A Nimariu 18:3 - A Nitana Vure

³ turane tune Moses ala rua bakovi. A tabua a rane Gersom. Muga e Moses i ta maea, “Iau a mosi, a valai a made na robo basi.”

A Nimariu 18:3 Iomraidhean Croise

A Nimariu 2:22

Muri e Sipora i singou i podea a koma bakovi. Lakea e Moses i taki mule ia i ta maea, “Iau a mosi a made vona a tanga iea. Ngane ga vunua a koma iea e Gersom.”

A Nimariu 4:20

Lakea e Moses i vakarike na donki e girihina, e tuna bakovi ala rua, i bolea a kodo na Vure i puru turane tou o Egipto.

Apostolo 7:29

Na tahuna e Moses i longoa a ngava iea, i ha lakea o Midian i made manga mosi vonga. Muri i parangi, i tahoka e tuna bakovi ala rua.

Hibru 11:13

Re huriki a bakovi a ngatavine nga, i uka ma ri bole ma a maki a Vure i ta muholi vona ri gi bole. Pali ri vivi kunana ni lohoka vona a maki nga bara ri bele muri ma. I uka ma ri bole a maki nga, pali na tahuna ri mate, ri tabana ni luhoi torea a Vure. Ri lohoka vona, ri made manga a mosi kunana koea na malala.

1 Petrus 2:11

Mua o huriki a turagu, mu manga a mosi, mu laho polo kunanea a malala iea. A taki tora mua mu gu pile a ningaru hale na kakaine mua. A ningaru hale nga ri vaubi na hanune mua.