A Nimariu 19:18 - A Nitana Vure

¹⁸ A lolo e Sinai i vuruke, a pokona kanono i kavitagua, a vuhuna e BAKOVI DAGI i puru valai turana a kanono dagi i made pololilo vona.

A Nimariu 19:18 Iomraidhean Croise

A Vuhuna 11:5

Pali e BAKOVI DAGI i puru valai, ge kasisia a tanga dagi turana a mapana roho dagi e huriki a bakovi ri haea.

A Vuhuna 15:17

I rolo pali a haro, i bele a uvo lakea i bele a hubena kanono turana a ulo i vona a pokona, ru tabuli na kurukuruna kania.

A Vuhuna 19:28

I mata puru o Sodoma o Gomora, i mata lokovonga liu i masia a bila i poko bulolo, i manga a pokona kanunga.

A Nimariu 19:13

Pali nahea ni gi ubi na lima. Ni gi padimate na kedo o na maheto. A bakovi o a sipsip a bulmakau ge pagepoloa a nagi iea, i uka ma ge mahuri. I tahoka a parava bara mu sike valai na lolo, na tahuna mu longo a tavure i sidi.”

A Nimariu 19:17

Muri e Moses i tuli tala ria na mada, ri pesi na dahana lolo, ri taguia a Vure.

A Nimariu 20:18

Na tahuna e huriki a Israel ri longoa a bubu i kururu, ri longoa a tavure i sidi, ri masia a pokona kanono i kavitagua a lolo, ri mangenge, i vakulu a tagane ria. Lakea ri karuku hamule, ri pesi basi,

A Nimariu 24:17

E huriki a Israel ri masia a nipara ne BAKOVI DAGI i manga a kanono na mapana lolo.

A Nimariu 3:2

A agelo ne BAKOVI DAGI i bele vona, i manga a kanono i hube langa na kai kiroko tara. Pali e Moses i masia a kai i hube vona a kanono, pali i uka ma i nono.

A Nimariu 34:2

Kuduvi na hatelanga o bole a tabekena nga, o sike na mapana lolo e Sinai, o tagui iau vonga.

Mateo 24:7

E huriki a kabu na robo tara bara ri vaubi turana kabu na robo tara. E huriki a tara na hariki tara bara ri vaubi turana tara na hariki tara. A pago, a vuruke bara ri bele na tabeke legelege.

Vinara 33:2

i taki ria i ta maea, “E BAKOVI DAGI i made na lolo e Sinai, i valai i bele manga a haro na robo e Idom. A parana na lolo e Paran i parai e huriki a tara vona. A agelo i ravulu e rangale (1,000) ri made turana. A kanono dagi i hube na limana a kanena.

Vinara 4:36

I ngaru ni tovo mua, i ngaru mu gu longoa a ngavana ra i ta valai na hunu. Na malala mu masia a kanono dagi vona, i made pololilo vona, i ta lakea ne mua.

Vinara 5:22

“‘Na tahuna mu vapopo na dahana lolo, e BAKOVI DAGI i made pololilo na kanono na bubu na hini i uvo hateka. I ta dagi hateka, i habi ne mua a maka vinara lobo nga. I uka ma i habi tabu ne mua ranga. Muri i here a maka vinara nga na tabekena kedo i rua, i habi nau.’

Vinara 5:4

E BAKOVI DAGI i made pololilo na kanono, i ngalai hita, i ta turane hita na lolo.

2 Tesalonika 1:8

E huriki i uka ma ri longototo a Velenga Kamumu ne Bakovi Dagi ne hita, e Isu, e huriki i uka ma ri lohoka na Vure, e Isu bara i vakamadihi ria.

Hibru 12:18

I uka ma mu bele na lolo e huriki a Israel hosi ri bele vona. A lolo iea i vona a kanono dagi. A lolo iea i uvo hateka, e huriki ri mangenge vona. A lolo iea i bele vona a vilu dagi hateka.

Hibru 12:26

Hosi, na tahuna iea, a lohona Vure i polua a malala, i vuruke. Pali ngane i ta muholi ne hita, i ta maea, “Pali muri ma bara polu tabua a malala. I uka ma ga polu kunana a malala. A hunu tara bara polua.”

2 Petrus 3:10

A Parava ne Bakovi Dagi bara i bele vaka­turutu kunana, i manga a bakovi ni panaho. Na parava iea a hunu bara i tangi pahumu dagi, i marakavelu. A maka maki na hunu, a Vure bara i gutu parina ria na kanono, ri gi lobo liu. I mavonga, a naro lobo ni rata koea na malala ri gi bele kavakava.

Kapiloho 15:8

Ngane a pokona bagetuanga turana nitora na Vure i vakavonu a Roho. E huriki ri keri ni dili na roho, i harena na tahuna a vuranga i polorua na agelo i polorua ri lobo.

Kapiloho 9:2

I talea a logo na lovo i marangeo, lakea a pokona kanono dagi i poko tala vona, i ratea a hini i katoki, i kavitagua a haro.