A Nimariu 18:11 - A Nitana Vure

¹¹ Ngane a lohoka vona e BAKOVI DAGI i rangi a vure lobo, a vuhuna i matakari mua na tahuna e huriki a Egipto ri vakavora hateka mua.”

A Nimariu 18:11 Iomraidhean Croise

A Nimariu 1:10

A vabinga tara bara i bele, bara ri taga turane huriki a pile, ri vaubi turane hita. Muri bara ri ha taroa a robo ne hita, ri vano. Si gi matakanea tara dala si gi rata ria nahea ri gi ala kupo hateka.”

A Nimariu 1:16

“Na tahuna muru tuhoria tara ngatavine o Hibru ge poda a koma bakovi, muru rabalakia a koma. A ngata­vine ge poda a koma ngatavine, naha ni rabalakia a koma.”

A Nimariu 1:22

Lakea e Parao i vakuku e huriki a Egipto, i ta maea, “Mu bole e huriki a koma bakovi na Hibru, mu voro puru na naru dagi e Nail, ri gi pasiri. Pali naha ni rabalaki a koma ngatavine.”

A Nimariu 10:3

Lakea e Moses e Aron ru lakea ne Parao ru takia, “E BAKOVI DAGI a Vure ne mia e huriki a Hibru i ta maea, ‘I balaka riva go longotaro a ngavagu, go marikoi ni longo mai iau? O taki e huriki a viri nau, ri gi vano ri gi kavurike iau.

A Nimariu 12:12

“Na rodo iea ga lakea na tabeke lobo ne Egipto, ga rabalaki e huriki a tabua bakovi, a tabua toga na sipsip, a bulmakau. Iau kunana e BAKOVI DAGI, bara ratapile a maka vure ne huriki a Egipto.

A Nimariu 14:18

Ga ratapilea e Parao, muri e huriki a Egipto bara ri matakilaka nau, iau kunana e BAKOVI DAGI.”

A Nimariu 14:8

E BAKOVI DAGI i ratea e Parao a hariki o Egipto i gigitora, i nunu muri ne huriki a Israel, i matakana ria. Pali e huriki a Israel ri lohoka vona pali, ri mulangi, ri vivi ri vano.

A Nimariu 15:11

“BAKOVI DAGI, i uka tara vure ge manga ioe. Ioe a hariki dagi, o malamala hateka, a nitora vomu i dagi hateka. A bagetua vomu i kamumu hateka. O rata a maka nivakasiri, e huriki ri turutu, ri mangenge.

A Nimariu 5:2

Pali e Parao i koli, i ta maea, “E rei ra BAKOVI DAGI iea? Pali i navai ga longototoa ne mua a Israel mu gu vano? Iau i uka ma a lohoka vona a BAKOVI DAGI ne mua, i uka ma a ngaru mua mu gu vano.”

A Nimariu 5:7

“Naha ni habi a varili ge kere ne huriki a Israel ri gi rata a brik, i manga a hini ri rata vakaroro. Ria kunana, ri gi vano ri gi bole a varili.

Ni Gi 33:4

Na tahuna iea e huriki a Egipto ri tanu e huriki e tune ria a tabua, ra i rabalaki e BAKOVI DAGI. I ratapile tabu a maka vure ne ria, ge vakasiri a nitora vona.

Lukas 1:51

A Vure i gao hateka. I lili tala e huriki ri tagege.

Iakop 4:6

Pali a Vure i rata kamumu hateka hita. I mavonga a Hinere i ta maea, “A Vure i tepu e huriki ri putu ngingi, pali i rata kamumu e huriki ri vakakiroko ria.”

1 Petrus 5:5

Mua o huriki a riau, mu longototo e huriki a gare ne mua. Mu vakakiroko mua, mu vakori, a vuhuna a Hinere i ta maea, “E huriki ri bibi rike mule a rane ria, a Vure bara i gege ria. Pali e huriki ri vakakiroko ria, a Vure bara i rata kamumu ria.”