A Nimariu 19:1 - A Nitana Vure

^1-2 E huriki a Israel ri mariu tala o Repidim ri vano. Na mugana parava na toluna keva na tahuna ri pe e Egipto, ri bele na tabeke i ngeki ne Sinai, ri rata a mada tabukoi na lolo.

A Nimariu 19:1 Iomraidhean Croise

A Nimariu 12:2

“Ra keva iea, a mugana keva na pida.

A Nimariu 12:51

Na parava iea kunana e BAKOVI DAGI i vakamariu tala o Egipto e huriki a Israel.

A Nimariu 12:6

A maka sipsip a bulmakau ni gi matakari kamumu ge harena na parava ge ravulu a polona i va na keva iea. Na malunga liu, e huriki a Israel ri gi rabalaki a maka tuna sipsip.

A Nimariu 16:1

A keva i rua, a parava i ravulu a polona i lima i polo na tahuna ri pea pali e Egipto, ngane e huriki a Israel ri pea e Elim. Ri vano ri bele na tabeke i ngeki ne Sin, na koropalane Elim e Sinai.

A Nimariu 3:12

Lakea a Vure i ta maea, “Iau a made turamu. Ngane ga habia vomu tara kilakila ge vakasiri ioe, iau a rudu ioe. Ra kilakila iea ge maea, na tahuna o tuli tala e huriki a Israel o Egipto, ri gi valai, mu kavurike iau na lolo iea.”

A Nimariu 40:2

“O longo, na mugana parava na keva, mu vakapesia a mailo nau.

Ni Gi 1:1

Na mugana parava na ruana keva na ruana pida muri ne huriki a Israel ri pea e Egipto, e BAKOVI DAGI i ta turane Moses pololilo na Kape na Vaponga na tabeke i ngeki ne Sinai. I ta maea,

Ni Gi 10:12

Lakea e huriki a Israel, ri malaga ri pe mulea a malala golea ne Sinai, ri laho lokovonga. A bubu i vano i pesi na malala golea ne Paran.

Ni Gi 3:14

Na tabeke i ngeki ne Sinai e BAKOVI DAGI i takia e Moses i ta maea,

Ni Gi 33:15

Ri pea e Repidim, ri rata a mada na tabeke i ngeki ne Sinai.

Vinara 1:6

E Moses i vara ria, i ta maea, “Na tahuna si made na lolo e Sinai, e BAKOVI DAGI a Vure ne hita i taki hita i ta maea, ‘Mu made tabaka pali vona a lolo iea, ngane mu vano.

Vinara 4:10

na parava mu pesi tabukoi ne BAKOVI DAGI a Vure ne hita na lolo e Sinai. Na tahuna iea a Vure i taki iau i ta maea, ‘Moses, o gale palupu e huriki ri gi vapopo, ri gi longo a maka ngava ga taki. A ngaru ria ri gi togo ri gi ramai iau kunana na tahuna ri made na malala. Ri gi tovo e huriki e tune ria, lakea e huriki e tune ria ri gi ramai iau.’

Vinara 4:15

“Na tahuna e BAKOVI DAGI i made na kanono na lolo e Sinai i ta lakea ne mua, i uka ma mu masia tara maki ge a kilakilana, mu longo kunanea a lohona. Ngane mu matadoko kamumu,

Vinara 5:2

E BAKOVI DAGI a Vure ne hita, i rata a ngava dagi turane hita na lolo e Sinai.