A Nimariu 18:19 - A Nitana Vure

¹⁹ O longo valai, ga taki ioe vona tara naro go ratea vona a leho vomu. Ioe o ramaia, a Vure bara i turamu. I kamumu hateka go vakalongo a nitana Vure ne huriki. A maka leho ranga, o habi ne ria.

A Nimariu 18:19 Iomraidhean Croise

A Vuhuna 39:2

E BAKOVI DAGI i matakaria e Iosep, i leho kamumu kunana na ruma e Potipar.

A Nimariu 18:15

Lakea e Moses i koli, i ta maea, “Ri ngaru ni lohoka na maki a Vure i ngaru ri gi rata, lakea ri valai nau.

A Nimariu 18:20

Pali ioe, o tovo ria na maka vinara lobo na Vure. O taki ria vona a vinara ri gi ramai, a leho ri gi rata.

A Nimariu 18:24

E Moses i longo mai a ngava kamumu ne Ietro.

A Nimariu 20:19

ri takia e Moses, “Ioe kunana o ta turane mia mi gi longo. Pali a Vure nahea ge ta valai ne mia, ma mi gi mate.”

A Nimariu 3:12

Lakea a Vure i ta maea, “Iau a made turamu. Ngane ga habia vomu tara kilakila ge vakasiri ioe, iau a rudu ioe. Ra kilakila iea ge maea, na tahuna o tuli tala e huriki a Israel o Egipto, ri gi valai, mu kavurike iau na lolo iea.”

A Nimariu 4:12

O vano ngane, bara tovo ioe, a tuhori ioe na ngava go taki.”

A Nimariu 4:16

Ioe o taki polo ne Aron a ngava ge taki ge vakalongo ne huriki. Na matane Aron, ioe o manga a Vure, o habi a ngava vona ge vakalongo e huriki.

Ni Gi 27:5

Lakea e Moses i bole lakea ne BAKOVI DAGI a nitane ria.

Vinara 20:1

E Moses i ta tabu i ta maea, “Na tahuna mu vano mu vaubi turane huriki a pile ne mua mu matai a maka karis a hos e huriki a tara na vabinga ri ala kupo hateka, naha ni mangenge ne ria. A vuhuna e BAKOVI DAGI a Vure ne mua i bole tala mua o Egipto, i taparaki valai mua koea, bara i matakari mua.

Vinara 5:5

Na tahuna iea e BAKOVI DAGI i taki iau ga habia ne mua a ngavana, a vuhuna mu mangenge na kanono, i uka ma mu sike na lolo. Lakea e BAKOVI DAGI i ta maea,

Iosua 1:9

A taki ioe pali, o pesi tora, naha ni mangenge, naha ni loho paepae. A vuhuna iau e BAKOVI DAGI a Vure vomu, ga laho turamu na tabeke lobo.”