A Nimariu 17:6 - A Nitana Vure

⁶ Iau ga pesi langa na kedo na lolo e Horeb, ga dava mua vonga. Na tahuna o valai tabukoi, o bolea a kodo vomu o ubia a kedo dagi, ge bele a naru ge ninu e huriki a viri vomu.” E huriki a gare ri masia e Moses, i ubia a kedo dagi i bele a naru.

A Nimariu 17:6 Iomraidhean Croise

A Nimariu 14:16

O toto rikea a kodo vomu o toto langa na dari, ge vakalipida na tabeke ge rua, ge lahopolo na mahasi e huriki.

A Nimariu 16:10

Na tahuna e Aron i ta, e huriki a Israel ri mata lokovonga na tabeke i ngeki ri masia a nipara ne BAKOVI DAGI i parai a bubu.

Ni Gi 20:8

“O bolea a kodo. Marua e Aron muru vakalipopo e huriki. Na matane ria o ta lakea na kedo dagi, ge bele a naru. Na naro iea, bara o ratea a naru i bele na kedo. E huriki a bakovi a ngatavine turana a maka sipsip a bulmakau ne ria, bara ri ninu.”

Ioanes 4:10

Lakea e Isu i koli a ngavana, i ta maea, “Ioe bara o lohoka na maki a Vure i habi tavula, bara o lohoka vona a viri i nongi a naru vomu, bara o takia ge habia vomu a naru na nimahuri.”

Ioanes 4:14

Pali e huriki ri ninua a naru iau a habi, i uka ma ri gi marohu tabu. Muholi hateka a naru iau a habi bara i bele manga a narubele i tua pololilo ne ria, i habi a nimahuri vaka­roro ne ria.”

1 Korin 10:4

Ri ninu vona a naru i valai na Vure, a vuhuna ri ninu vona a naru na kedo i valai na Vure, ra i muri mai ria. A kedo iea, re Kristo.

Vinara 1:2

Na tahuna a viri i malaga na lolo e Sinai bara i ramaia a dala na lolo na robo e Idom, i laho na parava i ravulu a polona i taku, i bele o Kades-Barnea.

Vinara 8:15

Ia kunana i muga mua na malala golea e huriki ri mangenge vona, i tahoka a maka mata hale, a kira. Na tabeke iea i kere hateka, i ratea a naru i tua tala na kedo dagi, mu nua.

Kapiloho 22:17

A Hanuna Vure, e girihine Tune Sipsip ru ta maea, “O valai.” E huriki ri longo, ria ranga ri gi ta maea, “O valai.” E huriki ri marohu ri gi valai. E huriki ri ngaru ni ninu ri gi valai, ri gi kiru a naru, i uka ma ri gi konea.