A Nimariu 17:7 - A Nitana Vure

⁷ Ri galea a hini nga e Masa e Meriba, a vuhuna e huriki a Israel ri tahate, ri ta maea, “E BAKOVI DAGI i made turane hita, o i uka?” Na naro iea kunana ri ngaru ni tonia e BAKOVI DAGI.

A Nimariu 17:7 Iomraidhean Croise

A Nimariu 17:2

Lakea ri tahatea e Moses ri ta maea, “O matakanea ngane a naru mi gi nua!” E Moses i koli, i ta maea, “I navai mu tahate iau? Mu ngaru ni toni a nitora ne BAKOVI DAGI?”

A Nimariu 34:9

Lakea e Moses i takia, “Bakovi Dagi, ioe bara o ngaru muholi iau, a ngaru ioe go vano turane mia. I muholi ngi, re huriki nga ri longotaro hateka a ngava, a ngaru go puga vuroki a naro hale ne ria, o bole mia, ge mia e huriki a viri vomu.”

Ni Gi 14:22

I muholi hateka e huriki a bakovi a ngatavine ri longotaro ri toha iau, i uka ma ri gi lakea na robo ta ga habia ne ria. Ri masia a nipara i vakasiri ria ne nau a made turane ria. Ri matai a maka nivakasiri a rata pali o Egipto a rata pali na tabeke i ngeki. Pali ri longotaro vakaroro a nitagu.

Ni Gi 20:13

Ra maki iea i bele na naru e Meriba, ra tanga e Moses i ratea a naru i tua tala na kedo. Na tanga e Meriba e huriki a Israel ri tapuhaki ne BAKOVI DAGI, lakea e BAKOVI DAGI i vakasiri ria, ia i malamala.

Ni Gi 20:24

“Aron, i uka ma go lakea vona a robo a taki ta ga habia ne huriki a Israel. Ioe bara o mate a vuhuna muru longotaro a ngavagu na naru e Meriba.

Ni Gi 27:14

A vuhuna muru longotaro a nitagu na tabeke i ngeki ne Sin. Na tahuna e huriki a bakovi a ngatavine ri tapuhaki ne nau na naru e Meriba, o marikoi ni vakasiri a nitora dagi nau ne ria.” Ra lomu e Meriba i tabuli o Kades na tabeke i ngeki ne Sin.

Ioanes 1:14

A Nita i bele manga a bakovi, i made turane hita. Mi masia a bagetuanga vona, a bagetuanga ne Tuna a Madiva, ra viri i valai ne Tamana. Ia a mari ni dodo, a mari ni ta muholi.

Vinara 31:17

Na tahuna ri rata maea, bara i madihi a hategu ne ria. Bara pe ria a ngalahere ne ria, bara ri bole a vuranga. A maka maki hale ri kupo bara i ratapile ria. Bara i kupo a maka maki hale i bele ne ria. Muri bara ri ta maea, ‘A Vure i uka ma i made turane hita, i bele ne hita a maka maregoa nga.’

Vinara 33:8

I taki a kabu ne Levi i ta maea, “BAKOVI DAGI, o habi na kabu ne Levi, re huriki a vora kamumu vomu, a kedo e Tumim e Urim, ra kedo nga ru vakasiri a ningaru vomu ne ria. O toni ria na tanga e Masa, na naru e Meriba.

Vinara 6:16

“Naha ni toni a nitora ne BAKOVI DAGI a Vure ne hita, i manga a hini mu rata na tanga e Masa.

Vinara 9:22

“Na tahuna mu made na tanga e Tabera, e Masa, e Kibrot-Hatava mu ratea e BAKOVI DAGI i madihi a hatena.

Iosua 22:31

Lakea e Pinias e tune Eleasar a prister i taki maea ria “Ngane si lohoka vona e BAKOVI DAGI i made turane hita, a vuhuna i uka ma mu ngalahere vona. I mavonga mu korimule hita a Israel na rongova ne BAKOVI DAGI.”