viri. Naha ni mole. Naha ni panaho. Naha ni tatami.

A Raukea e Paulus i Here Lakea ne Huriki a Rom 13:9

Ranga Vinara na Vure, ri ta maea, “Naha ni mole. Naha ni rabalaki a viri. Naha ni panaho. Naha ni ngutu na maki ne turamu.” A vinara nga, turana maka vinara ranga, i manga a vinara i taku kunana, ra i maea, “O ngarua e turamu i manga o ngaru mule ioe.”

Vinara 5:18

“‘Naha ni mole.

Hibru 13:4

A parangia, mua lobo mu togoa. Naha ni vakahale a parangia, a vuhuna a Vure ge pelekado, ge ratapile e huriki ri mole.

Iakop 2:11

Mu lohoka vona a Vure i ta maea, “Naha ni rata a naro na molenga.” I ta maea tabu, “Naha ni rabalaki a viri.” E rei a viri i uka ma i rata a naro na molenga, pali i rabalaki a viri, ngane ia a viri ni longotaro a vinara.

Iakop 4:4

Mu ha taroa a Vure i manga a ngatavine i ha taroa e girihina, i vano i ngoi viliha. Mu longo, mu lohoka vona, e huriki ri ngaru a vilo na malala, ria a pile na Vure. I mavonga, e rei a viri ne mua i ngaru ni ramai a naro na malala, ia a pile na Vure.

Kapiloho 21:8

Pali e huriki ri mangenge, e huriki i uka ma ri luhoi tora, e huriki ri katoki na matagu, e huriki ri rabalaki a viri, e huriki ri mole, e huriki ri rata a muto, a malulu, e huriki ri vasileki na nitamina vure, e huriki ri tatami, a murine ria a darilomu i nono na viku a kanono. Ia ni gale a ruana matenga.”