A Nimariu 18:12 - A Nitana Vure

¹² Ru tuverei lobo, lakea e Ietro i bole a maka nihabi gutu-vuro turana a nihabi ranga, i habi na Vure. Muri e Aron turane huriki a gare ne Israel ri valai ri kani a bret turane Ietro na matana Vure.

A Nimariu 18:12 Iomraidhean Croise

A Vuhuna 12:7

Pali e BAKOVI DAGI i bele ne Abram i ta maea, “Ga habia ne huriki a hamomu a malala iea.” Lakea i kisia vonga a dede-kedo na hini i bele vona e BAKOVI DAGI.

A Vuhuna 26:25

E Isak i haea vonga a dede-kedo i kavurikea a rane BAKOVI DAGI. Muri i vakapesia vonga a kape vona, lakea e huriki a vora vona ri kelia a naru.

A Vuhuna 26:30

E Isak i ratea a habu ne tou, to kani, to ninu.

A Vuhuna 31:54

Muri i habi meli na lolo a nihabi na Vure. I gale e huriki a kabu vona ri kani palupu. Ri kani lobo, ri mahita tabu vonga.

A Vuhuna 4:4

Pali e Abel i bole a maka tuna sipsip a tabua i vi. Lakea e BAKOVI DAGI i ngarua a nihabi ne Abel,

A Vuhuna 43:25

Na tahuna ri longoa e Iosep ge kani turane ria na haro, ri ru palupu a maka mahala ri gi habi vona.

A Vuhuna 8:20

Muri e Noa i kisia a dede-kedo ne BAKOVI DAGI, i bole ranga kanirau kabakaba, a kadirovo kabakaba, i rabalaki i gutu-vuro ria i habi ne Bakovi Dagi.

A Nimariu 18:13

Na parava muri e Moses i made i talangaki a maka maregoa ne huriki a Israel. E huriki ri ngaru ni masia ri pesi haluia na hatelanga i harena na malunga.

A Nimariu 2:16

Na robo iea i tahoka tara prister. I tahoka e tuna ngatavine ala polorua. E Moses i made na dahana lomu i matai e huriki a ngatavine nga ri valai ri gi kiru a maka buroi ne ria, ri gi vakaninu a kabuna sipsip, a meme ne tamane ria.

A Nimariu 2:20

Lakea e tamane ria i nana, “Ra bakovi iea i made vai? I navai mu pe ia vonga? Mu vano mu takia ge valai ge kani turane hita.” Muri ri vano ri takia e Moses, i valai.

A Nimariu 20:24

Mu ratea na malala a dede, mu habi vonga a maka sipsip a bulmakau, ge a nihabi gutu-vuro, ge a nihabi na nivalemu. Na tahuna mu rata mavonga mu kavurike iau, bara rata kamumu mua.

A Nimariu 24:11

Muholi ri masia a Vure, pali i uka ma i ratapile e huriki a gare ne Israel. Muri ri kani ri ninu vonga.

A Nimariu 24:5

Muri i rudu ranga koma tamuhane ne Israel, ri habi a nihabi gutu-vuro ne BAKOVI DAGI. Ri rabalaki a bulmakau karaba ne vona a nihabi na nivalemu turana Vure.

A Nimariu 3:1

E Moses i matakari a maka sipsip a meme ne lahuana e Ietro, a prister ne Midian. Na parava tara e Moses i vakalaho a maka sipsip a meme, i lakea na tabeke na nirolona haro na tabeke i ngeki, i bele o Horeb, a lolo na Vure.

A Nimariu 33:7

Na tahuna e huriki a Israel ri lakea na tabeke tara, ri vakapesi a kape ne ria. Pali e Moses bara i vakapesi basi popote na mada a kape ni tagui e BAKOVI DAGI. E rei a viri i ngaru ni lohoka na ningaru vona, bara i lakea vona a kape iea.

Ni Gi 10:29

Lakea e Moses i takia e lavona, e Hobab, e tune Ietro a bakovi na robo e Midian, i ta maea, “Ngane mi gi malaga mi gi laho maia a robo tara e BAKOVI DAGI i taki ge habia ne mia. I ta muholi pali ta mi gi made kamumu hateka vona a robo iea. Ioe o ngaru o valai turane mia, ga veru ga habi vomu a maka maki kamumu ge kupo.”

Lukas 14:1

Na Parava Nimalo tara, e Isu i vano i kani na ruma na bakovi dagi tara ne huriki a Pariseo. Ri mata­nonoa, ri mata kana a naro ranga ge rata ruru.

Lukas 14:15

A bakovi tara i made vonga i longoa a ngavane Isu, lakea i ta maea, “E huriki ri kani na habu na harikianga na Vure ri gi vivi.”

1 Korin 10:18

Mu luhoi e huriki a Israel. Ri manga a kabu i taku kunana, ri kani vona a nihabi ni habi na dede, ri vaveru vona a nihabi.

1 Korin 10:21

Mu keri ni ninu varago a kikei ne Bakovi Dagi, a kikei na hanitu. Mu keri ni kani varago na dede ne Bakovi Dagi, a dede na hanitu.

1 Korin 10:31

I mavonga, a ra maki mu ninu, a ra maki mu kani, a ra maki mu ratea, mu ratea, e huriki ri gi togoa a Vure.

Vinara 12:7

Na tanga iea, na matane BAKOVI DAGI a Vure ne hita, mua turane huriki a kabu ne mua, mu kani mu vivi vona a maka maki kamumu e BAKOVI DAGI i gamai mua vona.

Vinara 27:7

turana a nihabi na nivalemu turana Vure. Mu kani mu vivi vona a bobona sipsip a bulmakau na nihabi, ne vona ni rata a nivalemu na matane BAKOVI DAGI a Vure ne hita.